ព័ត៌មានជាតិ ព័ត៌មានរាយការណ៍

បែកធ្លាយ៖ សមត្ថកិច្ច ផ្នែកគ្រឿងញៀនម្នាក់នៅស្រុកទ្រាំង ចាប់បានជនសង្ស័យយកលុយ១៥០០ដុល្លាជាថ្នូដោះលែងវិញ!

ខេត្តតាកែវ ៖បែកធ្លាយថា៖ កាលពីយប់ថ្ងៃទី១២ ខែសីហា ឆ្នាំ២០២២ វេលាម៉ោងប្រហែល២៤និង០០នាទី កម្លាំងប្រចាំការនៅគោលដៅគាល់ស្ពានខាងលិចភ្នំសន្លុង ឃុំសន្លុង ស្រុកទ្រាំង ខេត្តតាកែវ បានធ្វើការឃាត់ខ្លួនជនសង្ស័យ២នាក់ ក្នុងនោះជនសង្ស័យម្នាក់មានដីកាតាមចាប់ខ្លួនពាក់ព័ន្ធករណីគ្រឿងញៀន។
ប្រភពច្បាស់ការមួយបានបញ្ជាក់ថា ជនសង្ស័យម្នាក់ត្រូវបានស្គាល់ឈ្មោះ ឡុង ហាក់ ភេទប្រុស អាយុ៣៩ឆ្នាំ រស់នៅភូមិស្មោង ឃុំស្មោង ស្រុកទ្រាំង ខេត្តតាកែវ មានដីកាតាមចាប់ខ្លួនពាក់ព័ន្ធនិងគ្រឿងញៀនខុសច្បាប់។ ដោយឡែកជនសង្ស័យម្នាក់ទៀតមិនត្រូវបានស្គាល់ឈ្មោះនោះទេ ព្រោះមិនមានជាប់ពាក់ព័ន្ធសមត្ថកិច្ចក៏បានដោះលែងវិញភ្លាមៗ។

ប្រភពដដែលបានបន្តទៀតថា ក្រោយការឃាត់ខ្លួនជនសង្ស័យ ប្រពន្ធគាត់បានរត់រកលុយអ្នកជិតខាងទាំងយប់យកទៅឲ្យលោក ប៉ាត ម៉ាត អធិការរងទទួលបន្ទុកគ្រឿងញៀននៃអធិការដ្ឋាននគរបាលស្រុកទ្រាំង ដើម្បីដោះលែងប្តីខ្លួនមកផ្ទះវិញទីបំផុតជនសង្ស័យចាប់តាមដីកាត្រូវដោះលែងនៅម៉ោង១១ថ្ងៃត្រង់ទី១៣ហើយលុយ១៥០០លោកប៉ាតម៉ាតយកជាថ្នូរនិងការលុបដីការចាប់ខ្លូនរបស់សាលាដំបូងខេត្តតាកែវ។

ជុំវិញករណីខាងលើនេះ លោក ឃុត ភិន អធិការនគរបាលស្រុកទ្រាំងបានឲ្យដឹងនៅព្រឹកថ្ងៃទី១៥ ខែសីហា ឆ្នាំ២០២២ តាមរយៈការហៅទូរស័ព្ទថា កម្លាំងប្រចាំការគោលដៅគល់ស្ពានខាងលិចភ្នំសន្លុង ស្រុកទ្រាំង ពិតជាបានចាប់ឃាត់ខ្លួនជនសង្ស័យ២នាក់មែននៅយប់ថ្ងៃទី១២ តែចាប់ច្រឡំ មិនមែនជនសង្ស័យឈ្មោះ ឡុង ហាក់ ដែលមានដីកាតាមចាប់ខ្លួននោះទេ ហើយក៏បិទទូរស័ព្ទទៅ។

មហាជនមានចម្ងល់ថា បើប៉ូលីស ចាប់ច្រឡំហេតុអ្វីបានជាប្រពន្ធជនសង្ស័យឈ្មោះ ឡុង ហាក់ រត់រកលុយទាំងយប់ផ្អើលអ្នកស្រុក អ្នកភូមិយកទៅអធិការដ្ឋាន៕
ប្រភពដោយ:សុិន ខ្វាន់ឆា

adm

Leave a Reply

Your email address will not be published. Required fields are marked *