រថយន្តបើកបុកជាមួយម៉ូតូបណ្ដាលឱ្យមនុស្សពីរនាក់រងរបួសធ្ងន់

August 22, 2020August 22, 2020 admin Comment(0)

សៀមរាប:គ្រោះថ្នាក់ចរាចរណ៍រវាងរថយន្តម៉ាកហីយ៉ាន់ដាយបុកជាមួយម៉ូតូម៉ាកហុងដាឌ្រីមបណ្តាលឱ្យក្មេងប្រុសម្នាក់បានរងរបួសធ្ងន់ ចំណែកអ្នករួមដំណើរជាមួយបានរងរបួសស្រាល។ករណីនេះបានកើតឡើងនៅលើផ្លូវជាតិលេខ៦ចំណុចភូមិខ្នាត ឃុំខ្នាត ស្រុកពួក ខេត្តសៀមរាបកាលពីរសៀល ថ្ងៃទី២០ ខែសីហា ឆ្នាំ២០២០។

មន្ត្រីនគរបាលស្រុកពួក បានឱ្យដឹងថាៈករណីគ្រោះថ្នាក់ចរាចរណ៍នេះបង្កឡើងដោយរថយន្តម៉ាកហីយ៉ាន់ដាយពណ៌ ស ពាក់ស្លាកលេខសៀមរាប៣A១០៥១ បើកបរដោយឈ្មោះ ចាន់ ប៊ុនរិទ្ធ ភេទប្រុស អាយុ៤៨ឆ្នាំ។បើកបរដោយមិនប្រយ័ត្នបានបុកជាមួយម៉ូតូម៉ាកហុងដាC125ពណ៌ខ្មៅ សេរី២០១២ ស្លាកលេខបន្ទាយមានជ័យ1G 00៨៦បណ្តាលឱ្យអ្នកបើកបររងរបួសធ្ងន់និងអ្នកជិះជាមួយរងរបួសគួរសម។

admin

http://xn--k2eafc4dm6ad0a1bytyeb8k6dgg.com

ព័ត៌មានសន្តិសុខសង្គម

លោក មុយ បញ្ញារិទ្ធ ប្រធានការិយាល័យគយច្រកទ្វារព្រំដែនដា ហៅដូង៧ដើម កំពុងបើកដៃឲ្យឈ្មួញនាំទំនិញគេចពន្ធបង់មិនគ្រប់ ចេញពីប្រទេសវៀតណាម ចូលមកខ្មែរ ទាំងយប់ទាំងថ្ងៃ

September 27, 2022 adm

(ខេត្តត្បូងឃ្មុំ)៖ លោក មុយ បញ្ញារិទ្ធ ប្រធានការិយាល័យគយច្រកទ្វារព្រំដែនដា ហៅដូង៧ដើម ល្បីល្បាញកាន់តែខ្លាំងខាងពុករលួយដុះស្លែ កំពុងបើកដៃឲ្យឈ្មួញនាំទំនិញគេចពន្ធបង់មិនគ្រប់ ចេញពីប្រទេសវៀតណាម ចូលមកខ្មែរ ទាំងយប់ទាំងថ្ងៃ ។ ប្រភពស្និទ្ធនឹងលោក មុយ បញ្ញារិទ្ធ បានឲ្យដឹងទៀតថា ក្រុមឈ្មួញ និងអាជីវករ នាំចេញជ័រកៅស៊ូស្អុយ ដំឡូងមី និងកសិផលផ្សេងៗ ទៅប្រទេសវៀតណាម តាមច្រកទ្វារព្រំដែនដា ក៏ជាប្រភពចំណូលដ៏សំខាន់ របស់លោក មុយ បញ្ញារិទ្ធ ផងដែរ។ ឈ្មួញធំៗ នាំចូល និងនាំចេញទំនិញតាមច្រកទ្វារព្រំដែនដា ហៅដូង៧ដើម សុទ្ធតែមានទំនាក់ទំនងជិតស្និទ្ធជាមួយលោក មុយ បញ្ញារិទ្ធ ដើម្បីឲ្យអាជីវកម្ម របស់ពួកគេអាចប្រព្រឹត្តទៅដោយរលូន។ ហេតុនេះលោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា គួរពិនិត្យឡើងវិញខ្លះផង ព្រោះក្នុងតំណែងជាប្រធានការិយាល័យគយច្រកដា ហៅច្រកដូង៧ដើម នៅពេលនេះគឺលោក មុយ បញ្ញារិទ្ធ ល្បីខាងពុករលួយពេញទំហឹង។ ប្រភពពីមន្ត្រីគយខេត្តត្បូងឃ្មុំ បានឲ្យដឹងទៀតថា ដោយសារអាងមានខ្នងបង្អែកក្រាស់នៅក្នុងអគ្គនាយកដ្ឋានគយ និងរដ្ឋករកម្ពុជា ទើបលោក មុយ […]

ព័ត៌មានជាតិ ព័ត៌មានរាយការណ៍

លោក គាត ហ៊ុល អភិបាលក្រុងប៉ោយប៉ែតនិងក្រុមការងារបានចុះពិនិត្យស្ថានភាពទឹកនៅចំណុចសំណង់ទ្វារទឹកកម្ពុជា-ចិន និងទីតាំងទំនាបមួយចំនួនក្នុងភូមិសុខសាន្ត.!

September 11, 2021 adm

(ក្រុងប៉ោយប៉ែត)៖ ថ្ងៃសៅរ៍ ៥កើត ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១១ ខែកញ្ញា ឆ្នាំ២០២១ លោក គាត ហ៊ុល អភិបាលក្រុងប៉ោយប៉ែតនិងក្រុមការងារបានចុះពិនិត្យស្ថានភាពទឹកនៅចំណុចសំណង់ទ្វារទឹកកម្ពុជា-ចិន និងទីតាំងទំនាបមួយចំនួនក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ ដោយស្ថានភាពទឹកនៅតែមានការកើនឡើងគួរអោយកត់សម្គាល់ ហើយទីតាំងទំនាបមួយចំនួនត្រូវបានជន់លិចជាបណ្តើរៗផងដែរ។ ជាមួយគ្នានោះ លោក គាត ហ៊ុល ក៏សូមអំពាវនាវដល់បងប្អូនបករជាពលរដ្ឋដែលរស់នៅតាមបណ្តោយរ៉បអូរព្រំដែនកម្ពុជា-ថៃ និងតំបន់ទំនាបទាំង៣សង្កាត់ សូមមានការប្រុងប្រយ័ត្នអោយបានខ្ពស់បំផុត៕

ព័ត៌មានជាតិ

អាជ្ញាធររាជធានីភ្នំពេញ មិនអនុញ្ញាតឱ្យក្រុមអតីតបុគ្គលិក និងបុគ្គលិកក្រុមហ៊ុនណាហ្គាវើលដ៍ ធ្វើបាតុកម្មខុសច្បាប់

February 16, 2022 adm

(ភ្នំពេញ) ៖ រដ្ឋបាលរាជធានីភ្នំពេញ នៅថ្ងៃទី១៥ ខែ កុម្ភៈ ឆ្នាំ២០២២ បានចេញសេចក្តីជូនដំណឹងស្តីពីការមិនអនុញ្ញាតឱ្យធ្វើបាតុកម្មខុសច្បាប់ របស់ក្រុមអតីតបុគ្គលិក និងបុគ្គលិកក្រុមហ៊ុនណាហ្គាវើលដ៍នោះឡើយ។ រដ្ឋបាលរាជធានីភ្នំពេញ សូមជម្រាបជូនដល់ក្រុមបាតុករ ដែលជាអតីតបុគ្គលិក និងបុគ្គលិកក្រុមហ៊ុន ណាហ្គាវើលដ៍ទាំងអស់ ឱ្យបានជ្រាបថា កាលពីថ្ងៃទី២២ ខែវិច្ឆិកា ឆ្នាំ២០២១ រដ្ឋបាលរាជធានីភ្នំពេញបាន ទទួលសេចក្តីជូនដំណឹងរបស់តំណាងអតីតបុគ្គលិក និងបុគ្គលិក ក្រុមហ៊ុនណាហ្គាវើលដ៍ អំពីការធ្វើកូដកម្ម ដើម្បីដោះស្រាយវិវាទការងារ ហើយរដ្ឋបាលរាជធានីភ្នំពេញបានអញ្ជើញម្ចាស់សំណើមកពិភាក្សា ដោយបានគូសបញ្ជាក់ថា សុំឱ្យគាត់ធ្វើកូដកម្ម ស្របតាមច្បាប់ ស្តីពីការងារ ដោយមិនអនុញ្ញាតឱ្យប្រើប្រាស់ ទីតាំងសាធារណៈឡើយ ព្រោះថា ការប្រើប្រាស់ទីតាំងសាធារណៈ ដើម្បីធ្វើជាទីកន្លែងបញ្ចេញមតិ គឺត្រូវអនុលោមតាមច្បាប់ ស្ដីពី ការធ្វើបាតុកម្មដោយសន្តិវិធី ប៉ុន្តែនៅថ្ងៃទី១៨ ខែធ្នូ ឆ្នាំ២០២១ ក្រុមអតីតបុគ្គលិក និងបុគ្គលិកក្រុមហ៊ុន ណាហ្គាវីលដ៍ បានធ្វើការប្រមូលផ្តុំនៅលើសួនច្បារសាធារណៈ ផ្ទុយពីការឯកភាពគ្នា ជាមួយរដ្ឋបាលរាជធានីភ្នំពេញ នៅក្នុងកិច្ចប្រជុំ នាថ្ងៃទី១៧ ខែធ្នូ ឆ្នាំ២០២១។ រដ្ឋបាលរាជធានីភ្នំពេញបានប្រើប្រាស់វិធានការអប់រំ ដល់ក្រុមបាតុករកុំឱ្យបន្តសកម្មភាពខុសច្បាប់ និងអនុវត្តតាមយន្តការដោះស្រាយវិវាទការងារ ស្របតាមច្បាប់ជាធរមាន […]