ខេត្តស្វាយរៀង៖ បុរសម្នាក់សង្ស័យស្រវឹងស្រា បើករថយន្តល្បឿនលឿនដូចយន្តហោះ បុកចូលក្នុងតូបលក់ដូរ
Author: adm
ក្មេងស្រីម្នាក់ត្រូវរថយន្តបុកបណ្ដាលឱ្យស្លាប់ភ្លាម ៗ នៅនឹងកន្លែងកើតហេតុ
ខេត្តព្រះវិហារ៖ នៅវេលាម៉ោង ១០នឹង ៥៥ នាទី ត្រូវនឹងថ្ងៃទី ២៤ ខែ មិនា ឆ្នាំ ២០២១នេះ មានករណីគ្រោះថ្នាក់ចរាចរណ៍មួយដោយរថយន្តបុកក្មេងស្រីអាយុ ៩ ឆ្នាំ បណ្ដាលឱ្យផុងរលាកក្បាលស្លាប់ភ្លាមៗ នៅនឹងកន្លែងកើតហេតុ ខណៈពេលដែលក្មេងស្រីរងគ្រោះកំពុងតែឈរលេងនៅមុខផ្ទះ ដោយសាររថយន្តដឹកផ្លែដូងប្រភេទឡានកូរ៉េម៉ាកស្តារិចពណ៌សស្លាកលេខ(ព្រះវិហារ2B.5755) ករណីគ្រោះថ្នាក់ចរាចរណ៍នេះកើតឡើងនៅចំណុច ភូមិក្រាំងដូង ឃុំព្រះឃ្លាំង ស្រុកត្បែងមានជ័យ ក្នុងខេត្តព្រះវិហារ ខាងជើងខ្លោងទ្វាចូលវត្តដំបូកខ្មៅប្រហែល ៣០ មែត្រ ។ កុមារីរងគ្រោះរូបនោះមានឈ្មោះ ផេន លីនណា អាយុ ៩ ឆ្នាំ ឪពុកឈ្មោះ ភួង សុភស័ ហ្នឹងម្ដាយឈ្មោះ យុន គន្ធា រស់នៅភូមិកើតហេតុខាងលើ។ យោងតាមរបាយការណ៍សមត្ថកិច្ចនគរបាលចរាចរណ៍ផ្លូវគោកខេត្តព្រះវិហារបានឲ្យដឹងថា កុមារីរងគ្រោះកំពុងតែឈរលេងនៅមុខផ្ទះខាងលិចផ្លូវខណៈពេលនោះក៏មានរថយន្តកូរ៉េពណ៌សដឹកផ្លែដូងពាក់ស្លាកលេខព្រះវិហារ 2B.5755 បើកបរដោយបុរសម្នាក់ឈ្មោះ ហ៊ូ ចន្ទ័ ភេទប្រុសអាយុ ៣៩ ឆ្នាំ រស់នៅភូមិ សែនជ័យ ឃុំស្រអែមស្រុក ជាំក្សាន្ត ខេត្តព្រះវិហារ ធ្វើដំណើរពីជើងទៅត្បូងក៏រេចង្កូតបណ្ដាលឱ្យបុកក្មេងស្រីរងគ្រោះខាងលើបណ្ដាលឱ្យផុងលលាដ៍ក្បាលស្លាប់ភ្លាមៗនៅនឹងកន្លែងកើតហេតុតែម្ដង។ […]
ចាប់ខ្លួនជនសង្ស័យ២នាក់ រួមនឹងថ្នាំញៀនជិត៦គីឡូក្រាម !
ខេត្ដតាកែវ៖ កម្លាំងកងរាជអាវុធហត្ថ សហការជាមួយកម្លាំងកងរាជអាវុធហត្ថរាជធានីភ្នំពេញ និងអាវុធហត្ថលើផ្ទៃប្រទេស បានចុះចាប់ខ្លួនជនសង្ស័យ២នាក់ ដោយម្នាក់ចាប់បាននៅស្រុកសំរោង ខេត្តតាកែវ និង ម្នាក់ទៀត ចាប់បាននៅរាជធានីភ្នំពេញ ដោយរឹបអូសវត្ថុតាងបានម្សៅក្រាមពណ៌សថ្លា ជិត៦គីឡូក្រាម ។ លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ ថ្លែងថា កាលពីវេលាម៉ោង២២៖២០នាទី យប់ថ្ងៃទី២២ ខែមីនា ឆ្នាំ២០២១ កម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្តតាកែវ បានចុះបង្ក្រាបករណីជួញដូរគ្រឿងញៀន នៅត្រង់ចំណុចភូមិពេជចង្វារ ឃុំបឹងត្រាញ់ខាងជើង ស្រុកសំរោង ខេត្តតាកែវ ។ លទ្ធផល ឃាត់ខ្លួនជនសង្ស័យបាន ម្នាក់ ឈ្មោះចែម គីមស្រ៊ុន ភេទប្រុស អាយុ ២៧ឆ្នាំ រស់នៅកន្លែងកើតហេតុ ដោយដកហូតវត្ថុតាង ក្រាមពណ៌សថ្លាសង្ស័យគ្រឿងញៀន បានចំនួន ១កញ្ចប់ ទម្ងន់ ២៥,៩១ក្រាម ទូរស័ព្ទចំនួន១គ្រឿង ។ លោកឧត្តមសេនីយ៍ត្រី ឡា ឡៃ បានបន្តថា ក្រោយពីស្ដាប់ចម្លើយជនសង្ស័យខាងលើបានសារភាពថាខ្លួន ជាអ្នកដឹកជញ្ជូនគ្រឿងញៀនពីនារីម្នាក់ នៅម្ដុំផ្លូវបេតុង ស្ថិតក្នុងភូមិព្រៃព្រីងខាងជើង២ សង្កាត់ចោមចៅ៣ […]
ល្បិចឆបោកប្រាក់ តាមរយៈកម្មវិធីឆ្នោតផ្សងសំណាងក្លែងក្លាយ!
ព័ត៌មានវិទ្យា៖ មួយរយៈចុងក្រោយនេះ យើងសង្កេតឃើញមានទំព័រហ្វេសប៊ុកក្លែងបន្លំ ផ្សព្វផ្សាយឆ្នោតផ្សងសំណាងផ្សេងៗ ដែលមានចេតនាទុច្ចរិត និងឆបោកប្រាក់ពីជនរងគ្រោះជាច្រើនករណី ដោយប្រើប្រាស់បច្ចេកទេស ដូចខាងក្រោម៖ – បង្កើតទំព័រហ្វេសប៊ុកផេកក្លែងក្លាយ ធ្វើការផ្សព្វផ្សាយឆ្នោតផ្សងសំណាងផ្សេងៗ – អូសទាញប្រជាពលរដ្ឋ ក្នុងការទិញឆ្នោត ដោយប្រើប្រាស់មធ្យោបាយទូទាត់ប្រាក់ផ្សេងៗ – បន្ទាប់ពីការទូទាត់ប្រាក់ បងប្អូនប្រជាពលរដ្ឋ ពុំអាចទទួលបានប្រាក់ត្រូវឆ្នោត ឬប្រាក់ដើមត្រឡប់មកវិញឡើយ។ – ករណីមួយចំនួនម្ចាស់ទំព័រហ្វេសប៊ុកផេកក្លែងបន្លំ បានស្នើសុំព័ត៌មានមួយចំនួន (ព័ត៌មានអត្តសញ្ញាណបុគ្គល លេខគណនីធនាគារ លេខសម្ងាត់គណនីអ៊ីនធឺណិត។ល។) ពីជនរងគ្រោះផងដែរ។ ដូច្នេះនាយកដ្ឋានព័ត៌មានវិទ្យា សូមធ្វើការក្រើនរំលឹកដល់បងប្អូនប្រជាពលរដ្ឋ មេត្តាប្រុងប្រយ័ត្នចំពោះល្បិចឆបោកខាងលើ និងធ្វើការរាយការណ៍ដល់អាជ្ញាធរមានសមត្ថកិច្ច ប្រសិនជួបករណីឆបោកខាងលើនេះ៕
បុរសម្នាក់ឈរនិយាយទូរស័ព្ទត្រូវចោឆក់យកតែមិនបានសម្រេច
ភ្នំពេញ ៖ បុរសម្នាក់កំពុងឈរនិយាយទូរស័ព្ទនៅមុខផ្ទះស្រាប់តែមាន ជនសង្ស័យចំនួន៣នាក់ជិះម៉ូតូមួយគ្រឿងមកធ្វេីសកម្មភាពឆក់យកទូរស័ព្ទស៊េរីទំនេីបនោះ តែមិនបានសម្រេចត្រូវជនរងគ្រោះក្របួចបានម្នាក់ប្រគល់ជូនសមត្ថកិច្ច ខណៈ២នាក់ទៀតកំពុងគេចខ្លួន។ ហេតុការណ៍ នេះបានកេីតឡេីងកាលពីវេលាម៉ោង៥ល្ងាចថ្ងៃទី២៣ ខែមីនា ឆ្នាំ២០២១ នៅជិតផ្សារតាំងកសាង ផ្លូវបេតុង ភូមិចំការឪឡឹក សង្កាត់កាកាបទី២ ខណ្ឌពោធិ៍ សែនជ័យ។ ជនសង្ស័យនៅមិនទាន់ស្គាល់អត្តសញ្ញាណនៅឡេីយទេខណៈសមត្ថកិច្ចកំពុងសួរចម្លេីយ។ តាមសម្តីជនរងគ្រោះសុំមិនបញ្ចេញឈ្មោះបានប្រាប់ឱ្យដឹងថា មុនពេល កេីតហេតុរូបគាត់កំពុងឈរនៅមុខផ្ទះពូនិយាយទូរស័ព្ទ ពេលនោះស្រាប់តែមានជនសង្ស័យចំនួន៣នាក់ជិះម៉ូតូមួយគ្រឿងម៉ាកហុងដាឌ្រីម មិនចាំស្លាកលេខ ហេីយបានជិះឡេីងលេីខឿនចូលទៅដល់មុខផ្ទះហេីយអ្នកខាងក្រោយក៏ធ្វេីសកម្មភាពឆក់យកទូរស័ព្ទរបស់គាត់ ។ សាក្សីដដែលបានបន្តថា ភ្លាមនោះគាត់ក៏ស្រវាចាប់បានម្នាក់ទាញទម្លាក់ពីលេីម៉ូតូ ចំណែកជនសង្ស័យពីរនាក់ទៀតឃេីញមិនស្រួលក៏ជិះម៉ូតូគេចខ្លួនបាត់ទៅ។ ក្រោយកេីតហេតុជនសង្ស័យត្រូវបានជនរងគ្រោះប្រគល់ជូនសមត្ថកិច្ចយកទៅដាក់ទោសតាមច្បាប់។ តាមការបង្ហេីបប្រាប់ឲ្យដឹងថា នៅតំបន់កន្លែងកេីតហេតុតែងតែមានជនសង្ស័យធ្វេីសកម្មភាពឆក់ប្លន់ជាញឹកញាប់ ធ្វេីឲ្យប្រជាពលរដ្ឋខ្លាច ពេលខ្លះមិនហ៊ានចេញពីផ្ទះ ផង។ ដូចនេះប្រជាពលរដ្ឋសូមសំណូមពរដល់សមត្ថកិច្ចមេត្តាពង្រឹងការល្បាតផង៕