(ខេត្តកំពត): នៅព្រឹកថ្ងៃទី ២០ ខែសីហា ឆ្នាំ២០២១ កម្លាំងសមត្ថកិច្ចស្រុកកំពង់ត្រាចបានចុះបង្ក្រាបទីតាំងល្បែងស៊ីសងបញ្ជល់មាន់ខុសច្បាប់មួយកន្លែង…
ក្រោយពេលទទួលបានព័ត៌មានពីប្រជាពលរដ្ឋ ៖ ថាមានការលួចប្រមូលផ្តុំលេងល្បែងស៊ីសងខុសច្បាប់ (ជល់មាន់) ស្ថិតនៅភូមិកោះត្នោត ឃុំព្រែកក្រឹស ស្រុកកំពង់ត្រាច ខេត្តកំពត។
កម្លាំងអធិការដ្ឋាននគរបាលស្រុកកំពង់ត្រាចបាន សហការជាមួយកម្លាំងមូលដ្ឋាន បានចុះបង្ក្រាបដល់ទីតាំងនោះភ្លាម និងបាន ដកហូតបានវត្ថុតាងមួយចំនួន ចំណែកឯមនុស្សបានរត់រួចអស់។
សម្ភារៈដែលបង្រ្កាបបានរួមមាន មាន់ និងម៉ូតូមួយចំនួន ដោយទីតាំងមិនអំណោយផលហើយនៅក្នុងព្រៃ កណ្ដាលវាលស្រែទៀតនោះ ទើបធ្វើឱ្យសមត្ថកិច្ចយើងពិបាកក្នុងការព័ទ្ធចាប់ ចាប់បានតែវត្ថុតាង ចំណែកអ្នកលេងល្បែងស៊ីសងបានរត់ចូលព្រៃអស់៕
