ខេត្ដស្វាយរៀង ៖ អាជ្ញាធរស្រុករំដួលដឹកនាំដោយលោកហែម សុីណា បានចុះផ្អាកសកម្មភាពក្រុមរថយន្ដដឹកដីមួយកន្លែងរបស់លោក ហុក សុខា ដែលជាម្ចាស់គ្រឿងចក្រកាយដីចំណីព្រែកដែលជាកម្មសិទ្ធរបស់រដ្ឋមកចាក់ចូលដីព្រែក ហើយគ្មានច្បាប់ ត្រូវបានអាជ្ញាធរស្រុករំដួល ឲ្យកាយដីឡើងវិញ នាថ្ងៃទី១៩ខែមករាឆ្នាំ២០២៣នេះ ចំណុច តាមបណ្ដោយផ្លូវជាតិលេខ១៣ ស្ថិតនៅភូមិត្រពាំងដំរី ឃុំកំពង់អំពិល ស្រុករំដួល ខេត្តស្វាយរៀង។ លោកហែម សុីណា អភិបាលស្រុករំដួល បានប្រាប់ឲ្យដឹងថា បានការជីកដីព្រែក និងចាក់ចូលដីព្រែក កាលពីថ្ងៃទី១៨ខែមករា ឆ្នាំ២០២៣ លោក បានចាត់ឱ្យលោកនួន ឧត្ដម អភិបាលរងស្រុក ដឹកនាំមន្ត្រីជំនាញរបស់សាលាស្រុក កម្លាំងសមត្ថកិច្ច និងអាជ្ញាធរភូមិ ឃុំ ចុះពិនិត្យជាក់ស្តែងឃើញថា មានការជីកដីព្រែកនិងចាក់ចូលដីព្រែកមែន ដោយក្រុមម្ចាស់គ្រឿងចក្រ ពុំបានសុំច្បាប់ឲ្យបានត្រឹមត្រូវនោះទេហើយថែមទាំងគ្មានច្បាប់ ហើយក៍ផ្អាកសកម្មភាពកាយដីនេះជាបន្ទាន់ ផងដែរ។ លោកបានបន្ដថា នៅថ្ងែទី១៩ខែមករាឆ្នាំ២០២៣នេះ លោកបានដឹកនាំកម្លាំងគណៈបញ្ជាការឯកភាពស្រុករំដួល ចុះទៅពិនិត្យមើលដោយផ្ទាល់ហើយបានដកហូតគ្រឿងចក្រមករក្សាទុករង់ចាំការដោះស្រាយគ្នាតាមផ្លូវច្បាប់ ចំណែកឯដីចាក់ចូលដីព្រែកកាយដីឡើងវិញហើយរង់ចាំចំណាត់ការរបស់ថ្នាក់លើសិន។ លោកបានបន្ដទៀតថា ចំពោះការចុះផ្អាកសកម្មភាពនិងដករហូតគ្រឿងចក្រនេះព្រោះថាគ្រឿងចក្រគ្មានច្បាប់អនុញ្ញាតហើយចាក់ដីចូលព្រែកមិនគោរពតាមអាជ្ញាធរមានសមត្ថកិច្ចក្នុងមូលដ្ឋានឃុំនិងស្រុក ។ លោកបានបញ្ចាក់ថា ការកាយដីចេញវិញនេះមិនមែនបញ្ចប់រឿងនោះទេគឺអាស្រ័យទៅលើថ្នាក់ដឹកនាំលោកជាអ្នកសម្រេច ។ លោកបានបញ្ចាក់ទៀតថា នាពេលចុះផ្អាកនោះ គឺបានដកហូត គ្រឿងចក្រផ្អាកសម្មភាពកាយដីព្រែកនិងចាក់ដី […]
