Tag: គ្រោះថ្នាក់ចរាចរណ៍

ភ្នំពេញ ៖ កាលពី ថ្ងៃទី២៣ ខែមករា ឆ្នាំ២០២៤ រថយន្ត COROLA មួយគ្រឿងបេីកបរក្នុងល្បឿនលឿនជ្រុលបុកម៉ូតូស្ត្រីជាកម្មការិនីរោងចក្រម្នាក់ បណ្តាលឱ្យធ្លាក់ចូលប្រឡាយទឹកស្អុយ ទាំងរថយន្តទាំងម៉ូតូ ទាំងមនុស្ស ស្ថិតនៅតាមផ្លូវជាតិលេខ៤ ចំណុចភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ ប្រភពពីកន្លែងកើតហេតុបានឲ្យដឹងថា មុនកើតហេតុស្ត្រីរងគ្រោះជិះម៉ូតូ ហុងដាឌ្រីម ចេញពីរោងចក្រក្បែរកន្លែងកេីតហេតុ នៅលើផ្លូវដីមាត់ប្រឡាយ រៀបនឹងឆ្លងផ្លូវទៅហើយ ស្រាប់តែរថយន្តបង្កម៉ាក COROLA ពណ៌ខៀវ ពាក់ស្លាកលេខ កំពង់ស្ពឺ 2A-2144 បើកពីលិចទៅកើតល្បឿនលឿន ជ្រុលបុក រុញធ្លាក់ចូលក្នុងប្រឡាយទឹកស្អុយ ទាំងរថយន្តទាំងម៉ូតូ ធ្លាក់ទាំងមនុស្ស សំណាងល្អស្ត្រីរងគ្រោះរបួសស្រាល រីឯអ្នកបើកបររថយន្តគេចខ្លួនបាត់។ សមត្ថកិច្ចបានឲ្យដឹងថាស្ត្រីរងគ្រោះមានឈ្មោះ ទេព ទូច អាយុ៣០ឆ្នាំ មុខរបរ កម្មការិនីរោងចក្រ ស្នាក់នៅផ្ទះជួល ក្នុងភូមិតាកេរ្តិ៍ សង្កាត់កំបូល ខណ្ឌកំបូល មានស្រុកកំណើតនៅភូមិស្វាយប៉ោ ឃុំត្រពាំងស្តៅ ស្រុករមាសហែក ខេត្តស្វាយរៀង ។ ក្រោយកើតហេតុ សមត្ថកិច្ចចុះទៅអន្តរាគមន៍ ធ្វេីការវាស់វែងយករថយន្តនិងម៉ូតូទៅរក្សាទុកនៅផ្នែកជំនាញខណ្ឌ រង់ចាំម្ចាស់ចូលខ្លួនដោះស្រាយនៅពេលក្រោយ៕

ខេត្តព្រៃវែង៖ រថយន្តសាំយ៉ុងមួយគ្រឿងវ៉ាជែងខ្វះការប្រុងប្រយ័ត្ន ជ្រុលទៅបុកម៉ូតូមួយគ្រឿងជិះបញ្ច្រាសទិសគ្នា បណ្ដាលឱ្យបុរសម្នាក់រងរបួសធ្ងន់ ត្រូវបានកម្លាំងនគរបាលខេត្តព្រៃវែង ចុះអន្តរាគមន៍ និងបញ្ជូនទៅសង្គ្រោះព្យាបាលនៅមន្ទីរពេទ្យ ។ ហេតុការណ៍នេះ បានកើតឡើងនៅវេលាម៉ោង ១៤ និង ១០នាទី ថ្ងៃទី១៨ ខែកក្កដា ឆ្នាំ២០២៣ ត្រង់ចំណុចភូមិស្ទឹងស្លូត ឃុំអ្នកលឿង ស្រុកពាមរក៍ ខេត្តព្រៃវែង ។ នៅមុនពេលកើតហេតុ រថយន្តម៉ាកសាំយ៉ុង ពណ៌សំបកឪឡឹក ពាក់ផ្លាកលេខភ្នំពេញ 2AO.7753 (អ្នកបើកបរមិនស្គាល់អត្តសញ្ញាណ) បើកបរក្នុងល្បឿនលឿន និងបានឡើងវ៉ាជែងមិនប្រយ័ត្នក៏ជ្រុលចង្កូតទៅបុកម៉ូតូមួយគ្រឿងដែលបើកបរបញ្ច្រាសទិសគ្នា ម៉ាកហុងដា C ១២៥ ពណ៌ខ្មៅ ពាក់់ផ្លាកលេខ បាត់ដំបង 1G.4838បើកបរដោយឈ្មោះ សែម គាន ភេទប្រុស អាយុ ៥៧ឆ្នាំ ជនជាតិខ្មែរ មានទីលំនៅភូមិក្រាំងក្អុក ឃុំកំពង់សឹង ស្រុកព្រះស្តេច ខេត្តព្រៃវែង របួសបាក់ជើងឆ្វេង រួចម្ចាស់រថយន្តមិនព្រមឈប់ឡើយ ក៏បានបើករត់គេចខ្លួនបាត់ស្រមោល ។ បច្ចុប្បន្ន ជនរងគ្រោះ ត្រូវបានបញ្ជូនទៅសង្គ្រោះព្យាបាលនៅឯមន្ទីរពេទ្យ ៕

ខេត្តព្រៃវែង៖ បុរសម្នាក់ជិះម៉ូតូទាំងស្ថានភាពស្រវឹង ក៏ជ្រុលទៅបុកម៉ូតូមួយគ្រឿងទៀត បណ្ដាលឱ្យរងរបួសទាំងសងខាង ត្រូវបាននគរបាលខេត្តព្រៃវែង ចុះអន្តរាគមន៍ដល់កន្លែងកើតហេតុ និងបញ្ជូនទៅព្យាបាលនៅមន្ទីរពេទ្យ ។ ហេតុការណ៍នេះ បានកើតឡើងនៅវេលាម៉ោង ១៩ និង ០៧នាទី ថ្ងៃទី០៧ ខែកក្កដា ឆ្នាំ២០២៣ ត្រង់ចំណុចភូមិខ្យោកជើង ឃុំពពឺស ស្រុកស្វាយអន្ទរ ខេត្តព្រៃវែង ។ សមត្ថកិច្ចបានឲ្យដឹងថា អ្នករងរបួស ២នាក់ ទី១ ឈ្មោះ ផាត ម៉ៃ ភេទប្រុស អាយុ ៣៧ឆ្នាំ រស់នៅភូមិបាក់តាង ឃុំព្រៃខ្លា ស្រុក ស្វាយអន្ទរ ខេត្តព្រៃវែង រងរបួស (បែកចិញ្ចើម) បានជិះម៉ូតូវ៉េវពណ៌ខ្មៅ ផ្លាកលេខ ព្រៃវែង 1O.3943 បើកបរពីកើតទៅលិច ដល់ចំណុចកើតហេតុខាងលើបានបុកម៉ូតូម៉ាក C125 ពណ៌ខ្មៅ ផ្លាកលេខ ព្រៃវែង1J.2995 បើកបរ ឈ្មោះ គង់ សេងហូរ ភេទប្រុស អាយុ ៣២ឆ្នាំ […]

ខេត្តព្រៃវែង៖ យុវតីម្នាក់ បានរងរបួសធ្ងន់(បាក់ភ្លៅខាងស្ដាំ) និងមនុស្សប្រុស-ស្រី ២នាក់ទៀត រងរបួសស្រាល ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងម៉ូតូ ជិះបញ្ច្រាសទិសគ្នា នៅវេលាម៉ោង ៨ និង ១០នាទីព្រឹក ថ្ងៃទី០៤ ខែកក្កដា ឆ្នាំ២០២៣ នេះ នៅចំណុចផ្លូវក្រាលកៅស៊ូស្ថិតក្នុងភូមិក្រសាំងកន្ត្រៃ ឃុំជីផុច ស្រុកមេសាង ខេត្តព្រៃវែង ត្រូវបាននគរបាលខេត្តព្រៃវែង ចុះអន្តរាគមន៍ភ្លាមៗ ដល់កន្លែងកើតហេតុ និងបញ្ជូនទៅសង្គ្រោះនៅមន្ទីរពេទ្យ ។ សមត្ថកិច្ចបានឲ្យដឹងថា យុវតីខាងលើ ឈ្មោះ ឡេត សុលា ភេទស្រី អាយុ ១៤ឆ្នាំ រស់នៅភូមិចារ ឃុំព្រៃរំដួល ស្រុកមេសាង ខេត្តព្រៃវែង បើកម៉ូតូម៉ាកហុងដាឌ្រីម សេ ១២៥ ពណ៌ខ្មៅ ផលិតឆ្នាំ២០១៩ ពាក់ស្លាកលេខ ព្រៃវែង 1Q.8849 ឌុបគ្នាម្នាក់ពីក្រោយ ឈ្មោះ ពៅ ស្រីនាង ភេទស្រី អាយុ ១៤ឆ្នាំ នៅភូមិត្រពាំងស្គន់ ឃុំជីផុច […]

ខេត្តព្រៃវែង៖ ស្ដ្រីម្នាក់ជិះម៉ូតូខ្វះការប្រុងប្រយ័ត្ន បូករួមទាំងស្ថានភាពមេឃកំពុងភ្លៀងធ្លាក់ខ្លាំង ពិបាកមើលផ្លូវ ក៏ជ្រុលទៅបុកម៉ូតូមួយគ្រឿងទៀតជិះបញ្ច្រាសទិសគ្នា បើកបរដោយលោកតាអាយុ ៧០ឆ្នាំ បណ្ដាលឱ្យរងរបួសទាំងសងខាង ត្រូវបានកម្លាំងនគរបាលខេត្តព្រៃវែង ចុះអន្តរាគមន៍ភ្លាមៗដល់កន្លែងកើតហេតុ និងបញ្ជូនទៅសង្គ្រោះនៅមន្ទីរពេទ្យ ។ ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១៧ និង ៣០នាទី ថ្ងៃទី០៣ ខែកក្កដា ឆ្នាំ២០២៣ ស្ថិតនៅចំណុចផ្លូវកៅស៊ូ ៣១២ ភូមិប្រថ្ម ឃុំជៃកំពក ស្រុកព្រះស្តេច ខេត្តព្រៃវែង ។ ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុ មានម៉ូតូម៉ាកស៊ុយស៊ីគីនិច ពណ៌ស ពាក់ស្លាកលេខ ភ្នំពេញ 1HT. 6739 បើក ដោយឈ្មោះ រ័ត្ន សោភា ភេទស្រី អាយុ ២៥ឆ្នាំ រស់នៅភូមិអំពិល ឃុំសេនារាជឧត្តម ស្រុកព្រះស្តេច ខេត្តព្រៃវែង បើកបរពីត្បូងទៅជើង លុះមកដល់ចំណុចកើតហេតុខាងលើ មានភ្លៀងធ្លាក់ខ្លាំងពិបាកមើលផ្លូវ បានជ្រុលទៅបុកម៉ូតូម៉ាកហុងដាឌ្រីមសង់ C125 ពណ៌ខ្មៅ ពាក់ផ្លាកលេខ ព្រៃវែង 1R […]

ខេត្តព្រៃវែង៖ យុវជនវ័យក្មេង ២នាក់ ជិះម៉ូតូឌុបគ្នា ដោយខ្វះការប្រុងប្រយ័ត្ន ក៏ជ្រុលទៅបុករថយន្តបែនមួយគ្រឿង ដែលបើកបរបញ្ច្រាសទិសគ្នា បណ្ដាលឱ្យរងរបួសទាំង ២នាក់ ត្រូវបាននគរបាលខេត្តព្រៃវែង ចុះអន្តរាគមន៍ និងបញ្ជូនទៅសង្គ្រោះនៅមន្ទីរពេទ្យភ្លាមៗ ។ ហេតុការណ៍នេះ បានកើតឡើងនៅវេលាម៉ោង ១៥ និង ១០នាទីរសៀល ថ្ងៃទី០២ ខែកក្កដា ឆ្នាំ២០២៣ នេះ ស្ថិតនៅចំណុចចន្លោះបង្គោលគីឡូម៉ែត្រលេខ ៧៦-៧៧ តាមបណ្ដោយផ្លូវជាតិលេខ ១ ភូមិស្រះ ឃុំរំចេក ស្រុកព្រះស្តេច ខេត្តព្រៃវែង ។ យុវជនទាំង ២នាក់ ទី១ ឈ្មោះ ទេព ពន្លឺ ភេទប្រុស អាយុ ១៩ឆ្នាំ រស់នៅភូមិសម្លឆៅ ឃុំចន្ទ្រា ស្រុករមាសហែក ខេត្តស្វាយរៀង និងទី២ ឈ្មោះ ឡន ប៊ុនឡូ ភេទប្រុស អាយុ ១៤ឆ្នាំ រស់នៅភូមិវត្តពោធិ៍ ឃុំរាម ស្រុករមាសហែក ខេត្តស្វាយរៀង […]

ខេត្ដកែប៖ នៅរសៀលថ្ងៃទី ៨ ខែមិថុនា ឆ្នាំ២០២៣ នៅ វេលាម៉ោង ១២និង៣០នាទី ថ្ងៃត្រង់ មានករណី គ្រោះថ្នាក់ចរាចរណ៍មួយកើតឡើងលើកំណាត់ផ្លូវជាតិ លេខ ៣៣ តង្រង់ចំណុចទល់មុខសាកលវិទ្យាល័យ តេជោ ហ៊ុន សែន ចំការដូង ចន្លោះបង្គោលគីឡូម៉ែត្រលេខ ២១.២២ ស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប ។ សមត្ថកិច្ចឲ្យដឹងថា រថយន្ដម៉ាក តាកូម៉ា ពណ៌ស ពាក់ស្លាកលេខភ្នំពេញ 2BC.3606 បើកបរដោយឈ្មោះ ម៉ីន អាស៊ី ភេទប្រុស អាយុ ៣៨ ឆ្នាំ មុខរបរ កសិករមូលហេតុអ្នកបើកបររថយម្តងងុយដេក(របួសស្រាល) រួមដំណើរដោយ៖ ១.ឈ្មោះ សារី ភេទ ប្រុស អាយុ ៥៨ ឆ្នាំ មុខរបរ កសិករបួសស្រាល) ២.ឈ្មោះ សាតាស់ ភេទ ស្រី អាយុ […]

ខេត្ដសៀមរាប៖ រថយន្តម៉ាស្តា មួយគ្រឿង ពាក់ស្លាកលេខនគរបាល ដែលបើកក្នុងល្បឿនលឿន បានបុកជាមួយម៉ូតូមួយគ្រឿង បណ្តាលឲ្យអ្នកបើកបរម៉ូតូស្លាប់ភ្លាមៗនៅកន្លែងកើតហេតុ។ យោងតាមរបាយការណ៍នគរបាលចរាចរណ៍ ខេត្តសៀមរាប បានឲ្យដឹងថា គ្រោះថ្នាក់ចរាចរណ៍នេះ បានកើតឡើងនវេលារំលងអាធ្រាត ចូលថ្ងៃទី ០១ ខែ ឧសភា ឆ្នាំ ២០២៣ នៅត្រង់ចំណុច មុខរ៉ូហ្សាណា ស្ថិតនៅលើផ្លូវជាតិលេខ៦ ក្នុងភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។ ដោយរថយន្តម៉ាក ម៉ាសដា ពណ៌ ខ្មៅ ពាក់ស្លាកលេខ នគរបាល 2-1260 អ្នកបើកបរមិនស្គាល់អត្តសញ្ញាណបើកបរមានទិសដៅ ពីកើតទៅលិច លុះមកដល់ចំណុចកើតហេតុ បានបុកម៉ូតូម៉ាក វ៉េវ ពណ៌ ខ្មៅ ផ្លាកលេខ សៀមរាប 1AH-3243អ្នកបើកបរ ឈ្មោះ លឹម ពុទ្ធាវី ភេទ ប្រុស អាយុ ៣៥ឆ្នាំ រស់នៅផ្ទះជួលភូមិ ធ្លកអណ្តូង សង្កាត់ ស្លក្រាម ក្រុងខេត្ត សៀមរាប […]

(ខេត្ដស្ទឹងត្រែង)៖ គូរស្នេហ៍វ័យក្មេង១គូ ទើបរៀបការបាន១ខែ ជាអកុសលត្រូវបានជួបគ្រោះថ្នាក់ចរាចរណ៍ស្លាប់ទាំង២នាក់ នៅលើកំណាក់ផ្លូវជាតិលេខ៩ ក្នុងភូមិសំអាង ឃុំសំណាង ស្រុកថាឡាបរិវ៉ាត់ ខេត្ដស្ទឹងត្រែង យប់ថ្ងៃបុណ្យគ្រីស្មាក ថ្ងៃទី២៥ ខែធ្នូ ឆ្នាំ២០២២។ បើតាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះបានមកទិញសម្លៀកបំពាក់ពីផ្សារសាមគ្គីស្ទឹងត្រែង ដើម្បីទុកសម្រាប់ស្លៀកពាក់ក្នុងថ្ងៃមង្គលការប្អូន ហើយពេលទិញសម្លៀកបំពាក់រួចក៏នាំគ្នាត្រឡប់ទៅផ្ទះរបស់ខ្លួនវិញស្ថិតនៅភូមិស្រឡៅ ឃុំអន្លុងជ្រៃ ស្រុកថាឡាបរិវ៉ាត់ តែជាអកុសលពេលទៅដល់ពាក់កណ្តាលផ្លូវក៏ត្រូវរថយន្តបុកបណ្តាលឲ្យស្លាប់ទាំងពីរនាក់តែម្តង។ សមត្ថកិច្ចបានឲ្យដឹងថា ជនរងគ្រោះទាំង២នាក់មានប្តីឈ្មោះ រ៉ូ សុវ៉ាន់ អាយុ២៩ឆ្នាំ រីឯប្រពន្ធឈ្មោះ ផា រចនា អាយុ១៨ឆ្នាំ។ សមត្ថកិច្ច បានឲ្យដឹងទៀតថា ករណីគ្រោះថ្នាក់ចរាចរណ៍ខាងលើនេះ ជនរងគ្រោះជិះវ៉ារថយន្តមួយគ្រឿងក្នុងទិសដៅស្របទិសគ្នា ក៏វាក់អឺជាមួយរថយន្តធុនធំមួយគ្រឿងទៀតដែលមកចំពីមុខ បុរសជាប្តីជាន់ហ្វ្រាំង ក៏បណ្តាលឲ្យម៉ូតូដួលម៉ូតូខ្ទាតចូលក្រោមកងរថយន្តកិនស្លាប់ទាំង ២នាក់ នៅនឹងកន្លែងភ្លាមៗតែម្តង៕  

(ខេត្តតាកែវ)៖ ក្មេងស្រី ២នាក់បានរងរបួស ដោយសារបុរសម្នាក់បើកបរទាំងងងុយដេក រេចង្កូតបុករះតូបលក់ឥវ៉ាន់ពលរដ្ឋ កាលពីល្ងាចថ្ងៃទី១៨ ខែធ្នូ ឆ្នាំ២០២២ ស្ថិតនៅចន្លោះគីឡូម៉ែត្រលេខ៩-១០ ក្នុងភូមិស្រែខ្វាវ ឃុំជាងទង ស្រុកត្រាំកក់ ខេត្ដតាកែវ ។ លោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានឱ្យដឹងថា ករណីនេះបង្កឡើងដោយរថយន្តមួយគ្រឿងម៉ាកលុចស៊ីស RX300 ពណ៌ស ពាក់ផ្លាកលេខ ភ្នំពេញ 2AJ-5301 បើកបរដោយឈ្មោះ ប៊ុន វុទ្ធី ភេទប្រុស អាយុ ៤៧ឆ្នាំ មានមុខរបរកសិករ រស់នៅភូមិឃុំកើតហេតុខាងលើ។ មុនពេលកើតហេតុបុរសខាងលើបានបើកបរមកពីទិសខាងលិច លុះមកដល់ចំណុចកើតហេតុ ក៏បានវេរចង្កូតទៅបុករោងលក់អីវ៉ាន់ចាប់ហ៊ួយ ដែលលក់នៅតាមដងផ្លូវបណ្តាលអោយរងរបួសក្មេងស្រី ២នាក់ ដែលអង្គុយនៅក្នុងរោងលក់ខាងមុខផ្ទះ រស់នៅភូមិឃុំកើតហេតុខាងលើ និងបណ្តាលអោយខូចខាតអីវ៉ាន់ចាប់ហ៊ួយច្រើន។ ក្រោយកើតហេតុក្មេងស្រីទាំង ២នាក់ត្រូវបានយកទៅសង្ក្រោះនៅមន្ទីរពេទ្យបង្អែកអង្គរកា ឯរថយន្ត និងជនបង្កកម្លាំងជំនាញយកទៅរក្សាទុកនៅប៉ុស្តិ៍នគរបាលរដ្ឋបាលជាងទង ដើម្បីកសាងសំណុំរឿងចាត់ការបន្តតាមនីតិវិធី ហើយចំពោះមូលហេតុបង្កគ្រោះថ្នាក់នេះ គឺបណ្ដាលមកពីអ្នកបើករថយន្តងងុយដេក៕