ខេត្តព្រៃវែង៖ រថយន្តសាំយ៉ុងមួយគ្រឿងវ៉ាជែងខ្វះការប្រុងប្រយ័ត្ន ជ្រុលទៅបុកម៉ូតូមួយគ្រឿងជិះបញ្ច្រាសទិសគ្នា បណ្ដាលឱ្យបុរសម្នាក់រងរបួសធ្ងន់ ត្រូវបានកម្លាំងនគរបាលខេត្តព្រៃវែង ចុះអន្តរាគមន៍ និងបញ្ជូនទៅសង្គ្រោះព្យាបាលនៅមន្ទីរពេទ្យ ។ ហេតុការណ៍នេះ បានកើតឡើងនៅវេលាម៉ោង ១៤ និង ១០នាទី ថ្ងៃទី១៨ ខែកក្កដា ឆ្នាំ២០២៣ ត្រង់ចំណុចភូមិស្ទឹងស្លូត ឃុំអ្នកលឿង ស្រុកពាមរក៍ ខេត្តព្រៃវែង ។ នៅមុនពេលកើតហេតុ រថយន្តម៉ាកសាំយ៉ុង ពណ៌សំបកឪឡឹក ពាក់ផ្លាកលេខភ្នំពេញ 2AO.7753 (អ្នកបើកបរមិនស្គាល់អត្តសញ្ញាណ) បើកបរក្នុងល្បឿនលឿន និងបានឡើងវ៉ាជែងមិនប្រយ័ត្នក៏ជ្រុលចង្កូតទៅបុកម៉ូតូមួយគ្រឿងដែលបើកបរបញ្ច្រាសទិសគ្នា ម៉ាកហុងដា C ១២៥ ពណ៌ខ្មៅ ពាក់់ផ្លាកលេខ បាត់ដំបង 1G.4838បើកបរដោយឈ្មោះ សែម គាន ភេទប្រុស អាយុ ៥៧ឆ្នាំ ជនជាតិខ្មែរ មានទីលំនៅភូមិក្រាំងក្អុក ឃុំកំពង់សឹង ស្រុកព្រះស្តេច ខេត្តព្រៃវែង របួសបាក់ជើងឆ្វេង រួចម្ចាស់រថយន្តមិនព្រមឈប់ឡើយ ក៏បានបើករត់គេចខ្លួនបាត់ស្រមោល ។ បច្ចុប្បន្ន ជនរងគ្រោះ ត្រូវបានបញ្ជូនទៅសង្គ្រោះព្យាបាលនៅឯមន្ទីរពេទ្យ ៕
(ភ្នំពេញ)៖ នារីស្រស់ស្អាតម្នាក់បានបើករថយន្តស៊េរីទំនើបម៉ាកRolls Royce ពាក់ស្លាកលេខ កម្ពុជា Mr.iDol បុកទ្រូងផ្លូវ អស់មួយកង់ និងបាក់បង្កោលភ្លើងអស់មួយដើមដេកដួលទ្រេតបង្កការកកស្ទះពេញផ្លូវ សហព័ន្ធរុស្ស៊ីទល់មុខនឹងវិហារចិន ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីវេលាម៉ោង២ និង២០នាទីយប់រំលងអាធ្រាតឈានចូលថ្ងៃទី១៣ ខែតុលា ឆ្នាំ២០២១ ។ ប្រភពពីប្រជាពលរដ្ឋដែលរស់នៅក្បែរកន្លែងកើតហេតុ បានឲ្យដឹងថា មុនកើតហេតុឃើញរថយន្តស៊េរីទំនើបម៉ាករុយរូយពាក់ស្លាកលេខ(កម្ពុជា.MR.iDol)បើកបរដោយនារីស្រស់ស្អាតម្នាក់ពីកើតទៅលិចក្នុងល្បឿនយ៉ាងលឿន រេចង្កូតពេញផ្លូវ ក៏ជ្រុលទៅបុកឃឿនក្បាលនាគពុះចែកទ្រូងផ្លូវអស់មួយកង់ និងបាក់បង្គោលភ្លើងអស់មួយដើម។ ចំណែករថយន្តខូចខាតផ្នែកខាងមុខយ៉ាងដំណំ និងផ្ទុះពោងក្នុងរថយន្តទាំងសង់ខាង ។ ក្រោយពេលកើតហេតុនារីស្រស់ស្អាតខាងលើ បានបើកទ្វាររថយន្តប្រញាប់ប្រញាល់ចេញពីរថយន្ត។ ហើយក៏មានរថយន្តម៉ាក តូយូតាវីហ្គោពណ៌ស មួយគ្រឿងមកយកនារីដែលជាម្ចាស់រថយន្តRolls Royce នោះដឹកគេចខ្លួនបាត់ បន្សល់ទុករថយន្តនៅកន្លែងកើតហេតុ ។ បើតាមប្រភពព័ត៌មានពីអ្នកដែលស្គាល់រថយន្ត ម៉ាក Rolls Royce ស្លាកលេខ កម្ពុជា.MR.IDOL បានបញ្ជាក់ថាថរយន្តនេះ គឺជារថយន្តរបស់អ្នកនាង ដេត ម៉ារីណា ដែលជាអតីត ភរិយាលោកឧកញ៉ា ដួង ឆាយ ។ បន្ទាប់ពីកើតហេតុសមត្ថកិច្ចមូលដ្ឋានខណ្ឌសែនសុខ និង សមត្ថកិច្ចនគរបាលចរាចរណ៍ក្រុងភ្នំពេញបានមកវាស់វែងរួចក៏ស្ទូចរថយន្តស៊េរីទំនើបយកទៅរក្សាទុកនៅស្នងការនគរបាលរាជធានីភ្នំពេញ ដើម្បីធ្វើតាមនីតិវិធីបន្ត […]
(កំពង់ស្ពឺ)៖ កាលថ្ងៃទី២៥ ខែតុលា ឆ្នាំ២០២៣ ដោយបាន ការអនុញ្ញាតិពីសំណាក់លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ ។ ការិយាល័យព្រហ្មទណ្ឌ បានទទួលជនសង្ស័យម្នាក់ ឈ្មោះ មាំ សុខនាង ភេទប្រុស អាយុ២២ឆ្នាំ រស់នៅភូមិពោធិមាស ឃុំត្រពាំងជោ ស្រុកឪរ៉ាល់ ខេត្តកំពង់ស្ពឺ មុខរបរបុគ្គលិកក្រុមហ៊ុនឥនទានKEP ។ តាមបណ្តឹងពីតំណាងក្រុម ជាប់ពាក់ព័ន្ធករណីរំលោភលើទំនុកចិត្ត ដែលបានបង្កើតឯកសារប្រាក់កម្ចីសិប្បនិម្មិត ដើម្បីបានដកប្រាក់របស់ក្រុមហ៊ុនចំនួន២៥,០០០,០០០រៀល ។ ក្រោយពេលធ្វើការសាកសួរ ជនសង្ស័យបានសារភាពថាពិតជាបានប្រព្រឹត្ត និងបង្កើតឯកសារកម្ចីប្រាក់សិប្បនិមិ្មត ដើម្បីដកយកប្រាក់ ទៅព្យាបាលឪពុកមានជម្ងឺនៅមន្ទីពេទ្យពិតប្រាកដមែន។ បច្ចុប្បន្ន ជនសង្ស័យត្រូវបានការិយាល័យជំនាញកសាងសំណុំរឿងបញ្ជូនទៅតុលាការ បន្តនីវិធី ៕
