បើកបរត្រាក់ទ័រភ្ជួរដីស្រាប់តែជាន់មីនតោនផ្ទុះស្លាប់នៅស្រុកគាស់ក្រឡ

April 14, 2021 adm Comment(0)

ខេត្តបាត់ដំបង៖ មន្ត្រីអធិការដ្ឋាននគរបាលស្រុកគាស់ក្រឡបានឱ្យដឹងថាមានករណីផ្ទុះគ្រាប់មីនសល់ពីសម័យសង្គ្រាមបានកើតឡើងនៅរសៀលថ្ងៃទី ១៣ ខែមេសា ឆ្នាំ២០ ២១ ត្រង់ចំណុចអារី ក្នុងភូមិតានួត ឃុំព្រះផុស ស្រុកគាស់ក្រឡ ខេត្តបាត់ដំបង។

បុរសរងគ្រោះមាន ឈ្មោះស៊ឹម ស៊ូ អាយុ៥២ឆ្នាំ រស់ នៅភូមិប៉ែន ឃុំរបស់មង្គល ស្រុកមោងឫស្សី។

មុនគ្រោះថ្នាក់កើតឡើងជនរងគ្រោះបានបើកត្រាក់ទ័រភ្ជួរដីចម្ការឱ្យឪពុកក្មេកនៅចំណុចកើតហេតុក៏ស្រាប់តែជាន់មីនតោនដែលកប់នៅក្នុងដីបណ្តាលឱ្យផ្ទុះកក្រើកដីរងរបួសធ្ងន់តែម្តង ហើយបានស្លាប់ក្រោយពេលបញ្ជូនទៅកាន់មន្ទីរពេទ្យ ចំណែកឯត្រាក់ទ័រប៉ើងក្រឡាប់ផ្ងារជើងរងការខូចខាតយ៉ាងដំណំ។

លោកវរសេនីយ៍ឯក ប៉ាង ហៀង អធិការនគរ បាលស្រុក គាស់ក្រឡបានបញ្ជាក់ថា ចំណុចកេីតហេតុខាងលើនេះជាអតីតសមរភូមិប្រយុទ្ធគ្នា ខ្លាំង ហេីយដីដែលជនរងគ្រោះបានភ្ជួររាស់នេះគឺជាដីថ្មី ដែលឪពុកក្មេករបស់គាត់ទេីប កាប់ឆ្ការរានថ្មីរួចចុះភ្ជួរជាលេីកដំបូង ទើបជួបគ្រោះថ្នាក់បែបនេះ។

លោកអធិការបន្ថែមថា នៅលើទីតាំងកើតហេតុនេះដែរកន្លងមកខាងអង្គភាពជំនាញដោះមីនមិនទាន់បានរុករក បោសសម្អាតនៅឡេីយ ។

ចំពោះបញ្ហាគ្រោះថ្នាក់នេះ លោកនឹងរាយការណ៍ទៅអង្គភាព CMAC ដេីម្បីឱ្យជួយអន្តរាគមន៍បោសសម្អាតនៅពេលក្រោយ៕

adm

ព័ត៌មានរាយការណ៍ ព័ត៌មានសន្តិសុខសង្គម

Update៖ មន្ទីរសុខាភិបាល ចុះពិនិត្យគ្លីនិកធំៗចំនួន២នៅវិហារសួគ៌ ក្រោយស្លាប់អ្នកជំងឺម្នាក់!

July 24, 2023 adm

(ខេត្តកណ្ដាល)៖ មន្ត្រីជំនាញនៃមន្ទីរសុខាភិបាលខេត្តកណ្ដាល នៅថ្ងៃទី២៤.០៧.២០២៣នេះ។ បានចុះពិនិត្យ”មន្ទីរសំរាកព្យាបាល វិហារសួគ៌”ដែលមានទីតាំងលើដងផ្លូវជាតិលេខ៨ ត្រង់ចំណុចថ្នល់កែងផ្លូវបំបែកជា៤ ភូមិវិហារសួគ៌ត្បូង ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល រួមនិង”មន្ទីរសំរាកព្យាបាល និងសម្ភព ខ្សាច់កណ្ដាល”ដែលមានទីតាំងនៅក្បែរគ្នា ក្នុងភូមិ-ឃុំជាមួយ..!។ នេះបើយោងតាម ការបញ្ជាក់របស់លោក លឹម ផល្លា ប្រធានការិយាល័យសុខាភិបាល ស្រុកប្រតិបត្តិខ្សាច់កណ្ដាល ដែលបានថ្លែងប្រាប់«សារព័ត៌មាន»នៅរសៀលទី២៤.០៧.២០២៣។ លោក លឹម ផល្លា បានលើកឡើងយ៉ាងដូច្នេះថាៈ ខ្ញុំបានសាកសួរទៅគ្លីនិករួចហើយ ប៉ុន្តែព័ត៌មានពុំទាន់ច្បាស់ការណ៍នោះទេ..!។ ទោះជាយ៉ាងណាក្ដី ពេលនេះខាងមន្ទីរសុខាភិបាលខេត្តកណ្ដាល កំពុងចុះពិនិត្យហើយ.!ចំពោះការ រកឃើញកំហុសឆ្គងរបស់គ្លីនិកឬអត់នោះ.លោកពុំដឹងទេ?។ បើតាមលោក លឹម ផល្លា ក្រោយមន្ត្រីជំនាញ ចុះពិនិត្យរួច នឹងធ្វើរបាយការណ៍ជូនថ្នាក់លើ.!។ ចំពោះការសន្និដ្ឋានឬវិនិច្ឆ័យ បែបណានោះ គឺនៅលើមន្ទីរ ខណៈរូបលោកត្រឹមការិយាល័យ ផុតដែនសមត្ថកិច្ចហើយ។ ការចុះពិនិត្យគ្លីនិកធំៗ ទាំង២ខាងលើពីសំណាក់ មន្ទីរសុខាភិបាលខេត្តកណ្ដាល នៅពេលនេះ។ បន្ទាប់ពី នៅព្រឹកទី២៤.០៧.២០២៣«សារព័ត៌មាន»បានចុះផ្សាយក្រោមចំណងជើងថា«គ្លីនិកចំនួន២នៅវិហារសួគ៌ រុញដាក់គ្នាគ្មានមួយណា ចេញមុខទទួលខុសត្រូវ ក្រោយអ្នកជំងឺស្លាប់ ព្រោះអាការៈវិវត្តទៅធ្ងន់!»។ ក្នុងខ្លឹមសារនៃអត្ថបទនោះ គឺបានដកស្រង់សម្ដី ការលើកឡើងរបស់គ្រួសារសព […]

ព័ត៌មានសន្តិសុខសង្គម

បញ្ជូនខ្លួនមេបញ្ជាការកងរាជអាវុធហត្ថក្រុងក្រចេះ និងបក្ខពួកម្នាក់ទៀត ទៅសាលាដំបូងខេត្តក្រចេះ ករណីប្រើហិង្សាលើក្មេងស្រី

November 1, 2021 adm

(ខេត្តក្រចេះ)៖ កងរាជអាវុធហត្ថខេត្តក្រចេះ បានបញ្ជូនខ្លួនមេបញ្ជាការនិងមេបញ្ជាការរងមូលដ្ឋានកងរាជអាវុធហត្ថក្រុងក្រចេះ ទៅកាន់សាលាដំបូងខេត្តក្រចេះ នៅវេលាម៉ោង១០ព្រឹកថ្ងៃទី០១ ខែវិច្ឆិកា ឆ្នាំ២០២១នេះ។ បន្ទាប់ពីសមត្ថកិច្ចបានឃាត់ខ្លួន ដើម្បីធ្វើការសាកសួរស្រាវជ្រាវតាមនីតិវិធី អស់រយៈពេល២ថ្ងៃ នៅទីបញ្ជាការរដ្ឋានកងរាជអាវុធហត្ថខេត្តក្រចេះ ដោយមានការដឹកនាំ និងសម្របសម្រួលពីតំណាងអយ្យការអមសាលាដំបូងខេត្តក្រចេះ។ ជនសង្ស័យទី១ មានឈ្មោះ ទេព ហ៊ុយ មានតួនាទីជាមេបញ្ជាការមូលដ្ឋានកងរាជអាវុធហត្ថក្រុងក្រចេះ ត្រូវបានឃាត់ខ្លួន កាលពីថ្ងៃទី៣០ ខែតុលា ឆ្នាំ២០២១ និង ជនសង្ស័យទី២ មានឈ្មោះ គឹម សុវណ្ណារឹទ្ធ តួនាទីជា មេបញ្ជាការរងមូលដ្ឋានកងរាជអាវុធហត្ថក្រុងក្រចេះ ត្រូវបានឃាត់ខ្លួន កាលពីថ្ងៃទី៣១ ខែតុលា ឆ្នាំ២០២១។ ការឃាត់ខ្លួនជនសង្ស័យទាំង២នាក់ខាងលើ គឺធ្វើឡើងបន្ទាប់ពីមានបញ្ជារផ្ទាល់របស់ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមភូមិន្ទ និងជាមេបញ្ជាការកងរាជអាវុធហត្ថ លើផ្ទៃប្រទេស លើករណីប្រើអំពើហឹង្សាទៅលើក្មេងស្រី២នាក់ ជាកូនឈ្នួលបម្រើនៅផ្ទះ បណ្តាលឲ្យរងរបួស បច្ចុប្បន្នកំពុងសម្រាក់ព្យាបាលនៅមន្ទីរពេទ្យបង្អែកខេត្តក្រចេះ។ គូសបញ្ជាក់ថា ករណីវាយធ្វើបាប និងទារុណកម្មលើក្មេងស្រីទាំង២នាក់នេះ បានកើតឡើងកាលពីថ្ងៃទី២៧ ខែតុលា ឆ្នាំ២០២១ វេលាម៉ោងប្រមាណជា១០យប់ ស្ថិតនៅក្រុងក្រចេះ ខេត្តក្រចេះ៕

ព័ត៌មានសន្តិសុខសង្គម

ក្រសួងសុខាភិបាលហាមឃាត់ការចែកចាយ ឬលក់ផលិតផលឱសថឈ្មោះ Nuobisong Switzerland ដែលគ្មានលេខបញ្ជិកា និងគ្មានការទទួលស្គាល់ពីក្រសួង

October 3, 2022 adm

(ភ្នំពេញ)៖ នេះបេីយោងតាមប្រភពព័ត៍មានពីក្រសួងសុខាភិបាលកម្ពុជា នៅព្រឹកថ្ងៃចន្ទទី០៣ ខែតុលា ឆ្នាំ២០២២នេះ បានចេញសេចក្តីជូនព័ត៌មាន ស្ដីពីការហាមឃាត់ការចែកចាយ ឬលក់ផលិតផលឱសថឈ្មោះ Nuobisong Switzerlandគ្មានលេខបញ្ជីកាពីក្រសួងសុខាភិបាល។ ក្រសួងសុខាភិបាល នៃព្រះរាជាណាចក្រកម្ពុជា សូមជម្រាបជូនដល់សាធារណជនទាំងអស់ឱ្យបានជ្រាបថា៖ យោងតាមការពិនិត្យឃើញលើបណ្ដាញសង្គមហ្វេសប៊ុក (Facebook) មានគណនីឈ្មោះ ឯកទេសបំបាត់ស្នាម មុន ជាំ កំពុងផ្សព្វផ្សាយលក់ផលិតផលឱសថឈ្មោះ Nuobisong(Switzerland) និងផលិតផលផ្សេងៗទៀតគ្មានលេខបញ្ញិកាពីក្រសួងសុខាភិបាល គិតត្រឹមថ្ងៃទី១២ ខែកញ្ញា ឆ្នាំ២០២២។ អនុលោមតាមច្បាប់ ស្តីពីការគ្រប់គ្រងឱសថ និងច្បាប់ស្តីពីវិសោធនកម្មច្បាប់ ស្តីពីការគ្រប់គ្រងឱសថតម្រូវឱ្យរាល់ការចរាចរផលិតផលឱសថ ឬផលិតផលដែលមានគុណភាពក្នុងការបង្ការ ឬព្យាបាលជំងឺគ្រប់ ប្រភេទក្នុងព្រះរាជាណាចក្រកម្ពុជា ត្រូវមានលេខទិដ្ឋាការ ឬលេខបញ្ញិកាពីក្រសួងសុខាភិបាល។ ដើម្បីជៀសវាងការខាតបង់ប្រាក់កាស និងប៉ះពាល់សុខភាពដល់អ្នកប្រើប្រាស់ទៀតនោះក្រសួងសុខាភិបាល សូមជូនដំណឹងដល់បងប្អូនប្រជាពលរដ្ឋទាំងអស់ឈប់ជឿការផ្សព្វផ្សាយផលិតផលឱសថឈ្មោះ Nuobisong Switzerland និងឈប់ប្រើប្រាស់ផលិតផលឱសថគ្មានលេខបញ្ញិកាខាងលើ ជាបន្តទៀត ហើយក្រសួងសុខាភិបាលតម្រូវឲ្យម្ចាស់គណនីបណ្តាញសង្គមហ្វេសប៊ុកខាងលើ និងជនពាក់ព័ន្ធដទៃទៀតត្រូវបញ្ឈប់ការនាំចូល ចែកចាយ ឬលក់ផលិតផលឱសថឈ្មោះ Nuobisong Switzerland នេះជាបន្ទាន់។ ក្រសួងសុខាភិបាល នឹងមានវិធានការតឹងរ៉ឹងទៅតាមផ្លូវច្បាប់ចំពោះម្ចាស់គណនីខាងលើ និងជនពាក់ព័ន្ធ ទាំងឡាយណាដែលនាំចូល ចែកចាយ ឬផ្សព្វផ្សាយលក់ផលិតផលឱសថឈ្មោះ Nuobisong […]