ព័ត៌មានសន្តិសុខសង្គម

ខេត្តស្វាយរៀង៖ ឈ្មួញសំរ៉ុកទិញបន្លែផ្លែឈើ ពីប្រទេសវៀតណាម យកមកលក់ចែកចាយនៅក្នុងខេត្តស្វាយរៀងនិងតាមបណ្តាខេត្តនានា ដែលគេសង្ស័យថាគ្មានការត្រួតពិនិត្យពីមន្ត្រីជំនាញ ។បន្លែផ្លែឈើ នាំចូលពីប្រទេសវៀតណាមមកដល់ទឹកដីប្រទេសកម្ពុជាខេត្ដស្វាយរៀង ឈ្មួញទាំងនោះបាន ប្តូរអត្តសញ្ញាណ មកជារបស់ខ្មែរ ហើយថាបាននាំយកមកពីខេត្តនេះខេត្តនោះនៅក្នុងប្រទេសកម្ពុជាយើង ។ បើតាមសមត្ថកិច្ចម្នាក់សុំមិនបញ្ចេញឈ្មោះបានប្រាប់អ្នកសារព័ត៌មានយើងថា កាលមុនច្រកនេះបានបិទ រយៈ ដោយសារមានបទល្មើសផ្សេងៗកើតឡើង បានឈានទៅដល់ការបិទច្រកបណ្ដោះអាសន្ន រហូតមកដល់ពេលនេះបានបើកដំណើរការជាធម្មតាវិញហើយ ក្រុមឈ្មួញបានចូលទៅទិញបន្លែផ្លែឈើ តាម​ច្រករបៀង​ក្រសាំង​ជ្រំ ស្ថិតនៅភូមិ​ក្រសាំង​ជ្រំ ឃុំ​គ្រួស ស្រុកស្វាយជ្រំ ខេត្ដស្វាយរៀង ក្នុង១ថ្ងៃដឹកតាមរថយន្តចាប់ពី ១៥គ្រឿងទៅ២០គ្រឿង និងមានដឹកតាមម៉ូតូរ៉ឺម៉ក និងរថយន្តសាំយ៉ុង និងរថយន្តផ្សេងទៀត បន្តកន្ទុយគ្នាដោយពុំមានមន្ត្រីជំនាញណាចុះត្រួតពិនិត្យគុណភាពទេ។ សូមបញ្ជាក់ថា កន្លងមកលោកស្នងការនៃស្នងការដ្ឋាននគបាលខេត្តស្វាយរៀងលោកឧត្តមសេនីយ៍ពេជ្រ វីរៈ ធ្លាប់បានចេញបទបញ្ជា​លោកវរៈសេនីយ៍ទោ យ៉ន សុផល ប្រធានវរៈការពារព្រំដែនជើងគោក​លេខ៦០៩ បិទចក្ររបៀងប៉ុស្តិ៍ក្រសាំងជ្រំមិនអនុញ្ញាត​ឲ្យឈ្មួញនាំបន្លែផ្លែឈើ តាមច្រករបៀងនេះទេ។ ប្រភពបន្តថា ការដឹកទំនិញចូលមកប្រទេសវៀតណាមនេះមិនដែលឃើញមានមន្ត្រីពិនិត្យគុណភាពនោះទេ ថាតើមានសារធាតុគីមីហាមឃាត់ដែលបង្កឲ្យប៉ះពាល់ដល់សុខភាពអ្នកបរិភោគ ដែរឬទេ? ហើយឈ្មួញខ្មែរបានសម្រុកនាំយកបន្លែផ្លែឈើ វៀតណាមមកលក់ចែកចាយ ក្នុងខេត្តស្វាយរៀងនិងបណ្តាខេត្តនានា ដោយពុំមានមន្ត្រី ជំនាញណា ពិនិត្យគុណភាពឡើយ។ ឈ្មួញអ្នកដឹកផ្លែឈើម្នាក់សុំមិនបញ្ចេញឈ្មោះបានលួចខ្សឹបប្រាប់អ្នកសារព័ត៌មានយើងឲ្យដឹងថា រថយន្តដឹកផ្លែឈើ ម៉ាកទួរីស១គ្រឿង ខាងនគបាលវរៈការពារព្រំដែនប៉ុស្តិ៍ក្រសាំងជ្រំ ៣ម៉ឺនរៀល, គយសាខាខេត្តស្វាយរៀងយក៦ម៉ឺនរៀល, […]

(បាត់ដំបង)៖ កម្លាំងនគរបាលព្រហ្មទណ្ឌ នៃអធិការរដ្ឋាននគរបាលស្រុកឯកភ្នំ កាលពីរសៀលថ្ងៃទី២៨ ខែមីនា ឆ្នាំ២០២៤ ម្សិលមិញ បានឃាត់ខ្លួនជនសង្ស័យម្នាក់ករណីប្រើហិង្សាវាយអ្នកជិតខាងឲ្យរងរបួសពេញខ្លួន និងបែកក្បាល២ថ្នេរ។ នេះបើយោងតាមប្រភពពីសមត្ថកិច្ចស្រុកឯកភ្នំ។ ប្រភពបន្តថា ជនសង្ស័យមានឈ្មោះ គុំ ប៉ិច ភេទប្រុស រស់នៅភូមិព្រែកតាច្រែង ឃុំព្រែកនរិន ស្រុកឯកភ្នំ ខេត្តបាតដំបង ជាមេបនល្បែងស៊ីសងប្រចាំភូមិផងដែរ។ ចំណែកជនរងគ្រោះ មានឈ្មោះ សុង រត់ ភេទប្រុស រស់នៅក្នុងភូមិជាមួយជនបង្ករ។ សមត្ថកិច្ច បញ្ជាក់ថា ហេតុការណ៍ហិង្សាខាងលើនេះ បានកើតហេតុកាលពីល្ងាចថ្ងៃទី២៦ ខែមិនា ឆ្នាំ ២០២៤ ដោយផ្ដើមចេញពីជម្លោះពាក្យសម្ដី រវាងជនរងគ្រោះ និងជនសង្ស័យ។ នៅមុនពេលកើតហេតុ ជនសង្ស័យបានសុំតចរន្តអគ្គិសនីពីផ្ទះរបស់ជនរងគ្រោះទៅចាក់ធុងបាស់ច្រៀងលេងនៅផ្ទះរបស់ខ្លួន ដោយសារតែជនបង្ករបើកសម្លេងលឺៗរំខានដល់ផ្ទះជនរងគ្រោះ និងអ្នកភូមិជិតខាង ទើបជនរងគ្រោះហាមជនសង្ស័យកុំឲ្យបើកលឺៗពេក។ ជនរងគ្រោះប្រាប់ច្រើនដង តែជនសង្ស័យនៅតែមិនព្រមស្ដាប់ ទើបជនរងគ្រោះដើរទៅដាក់ឌុយចរន្តអគ្គិសនីចោលតែម្ដង ទើងជនសង្ស័យខឹងសម្បារ និងបានរើសដុំឥដ្ឋ វាងជនរងគ្រោះពីខាងក្រោយបណ្ដាលឲ្យបែកក្បាល២ថ្នេរ ជាំដៃ និងជាំក្រោយខ្នងជាច្រើនកន្លែង។ ក្រោយកើតហេតុភ្លាមៗ ជនសង្ស័យបានប្រកាស ឲ្យជនរងគ្រោះទៅប្ដឹងដល់ណាប្ដឹងទៅគ្មានអ្នកណាហ៊ានប៉ះជនសង្ស័យទេព្រោះនគរបាលប៉ុស្តិ៍សុទ្ធតែជាគ្នារបស់ជនសង្ស័យទាំងអស់។ នៅពេលជនរងគ្រោះទៅដាក់ពាក្យប្ដឹងនៅប៉ុស្តិ៍រដ្ឋបាលឃុំព្រែកនរិន គឺនគរបាលប៉ុស្តិ៍មិនព្រមទទួលពាក្យបណ្ដឹងរបស់ជនរងគ្រោះ ដូចជាសម្ដីអះអាងរបស់ជនសង្ស័យមែន។ […]

ខេត្ដស្វាយរៀង៖ ពលរដ្ឋជាច្រើនគ្រួសារបាននាំគ្នាផ្ទុះការតវ៉ាពាក់ព័ន្ធគម្រោងស្ដារប្រឡាយរបស់រដ្ឋ មួយកន្លែង ដើម្បីយកអាចម៍ដីទៅចាក់ធ្វើផ្លូវជួនប្រជាពលរដ្ឋ សម្រាប់ធ្វើដំណើរ តែបែរជាយកអាចម៍ដីនេះទៅលក់ឲ្យក្រុមហ៊ុនឯកជនយ៉ាងរំភើយទៅវិញ។ ការផ្ទុះតវ៉ាពីប្រជាពលរដ្ឋនេះបានកើតឡើងកាលពីរសៀលថ្ងៃទី២៧ខែមករាឆ្នាំ២០២៤ស្ថិតនៅភូមិរោទិ៍ ឃុំខ្សែត្រ ស្រុកកំពង់រោទិ៍ ខេត្តស្វាយរៀង ។ ពលរដ្ឋបានឲ្យដឹងថា ពួកគាត់នាំគ្នាតវ៉ានៅរសៀលថ្ងៃនេះដោយសារអាជ្ញាធរមិនគោរពតាមការសន្យា ក្នុងការយកអាចម៍ដីប្រឡាយរបស់រដ្ឋ ធ្វើផ្លូវលើខ្នងប្រឡាយ៥ម៉ែត្រ ដែលមានប្រវែងប្រមាណជាង៥គីឡូម៉ែត្រ ហើយបណ្ដោយឱ្យក្រុមហ៊ុនជីកយកអាចម៍ដីប្រឡាយរដ្ឋទៅចាក់ឲ្យក្រុមហ៑ុនឯកជនទៅវិញ។ ពលរដ្ឋបានលើកឡើងថា ពួកគាត់មានការសប្បាយចិត្តយ៉ាងខ្លាំងដែលបានអាជ្ញាធរថ្នាក់ឃុំ ស្រុក ខេត្ត បានគិតគូរដល់ប្រជាពលរដ្ឋក្នុងការរស់នៅប្រកបរបរកសិកម្មផ្សេងៗក៏ដូចជាមានការអភិវឌ្ឍផ្លូវ ប្រឡាយទឹក ស្ពាន ជាដើម ដើម្បីឲ្យងាយស្រួលដល់ប្រជាពលរដ្ឋធ្វើដំណើរដឹកជញ្ជូនកសិផលផ្សេងៗទៅកាន់ទីផ្សារ។ តែផ្ទុយទៅវិញការស្ដារប្រឡាយរបស់រដ្ឋមួយខ្សែក្នុងភូមិរោទិ៍ ឃុំខ្សែត្រនេះ ដើម្បីយកអាចម៍ដីធ្វើផ្លូវជូនប្រជាពលរដ្ឋ សម្រាប់ធ្វើដំណើរនោះ តែមិនដូច្នោះទេ បែរជាអាជ្ញាធរ បណ្ដោយឲ្យក្រុមរថយន្តដឹកដី ជីកយកអាចម៍ដីទៅលក់ឲ្យក្រុមហ៊ុនឯកជនយ៉ាងរំភើយ ដោយមិនខ្វល់អំពីសុខទុក្ខរបស់ប្រជាពលរដ្ឋនៅមូលដ្ឋាន។ ជាមួយគ្នានេះ ពលរដ្ឋនាំគ្នាមានការងឿយឆ្ងល់ថា រឿងនេះតើអាជ្ញាធរ ភូមិ ឃុំ ស្រុក បានដឹងដែរឬទេ? ឬមួយដឹងហើយធ្វើជាមិនដឹងមិនលឺ បណ្ដោយឲ្យក្រុមហ៊ុនដឹកអាចម៍នេះកាយយកដីទៅលក់តាមតែអំពើចិត្តបែបនេះ!។ ជុំវិញករណីនេះដែរ ភ្នាក់ងារអង្គភាពសារព័ត៌មានយើងប្រចាំខេត្តស្វាយរៀង មិនអាចទំនាក់ទំនងទៅលោកមេឃុំខ្សែត្របានទេ នៅរសៀលថ្ងៃទី២៧ខែមករា ឆ្នាំ២០២៤ នេះ។ ចំណែកឯលោក ឃុត គីម អភិលរងស្រុកកំពង់រោទិ៍ទទួលបន្ទុកកិច្ចការងារនេះ បានឲ្យដឹងថា […]

ភ្នំពេញ ៖ កាលពី ថ្ងៃទី២៣ ខែមករា ឆ្នាំ២០២៤ រថយន្ត COROLA មួយគ្រឿងបេីកបរក្នុងល្បឿនលឿនជ្រុលបុកម៉ូតូស្ត្រីជាកម្មការិនីរោងចក្រម្នាក់ បណ្តាលឱ្យធ្លាក់ចូលប្រឡាយទឹកស្អុយ ទាំងរថយន្តទាំងម៉ូតូ ទាំងមនុស្ស ស្ថិតនៅតាមផ្លូវជាតិលេខ៤ ចំណុចភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ ប្រភពពីកន្លែងកើតហេតុបានឲ្យដឹងថា មុនកើតហេតុស្ត្រីរងគ្រោះជិះម៉ូតូ ហុងដាឌ្រីម ចេញពីរោងចក្រក្បែរកន្លែងកេីតហេតុ នៅលើផ្លូវដីមាត់ប្រឡាយ រៀបនឹងឆ្លងផ្លូវទៅហើយ ស្រាប់តែរថយន្តបង្កម៉ាក COROLA ពណ៌ខៀវ ពាក់ស្លាកលេខ កំពង់ស្ពឺ 2A-2144 បើកពីលិចទៅកើតល្បឿនលឿន ជ្រុលបុក រុញធ្លាក់ចូលក្នុងប្រឡាយទឹកស្អុយ ទាំងរថយន្តទាំងម៉ូតូ ធ្លាក់ទាំងមនុស្ស សំណាងល្អស្ត្រីរងគ្រោះរបួសស្រាល រីឯអ្នកបើកបររថយន្តគេចខ្លួនបាត់។ សមត្ថកិច្ចបានឲ្យដឹងថាស្ត្រីរងគ្រោះមានឈ្មោះ ទេព ទូច អាយុ៣០ឆ្នាំ មុខរបរ កម្មការិនីរោងចក្រ ស្នាក់នៅផ្ទះជួល ក្នុងភូមិតាកេរ្តិ៍ សង្កាត់កំបូល ខណ្ឌកំបូល មានស្រុកកំណើតនៅភូមិស្វាយប៉ោ ឃុំត្រពាំងស្តៅ ស្រុករមាសហែក ខេត្តស្វាយរៀង ។ ក្រោយកើតហេតុ សមត្ថកិច្ចចុះទៅអន្តរាគមន៍ ធ្វេីការវាស់វែងយករថយន្តនិងម៉ូតូទៅរក្សាទុកនៅផ្នែកជំនាញខណ្ឌ រង់ចាំម្ចាស់ចូលខ្លួនដោះស្រាយនៅពេលក្រោយ៕

ភ្នំពេញ ៖ រដ្ឋមន្ត្រីក្រសួងយុត្តិធម៌ បានថ្លែងនារសៀលថ្ងៃទី ០៩ ខែមករា ឆ្នាំ ២០២៤ នេះថា ចាប់ពេលនេះតទៅ ចៅក្រមនៅសាលាជម្រះក្តីគ្រប់ជាន់ថ្នាក់ ត្រូវតែប្រកាន់ភ្ជាប់នូវការដោះស្រាយឲ្យបានឆាប់រហ័ស យុត្តិធម៌ ត្រឹមត្រូវ ដោយផ្អែកតាមច្បាប់ ជៀសវាងការធ្វើសកម្មភាពរបៀបត្រីងៀតឆ្លៀតពង។ ថ្លែងក្នុងសន្នីសីទសារព័ត៌មាននារសៀលថ្ងៃទី៩ ខែមករាឆ្នាំ២០២៤ នៅទីស្តីការក្រសួង ឯកឧត្តមកើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានគូសបញ្ជាក់ថា «ការដាក់ចេញនូវយុទ្ធនាការនិងពន្លឿនការដោះស្រាយរឿងក្តីតាមតុលាការ និងយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការនេះ ដើម្បីកម្ពស់ការផ្តល់សេវាយុត្តិធម៌ឲ្យបានឆាប់រហ័ស និងក៏ជាការក្រើនរំលឹកមួយដល់មន្ត្រីតុលាការថា ការជំរុញនិងការពន្លឿងដោះស្រាយឲ្យបានឆាប់រហ័សគឺជារឿងត្រូវអនុវត្តជាប្រចាំ»។ ឯកឧត្តមឧបនាយករដ្ឋមន្ត្រីបន្តថា បើមានយុត្តិធម៌មួយដែលគេទន្ទឹងរងចាំយូរពេក វាជារឿងអយុត្តិធម៌ទៅហើយ នេះមិនទាន់គិតដល់គុណភាពនៃការសម្រេចសេចក្តីផង។ ដូច្នេះ ទោះបីជាយើងមិនទាន់ឃើញមានការកកស្ទះសំណុំរឿងនៅតាមតុលាការដូចពេលមុនក្តី ប៉ុន្តែក៏កត់សម្គាល់ថា សំណុំរឿងនៅតាមតុលាការពីមួយថ្ងៃទៅមួយថ្ងៃមានការកើនឡើងជាលំបាប់។ ជាមួយគ្នានោះដែរឯកឧត្តមរដ្ឋមន្ត្រីបានគូសបញ្ជាក់ថា «ការខិតខំដោះស្រាយសំណុំរឿងឲ្យបានឆាប់រហ័ស វាជាកិច្ចការដែលមន្ត្រីតុលាការគ្រប់រូបត្រូវអនុវត្តជាប្រចាំនិងគ្រប់ពេលវលាទាំងអស់គ្នា។ យើងសង្ឃឹមថាការដាក់ចេញយុទ្ធនាការនេះនឹងដោះស្រាយនូវរាល់រឿងក្តីផ្សេងៗ ពិសេសនោះសំណុំរឿងរដ្ឋប្បវេណី»។ ឯកឧត្តម កើត រិទ្ធ បានគូសបញ្ជាក់ថា «ការដាក់ចេញយុទ្ធនាគារនេះ គឺត្រូវផ្អែកលើមូលដ្ឋាននូវយុត្តិធម៌ សុចរិតភាព ភាពត្រឹមត្រូវ ដោយត្រូវធានាឲ្យបានជាដាច់ខាតនូវភាពលឿន ត្រឹមត្រូវយុត្តិ ធម៌ដោយផ្អែកលើច្បាប់ដោយមិនត្រូវឲ្យមានដាច់ខាតនូវសកម្មភាពត្រីងៀតឆ្លៀតពងតាមរយៈការប្រើយុទ្ធនាការនេះ»។ ឯកឧត្តមបានលើកឡើងទៀតថាយុទ្ធនាការដែលចាក់ចេញថ្ងៃនេះទី១. ដើម្បីជួយរក […]