ព័ត៌មានជាតិ

ក្រសួងសាធារណការ និងដឹកជញ្ជូនលក់ផ្លាកលេខពិសេសផ្ទាល់ខ្លួនបានចំណូលថវិកាប្រមាណ ៣៤ ៥៦៧ ៣៥៣ ៣០០រៀល!

December 2, 2021 adm Comment(0)

ភ្នំពេញ៖ យោងតាមរបាយការណ៍របស់គណៈកម្មការរអន្តរក្រសួងគ្រប់គ្រងការលក់លេខ ចុះបញ្ជីរថយន្ត បានឱ្យដឹងថា៖ ក្នុងរយៈពេល១១ខែ ចាប់ពីខែកុម្ភៈ ដល់ខែវិច្ឆិកា ឆ្នាំ២០២១ ក្រសួងសាធារណការ និងដឹកជញ្ជូនលក់ផ្លាកលេខពិសេសផ្ទាល់ខ្លួន បានចំនួន ៤៨០២លេខ ដោយទទួលបានចំណូលថវិកាប្រមាណ ៣៤ ៥៦៧ ៣៥៣ ៣០០ រៀល និងផ្លាកលេខពិសេសរាជធានី-ខេត្តលក់បាន ២៥៣៦៤ លេខ ទទួល បានចំណូលថវិកាប្រមាណ ២៧ ៣៥៨ ១៩៧ ២០០ រៀល ក្នុងរយៈពេល១១ខែ ចាប់មករា ដល់វិច្ឆិកា ឆ្នាំ២០២១។

លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត សមិទ្ធផលការងារសម្រេចបានទាក់ទងនឹងការងារផ្សព្វផ្សាយព័ត៌មានយ៉ាងទូលំទូលាយ ប្រព័ន្ធលក់លេខពិសេសផ្ទាល់ខ្លួនកាន់តែមាន ភាពល្អប្រសើរពីមួយឆ្នាំទៅមួយឆ្នាំ ដែលបង្ហាញពីភាពចាស់ទុំជាងមុន និងគួរតែលើកយកទៅបង្ហាញនៅក្នុងសន្និបាតបូកសរុបការងារប្រចាំ ឆ្នាំ២០២១ និងទិសដៅឆ្នាំ២០២២របស់ក្រសួងផងដែរ។

លោកជំទាវរដ្ឋលេខាធិការក៏បានឯកភាពលើការបណ្តុះបណ្តាលក្រុមការងារបច្ចេកទេស (Developer)ឱ្យមានចំណេះដឹងផ្នែកព័ត៌មានវិទ្យា(IT)កម្រិតខ្ពស់ផ្នែកដោះស្រាយបញ្ហា (Algorithm) និងបញ្ញាសិប្បនិម្មិត AI (Artificial Intelligence) ដើម្បីឱ្យកាន់ការ ងារលេខពិសេស និងលេខពិសេសផ្ទាល់ខ្លួន ហើយ ក្រោយបញ្ចប់ការបណ្តុះបណ្តាល ក្រុមការងារបច្ចេកទេសនេះមានសមត្ថភាពអាចធ្វើការបានកាន់តែមានប្រសិទ្ធភាពជាងមុនក្នុងការឆ្លើយតបនឹងទំហំការងារកាន់តែធំ ជាពិសេសអាចដោះ ស្រាយបញ្ហាប្រឈមនានាបានកាន់តែប្រសើរឡើងថែមទៀត៕

adm

ព័ត៌មានជាតិ

ក្រសួងព័ត៌មានច្រានចោលចំពោះការចោទប្រកាន់អង្គការអ្នកកាសែតគ្មានព្រំដែន(RSF)!

July 6, 2021 adm

ក្រសួងព័ត៌មានច្រានចោលចំពោះការចោទប្រកាន់អង្គការអ្នកកាសែតគ្មានព្រំដែន(RSF) ក្នុងបទសម្ភាសជាមួយវិទ្យុបារាំងអ្នកនាំពាក្យក្រសួងព័ត៌មានលោកមាសសោភ័ណ្ឌនៅថ្ងៃអង្គារទី០៦ កក្កដានេះបានច្រានចោលចំពោះការចោទប្រកាន់អង្គការអ្នកកាសែតគ្មានព្រំដែន(RSF) ។ បើតាមអ្នកនាំពាក្យដដែល របាយការណ៍ការនេះ មានចរិតនយោបាយនិងមានការចោទប្រកាន់ដោយមិនមានការសិក្សាស្រាវជ្រាវច្បាស់លាស់។សម្រាប់ក្រសួងព័ត៌មានសម្តេចនាយករដ្ឋមន្រ្តីហ៊ុន សែនបានធ្វើកិច្ចការងារជាច្រើនដើម្បីអ្នកកាសែតដូចជាផ្តល់វ៉ាក់សាំងបង្ការជំងឺកូវីដ១៩ និងផ្តល់មេធាវីការពារក្តីដល់អ្នកកាសែតជាដើម។គួររំឭកថាអង្គការអ្នកកាសែតគ្មានព្រំដែន(RSF)បានដាក់ឈ្មោះរបស់សម្តចនាយករដ្ឋមន្ត្រី ហ៊ុន សែនក្នុងចំណោមមេដឹកនាំចំនួន៣៧រូបដែលយាយីឬបំផ្លាញដល់សេរីភាពសារព័ត៌មាន។ នៅក្នុងរបាយការណ៍ចេញផ្សាយកាលពីថ្ងៃទី៥ ខែកក្កដាអង្គការអ្នកកាសែតគ្មានព្រំដែន (RSF) ដែលមានមូលដ្ឋាននៅប្រទេសបារាំងបានដាក់ឈ្មោះរបស់សម្តេចនាយករដ្ឋមន្ត្រីហ៊ុនសែនក្នុងចំណោមមេដឹកនាំ ៣៧រូប ដែលយាយីដល់សេរីភាពសារព័ត៌មាន។របាយការណ៍ដដែលបន្តទៀតថា មេដឹកនាំផ្សេងទៀតដែលបានដាក់ឈ្មោះដែរនោះ រួមមាន ប្រធានាធិបតីចិន លោក ស៊ី ជិនពីង, ប្រធានាធិបតីរុស្ស៊ី លោក វ្លាឌីមៀ ពូទីន, មេដឹកនាំកូរ៉េខាងជើង លោក គីម ជុងអ៊ុន, មេដឹកនាំយោធាភូមា លោក មីន អ៊ុងឡាំង, នាយករដ្ឋមន្ត្រីសិង្ហបុរី លោក លី សៀនឡុង, ប្រធានាធិបតីហ្វីលីពីន លោក រ៉ូទ្រីហ្គោ ឌូទែតេ, មេដឹកនាំស្ត្រីហុងកុង លោកស្រី ការី ឡាំ រួមជាមួយមេដឹកនាំនៃបណ្តាប្រទេសនៅអាស៊ីអាហ្វ្រិក និងអឺរ៉ុបមួយចំនួនទៀតសរុបចំនួន៣៧ប្រទេស៕

ព័ត៌មានជាតិ

សមត្ថកិច្ចចាប់រថយន្តដឹកសត្វមាន់ជាង១ពាន់ក្បាល លួចនាំមកពីប្រទេសថៃខុសច្បាប់

April 19, 2021April 19, 2021 adm

ខេត្ដបន្ទាយមានជ័យ៖ រថយន្ត១គ្រឿងសង្ស័យលួចដឹកសត្វមាន់រស់ពីប្រទេសថៃខុសច្បាប់ ត្រូវបានមន្ត្រីការិយាល័យផលិតកម្ម និងបសុព្យាបាលខេត្តបន្ទាយមានជ័យស្ទាក់ចាប់បាន នៅព្រឹកថ្ងៃទី១៨ ខែមេសា ឆ្នាំ២០២១។ លោក ហ៊ុយ ទូច ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តបន្ទាយមានជ័យ បានឱ្យដឹងថា ដោយអនុវត្តតាមវិធានការបង្ការបង្ក្រាប ការចរាចរណ៍សត្វ ពីក្រៅប្រទេស របស់នាយកដ្ឋាន និងមន្ទីរកសិកម្មខេត្ត លោកបានបែងចែកមន្ត្រីតាមគោលដៅនានា ធ្វើការស្រាវជ្រាវ នូវមុខសញ្ញាលួចនាំសត្វចូលពីប្រទេសជិតខាង។ ជាក់ស្តែងក្រោយពីទទួលបានព័ត៌មាន ពីការចរាចរណ៍សត្វបក្សីគ្មានច្បាប់អនុញ្ញាត លោកបានសហការណ៍ជាមួយនគរបាលស្រុកអូជ្រៅ ធ្វើការស្ទាក់ឃាត់រថយន្តមួយគ្រឿង ពាក់ស្លាកលេខ ភ្នំពេញ 2F-3428 ដែលកំពុងផ្ទុកសត្វមាន់រស់រាប់រយក្បាលយកទៅការិយាល័យបសុពេទ្យ។ លោកបន្តថា តាមនីតិវិធីនៃជំនាញ នឹងយកសំណាកផ្ញើទៅពិនិត្យនៅរាជធានីភ្នំពេញដើម្បីឱ្យដឹងថា សត្វមាន់ទាំងនោះមានជំងឺផ្តាសាយបក្សី ឬមិនមាន តែចំពោះមុខមន្ត្រីនឹងធ្វើការតាមដាន សុខភាពសត្វនោះក្នុងអំឡុងពេល២ ទៅ៣ថ្ងៃ បើមិនមានអ្វីគួឱ្យកត់សម្គាល់នៃជំងឺផ្តាសាបក្សីទេ មន្ត្រីជំនាញនឹងអនុវត្តតាមនីតិវិធីច្បាប់ ដោយធ្វើការផាកពិន័យ។ ការបង្ការ និងបង្ក្រាបនេះធ្វើឡើងក្នុងគោលបំណង បង្ការការរាលដាលនូវជំងឺផ្តាសាយបក្សី និងជំងឺឆ្លងនានាដែលអាចកើតមានលើសត្វ និងជាការលើកកម្ពស់ការចិញ្ចឹមរបស់កសិករក្នុងស្រុក និងម្យ៉ាងទៀតឱ្យមានការបង់ពន្ធចូលរដ្ឋ។ សូមបញ្ជាក់ថា សត្វមាន់រស់ទាំងអស់ខាងលើ ត្រូវបានឈ្មួញលួចនាំចូលពីប្រទេសថៃ តាមច្រករបៀងមួយកន្លែង ដែលស្ថិតនៅក្នុងភូមិសាស្ត្រឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ ជាញឹកញាប់មន្ត្រីបសុពេទ្យ […]