សម្តេចក្រុមព្រះ នរោត្តម រណឫទ្ធិ ទ្រង់បានសោយទិវង្គតនៅប្រទេសបារាំង!!

November 28, 2021 adm Comment(0)

(ភ្នំពេញ)៖ យោងផេកផ្លូវការរបស់លោក ខៀវ កាញ្ញារីទ្ធ រដ្ឋមន្ត្រីក្រសួងព័ត៌មានដែលបានបង្ហោះនៅល្ងាចថ្ងៃទី២៨.១១.២០២១។

បានឱ្យដឹងថា៖ សម្តេចក្រុមព្រះ នរោត្តម រណឫទ្ធិ ទ្រង់បានសោយទិវង្គត នៅប្រទេសបារាំង នៅថ្ងៃទី២៨ វិច្ឆិកា ២០២១ក្នុងព្រះជន្ម៧៧ព្រះវស្សា ៕

adm

ព័ត៌មានសន្តិសុខសង្គម

ល្បែងសុីសងជល់មាន់និងអាប៉ោងបើកលេងយ៉ាងគគ្រឹកគគ្រេងអាជ្ញាធរនិងសមត្ថកិច្ចមិនហ៑ានបង្ក្រាប នៅស្រុកទឹកឈូរ

April 30, 2022 adm

(ខេត្ដកំពត)៖ ប្រជាពលរដ្ឋបានរាយការណ៍មកថាមានទីតាំងបើកលេងល្បែងស៊ីសងស្ថិតនៅចំណុច ភូមិកំពង់ក្រុង ស្រុកទឹកឈូរ ខេត្តកំពត មានបញ្ជល់មាន់និងបាញ់អាប៉ោងដ៏ធំនោះផងដែលកំពុងបើកលេងយ៉ាងអានាធិបតេយ្យមិនខ្លាចច្បាប់អាជ្ញាធរនិងសមត្ថកិច្ចមិនទាន់បង្ក្រាប។ ប្រភពពីប្រជាពលរដ្ឋបានអោយដឹងថាអ្នកញៀនល្បែងស៊ីសងទាំងនោះមួយថ្ងៃៗបានស្រែកហូរកញ្ច្រៀវទ្រហឹងអឺងកងប្រមូលផ្តុំគ្នាយ៉ាងច្រើនកុះករដោយមិនញញើតនឹងអ្វីទាំងអស់ហាក់បីដូចប្រទេសគ្មានច្បាប់។ ប្រជាពលរដ្ឋនៅក្នុងភូមិកំពង់ក្រុង ស្រុកទឹកឈូ ខេត្តកំពត បានសំណូមពរដល់អាជ្ញាធរនិងសមត្ថកិច្ចពាក់ព័ន្ធជាពិសេសអាជ្ញាធរស្រុកទឹកឈូមានវិធានការណ៍ចុះបង្ក្រាបផង។ ពីព្រោះកូនឬប្តីរបស់ពួកគាត់បាននាំគ្នាឆ្កួតឬឈ្លក់វង្វេងនិងល្បែងបញ្ជល់មាន់ខាងលើនេះ ភ្លេចការសិក្សានិងភ្លេចការងាររកស៊ីដើម្បីចិញ្ចឹមប្រពន្ធកូនទៀតផង។មិនតែប៉ុណ្ណោះអាចនឹងមានអំពើហិង្សាក្នុងគ្រួសារទៀតផងជាពិសេសកើតមានអំពើឆក់ ប្លន់ លួច នឹងករណីផ្សេងៗទៀតក្នុងមូលដ្ឋានរបស់ពួកគាត់ ដោយសារតែទង្វើក្រុមអ្នកញៀនល្បែងខាងលើនេះ។ សូមបញ្ជាក់ផងដែរថានៅក្នុងទឹកដីស្រុកទឹកឈូ ខេត្តកំពត ក្រុមអ្នកញៀនល្បែងបញ្ជល់មាន់តែងតែនាំគ្នាលេងបញ្ជល់មាន់ ដោយមិនញញើតនិងទោសទណ្ឌបន្តិចណាទាល់តែសោះ ក្នុងនោះលោកសូ ប៊ុនធឿន អធិការនគរបាលស្រុកទឹកឈូរ មិនដែលទប់ស្កាត់និងបង្ក្រាបក្រុមញៀនល្បែងទាំងនោះឬតាមបទបញ្ជាររបស់អគ្គស្នងការនគរបាលជាតិនិងក្រសួងមហាផ្ទៃម្តងណាសោះឡើយ។ ពាក់ព័ន្ធនិងបទល្មើសល្បែងស៊ីសងបញ្ជល់មាន់ខាងលើនេះ លោកសូ ប៊ុនធឿន អធិការនគរបាលស្រុកទឹកឈូ បានប្រាប់មកអង្គភាពសារព័ត៌មានយើង អោយដឹងនៅរសៀលថ្ងៃទី៣០ខែមេសាឆ្នាំ២០២២នេះថា៖កន្លងមកទីតាំងខាងលើនេះមានបើកលេងពិតមែនប៉ុន្តែលោកបានដឹកនាំកម្លាំងចុះបង្ក្រាបអស់ហើយៗបច្ចុប្បន្ននេះទីតាំងនោះគឺមិនមានអ្នកលេងទេ លោកអធិការបន្តទៀតថាបើបងអ្នកសារព័ត៌មានដឹងពីកន្លែងលេងសូមជួយផ្តល់ដំណឹងអោយលោកវិញផង។ ដោយឡែកលោកអភិបាលស្រុកទឹកឈូបានឆ្លើយយ៉ាងខ្លីថាលោកមិនបានទទួលព័ត៌មាននេះទេព្រោះលោកបានអោយមេភូមិ នឹងមេឃុំចុះល្បាតរាល់ថ្ងៃ!លោកថាបើប្អូនបានដឹងថាមានបើកលេងល្បែងស៊ីសងទាំងនេះពិតមែនសូមប្អូនជួយប្រាប់លោកវិញផង។ បើទោះបីជាលោកអធិការនគរបាលនិងលោកអភិបាលស្រុកទឹកឈូឆ្លើយដោះសារយ៉ាងក៏ដោយប៉ុន្តែពលរដ្ឋបានបញ្ជាក់យ៉ាងច្បាស់ថាទីតាំងខាងលើនេះគឺកំពុងបើកដំណើរការដោយរំភើយ ៕

ព័ត៌មានសន្តិសុខសង្គម

ពលរដ្ឋអាណាធិបតេយ្យ៣១គ្រួសារលើកគ្នាបោះជំរំតង់នៅលើដីមានម្ចាស់នៅឃុំអូរបីជាន់ និងអាជ្ញាធរព្រមទាំងសមត្ថកិច្ចទៅណែនាំ

July 18, 2021 adm

(ខេត្ដបន្ទាយមានជ័យ)៖ ពលរដ្ឋអាណាធិបតេយ្យ៣១គ្រួសារដែលអះអាងថា មកពីក្រុងប៉ោយប៉ែតនិងស្រុកស្វាយចេក បានលើកគ្នាទៅបោះជំរំតង់នៅលើដីមានម្ចាស់មួយកន្លែងនៅថ្នល់បត់ឃុំអូរបីជាន់ស្រុកអូរជ្រៅ តាំងពីចុងខែមិថុនាឆ្នាំ២០២១ មក ។ នៅថ្ងៃទី១៧ខែកក្កដាឆ្នាំ២០២១ មន្ត្រីថ្នាក់ជាតិដឹកនាំដោយប៉ានខែម ប៊ុនថន នាយករងខុទ្ទកាល័យសម្តេចតេជោហ៊ុន សែននាយករដ្ឋមន្ត្រី ថ្នាក់ខេត្តដឹកនាំដោយលោកលី សារី អភិបាលរងខេត្តបន្ទាយមានជ័យបានទៅជួបផ្ទាល់អប់រំ ណែនាំនិងស្នើអោយយរើចាកចេញ។ ក្នុងនោះ ក៏មានអោយពលរដ្ឋសរសេរពាក្យបណ្តឹងប្តឹងទៅអ្នកណាដែលពលរដ្ឋថា បានរំលោភយកដីធ្លីខ្លួន ព្រមទាំងដាក់សំអាងមកជាមួយផង ។ ពោលគឺ បងប្អូនពលរដ្ឋមិនត្រូវប្រព្រឹត្តអំពើអាណាធិបតេយ្យនិងលើកគ្នាទៅប៉ះពាល់និងរំលោភយកកម្មសិទ្ធិរបស់អ្នកដទៃដោយខុសច្បាប់ដោយចិត្តឯងឬដោយមានអ្នកញុះញង់ឡើយ ។ លោកណៅ វាសនា ហៅណុប ពលរដ្ឋរស់នៅភូមិបន្ទាយថ្មីឃំអូរបីជាន់ ដែលជាអ្នកជួយមើលដីនោះបានប្រាប់ថ្ងៃទី១៧ខែកក្កដា ៖ ដីនោះជាកម្មសិទ្ធិរបស់លោកលន់ ភុន រស់នៅក្រុងភ្នំពេញ(មានបង្កាន់ដៃអាជ្ញាធរ) ។ លោកបន្តថា កាលពីថ្មីៗនេះ លោកបានភ្ជួរដីនេះ អោយរាបព្រៃ ប៉ុន្តែបន្ទាប់មកក៏ស្រាប់តែមានពលរដ្ឋអាណាធិបតេយ្យដែលទំនងជាមានមេខ្យលើញុះញង់ អោយលើកគ្នាមកបោះជំរំតង់នៅលើដីនោះប្រមាណ៥ហិចតាតា ហើយបានបោះតម្រុយរៀបចំចែកគ្នាតាមតែចិត្តទៅវិញ ។ ចំណែកពលរដ្ឋខាងលើបានប្រាប់មន្ត្រីអាជ្ញាធរមានសមត្ថកិច្ចថា ៖ ពួកខ្លួនធ្លាប់ត្រូវមានឈ្មោះទទួលរបបដីដែលលោកវរសេនីយ៍យោធាជើងគោក ឈ្មោះឃួន វណ្ណាថែកអោយនៅភូមិបឹងស្នោរពីឆ្នាំ២០០២ ។ ប៉ុន្តែពីនោះ មកពួកខ្លួនមិនទាន់បានទទួលរបបនោះ ទើបពេលនេះ លើកគ្នាមកចាប់ដីនេះទៅ ។ សូមរំលឹកដែរថា ម៉ោង១០និង១៥នាទីថ្ងៃទី១៦ខែកក្កដា […]

ព័ត៌មានសន្តិសុខសង្គម

អុញនោះ !នៅមានល្បែងស៊ីសងទៀតនៅមូលដ្ឋានទឹកដីស្រុកព្រះស្ដេច ខេត្តព្រៃវែង

October 5, 2022October 5, 2022 adm

(ខេត្ដព្រៃវែង) ៖ មានសេចក្ដីរាយការណ៍មកថា នៅមូលដ្ឋានទឹកដីស្រុកព្រះស្ដេច ខេត្តព្រៃវែង មានទីតាំង ល្បែងសុីសងចាក់អាប៉ោង កំពុងតែបើកដំណេីរការយ៉ាង រលួន និង ពេញនិយម សំរាប់ក្រុមអ្នកញៀនល្បែង បំផ្លាញទ្រព្យសម្បត្តិ ក្រុមគ្រួសារ និងលេីកមុខមាត់ អាជ្ញាធរមានសមត្ថកិច្ច មូលដ្ឋានឲ្យល្អប្រសេីរ និងធ្វេីឲ្យជីវភាពប្រជាពលរដ្ឋ អ្នកញៀនល្បែងមួយចំនួនធ្លាក់ដុនដាប អស់ទ្រព្យសម្បត្តិ អស់ម៉ូតូឡាន ឯក្រុមគ្រួសារខ្លះទៀត ឈានដល់ការឈ្លោះប្រកែក បែកបាក់ លែងលះគ្នាក៏មាន។ សេចក្ដីរាយការណ៍បានបញ្ជាក់ថា ទីតាំងល្បែងស៊ីសងចាក់អាប៉ោងនេះមានទីតាំង នៅក្នុងភូមិកំពង់សឹង ឃុំកំពង់សឹង ស្រុកព្រះស្តេច ខេត្តព្រៃវែង ដែលមានម្ចាស់ផ្ទះឈ្មោះ ណាក់ បើកនាំគ្នាលេងអាប៉ោងរៀងរាល់យប់។ បញ្ហាល្បែងសុីសងចាក់អាប៉ោងនេះប្រជាពលរដ្ឋដែលមិនពេញចិត្តនិងល្បែងសុីសងនេះបានលេីកឡេីងនិងខ្សឹបប្រាប់អ្នកសារព័ត៌មានថា ពួកគាត់មានការព្រួយបារម្មណ៍អំពីសុវត្ថិភាពនិងសន្តិសុខនៅក្នុងមូលដ្ឋាន ទឹកដី របស់ពួកគាត់ រស់នៅខ្លាចកេីតមាននូវអំពេី លួច.ឆក់.ប្លន់.និងអំពេីហឹង្សាជាដេីម ព្រោះល្បែងសុីសងជាដេីមចម នៃបទល្មេីស ផ្សេងៗ ។ ប្រជាពលរដ្ឋលេីកឡេីងថា ឯណាទៅពាក្យថា ភូមិ.ឃុំ.សង្កាត់.មានសុវត្ថិភាពទាំង៧ចំណុច បេីកល្បែងសុីសង នៅតែមានបែបនេះ ចំណែក អាជ្ញាធរមានសមត្ថកិច្ច ពាក់ពន្ធ័ នៅមូលដ្ឋាន នាំគ្នាសំងំស្ងៀម ដូចត្រូវថ្នាំសណ្ដំ។ […]