(ខេត្តកែប)៖ ក្រុមក្មេងទំនើងប្រុស ស្រី ចំនួន ២៣នាក់ ដែលផឹកស៊ីល្មើសនឹងវិធានសុខាភិបាល និងបង្កឲ្យមានការប៉ះពាល់ដល់សណ្តាប់ធ្នាប់សាធារណៈ ត្រូវបានកម្លាំងនគរបាល(កម្លាំងអន្តរាគមន៍)ខេត្តកែប ចាប់ឃាត់ខ្លួន កាលពីយប់ថ្ងៃទី១៨ ខែកញ្ញា ឆ្នាំ២០២១ ក្បែរចំណុចទីលម្ហែឆ្នេរកែប ស្ថិតក្នុងរមណីយដ្ឋានខេត្តកែប។ ជាមួយនឹងការឃាត់ខ្លួន ក្រុមក្មេងទំនើងប្រុស ស្រី ខាងលើ ក្រោមការចង្អុលបង្ហាញពី លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប និងកិច្ចសហការរវាងកម្លាំងល្បាតប្រចាំមាត់ឆ្នេរកែប។ ចំពោះក្រុមក្មេងទំនើងទាំង២៣នាក់ខាងលើ ពួកគេជិះម៉ូតូចំនួន៩គ្រឿង ដែលមកពីរាជធានីភ្នំពេញ និងមកពីតាមបណ្តាខេត្តផ្សេងទៀត ដោយក្រុមក្មេងទំនើងទាំងនោះបានប្រមូលផ្តុំគ្នាផឹកស៊ីល្មើសនឹងវិធានការសុខាភិបាល និងបានដុតផាវផ្ទុះលាន់ឮដូចលាចផ្ទុះ បង្កការភ្ញាក់ផ្អើល ធ្វើឲ្យប៉ះពាល់ដល់សណ្តាប់ធ្នាប់សាធារណៈនៅតំបន់ទេសចរណ៍ឆ្នេរកែប។ ក្រោយឃាត់ខ្លួន សមត្ថកិច្ចបាននាំមកកាន់ស្នងការដ្ឋាននគរបាលខេត្ត ដើម្បីអប់រំ ធ្វើកិច្ចសន្យាបញ្ឍប់ការប្រមូលផ្តុំគ្នាផឹកសុីតទៅទៀត នឹងហៅអាណាព្យាបាលមកធានាយកទៅអប់រំបន្តនៅផ្ទះផងដែរ៕
(ខេត្តស្វាយរៀង)៖ ដោយមានការចង្អុលបង្ហាញពីចង្អុលបង្ហាញពីលោកវរសេនីយ៍ឯកមាស ធួក អធិការនគរបាលស្រុករំដួល នៅថ្ងៃសៅរ៍ ១០ រោច ខែអាសាឍ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី២៣ ខែកក្កដា ឆ្នាំ២០២២នេះ កម្លាំងនគរបាលប៉ុស្តិ៍រដ្ឋបាលឃុំថ្នាធ្នង់សហការជាមួយ ក្រុមការងារចុះមូលដ្ឋានឃុំថ្នាធ្នង់លើការងារបង្រ្កាបបទល្មើសនេសាទ ក្រុមប្រឹក្សាឃុំ បានធ្វើការ ចុះបង្រ្កាបករណីឆក់ត្រីតាមបឹងប្រឡាយ និងព្រែកសាធារណៈក្នុងភូមិសាស្ត្រឃុំថ្នាធ្នង់ ស្រុករំដួល ខេត្តស្វាយរៀង។ ជាលទ្ធផល ដកហូតឧបករណ៍ឆក់ត្រីគ្រឿង និងធ្វើកិច្ចសន្យា អប់រំណែនាំអ្នកឆក់ត្រីចំនួន៣ នាក់ អោយបញ្ឈប់សកម្មភាពនេះជាបន្ទាន់។ លោកវរសេនីយ៍ឯកមាស ធួក បានឲ្យដឹងថា ករណីឆក់ត្រី ក៏ដូចជាអ្នកលួចតខ្សែភ្លើងឆក់ត្រី ជាអំពើខុសច្បាប់ និងអាចគ្រោះថ្នាក់ដល់អាយុជីវិតផងដែរ ។ អាជ្ញាធរក៏ដូចជាសមត្ថកិច្ចសូមអំពាវនាវដល់បងប្អូនប្រជាពលរដ្ឋប្រសិនបើឃើញករណីមានអ្នកលួចឆក់ត្រីឬបទល្មើសផ្សេងៗ ក្នុងមូលដ្ឋានឃុំថ្នាធ្នង់សូមបងប្អូនប្រជាពលរដ្ឋចូលរួមសហការរាយការណ៍បញ្ជាការឯកភាពឃុំ និងនគរបាលប៉ុស្ដិ៍នរដ្ឋបាលឃុំ ដើម្បីបង្ក្រាបអោយបាននូវបទល្មើសទាំងនោះទាន់ពេលវេលា ៕
(ខេត្តក្រចេះ)៖ ស្របពេលរាជរដ្ឋាភិបាល ក៍ដូចជា ក្រសួងសុខាភិបាល បានអំពាវនាវកុំឲ្យប្រជាពលរដ្ឋជួបជុំគ្នា ប្រមូលផ្ដុំគ្នាខណ:ជម្ងឺកូវីដ១៩កំពុងឆ្លងចូលសហគមន៍ក៌ក្រុមនាក់ញៀនល្បែងសុីសងជល់មាននៅតែបន្តរប្រម៉ូលផ្តុំគ្នាយ៉ាងរំភើយ ។ នៅថ្ងៃទី១៣ខែកញ្ញាឆ្នាំ២០២១នេះមានសេចក្តីរាយការណ៍ពីស្រុកព្រែកប្រាសព្វខេត្តក្រចេះមកថាមានទីតាំងសង្វៀនជន់មាន់មួយកន្លែងស្ថិតនៅក្នុងភូមិកំពែង ឃុំព្រែកប្រាសព្វ ស្រុកព្រែកប្រាសព្វ ខេត្តក្រចេះក្នុងចំការស្វាយ ចន្ទីដែលម្ចាស់សង្វៀនត្រូវបានគេស្គាល់ឈ្មោះ «ផល្លី»កំពុងបេីកលេងយ៉ាងសប្បាយដោយមិនខ្លាចញញើត អាជ្ញាធរមានសមត្ថកិច្ចក្នុងមូលដ្ឋានឡេីយ។ ដោយគេប្រមូលផ្ដុំគ្នាបេីកលេងយ៉ាងគគ្រឹកគគ្រេងដោយ ផ្គេីននឹង រាជរដ្ឋាភិបាលក៍ដូចជាក្រសួងសុខាភិបាលដែលបានដាក់ចេញឲ្យអនុវត្ដន៍ទាំងអស់គ្នានូវ(៣កុំ៣ការពារ)។ ទោះបីជាគោលនយោបាយភូមិឃុំមានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញឲ្យមានការអនុវត្ដន៍ទូទាំងប្រទេសក្ដី ក៌គេនៅតែសង្កេតឃើញទីតាំងសង្វៀនជន់មាន់ មួយកន្លែងដែល បានប្រមូលផ្ដុំគ្នាបេីកលេងជារៀងរាល់ថ្ងៃ។ យ៉ាងណាមិញ ពលរដ្ឋបានឆ្ងល់ថា៖ ហេតុអ្វីបានជាទីតាំងសង្វៀនជល់មាន់មួយកន្លែងនោះបេីកលេងបានយ៉ាងរលូន ? ហើយពួកគាត់ បានដាក់ការសង្ស័យថា៖ទំនងជាអាជ្ញាធរមានសមត្ថកិច្ចបេីកភ្លេីងខៀវ ឫមួយម្ចាស់ទីតាំងបានសែនព្រេនអស់ហេីយបានជាមិនបង្រ្កាប..។ បើយោងតាមប្រភពព័តមានច្បាស់ការ ពីអ្នកចេញចូលលេងល្បែង ទីតាំងខាងលើបានឲ្យដឹងថា៖ ទីតាំងនោះគឺជាក្ដីសុខសាន្ដសម្រាប់ពួកគេលេងដោយគ្មានក្ដីព្រួយបារម្ភឡើយហេីយគ្មានសមត្ថកិច្ចណាមករំខាននោទេ។ ពាក់ព័ន្ធនឹងករណីនេះដែរគេហទំព័រ«ម្ចាស់ទន្លេមេគង្គ»យើងមិនអាចសុំការបំភ្លឺបកស្រាយពីលោក បាននៅឡើយទេ.។ ទោះបីជាយ៉ាណាសារព័ត៌មានយើងរងចាំបកស្រាយបំភ្លឺជូនវិញរាល់អាជ្ញាធរមានសមត្ថកិច្ចពាក់ព័ន្ធរៀងរាល់ម៉ោងធ្វើការ។ ប្រជាពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ជាពិសេសលោក ឯកឧត្ដមអភិបាលខេត្តក្រចេះនិងលោក ស្នងការខេត្ដក្រចេះ មេត្តាចុះពិនិត្យ និងបង្ក្រាបទីតាំងដែលបើកល្បែងសុីសងនេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញ៕(នៅមានភាគបន្ត)… ដោយ៖អ្នកប្រមាញ់ ព័ត៌មាន
