កងកម្លាំងចម្រុះមួយក្រុម បានចុះទៅបិទទីតាំងអាហារដ្ឋានមួយកន្លែង ដែលបង្កប់ខារ៉ាអូខេ ល្មើសបម្រាមគោចរ.!

July 30, 2021 adm Comment(0)

(ភ្នំពេញ)៖កម្លាំងចម្រុះខណ្ឌមានជ័យបានចុះបិទទីតាំងអាហារដ្ឋានសម្រស់បុប្ផា271ដែលមិនអនុវត្តន៍តាមវិធានការរដ្ឋបាលដើម្បីទប់ស្កាត់ការឆ្លងរាលដាលនជំងឺកូវីដ-១៩។

ករណីនេះស្ថិតនៅតាមបណ្ដោយផ្លូវ២៧១ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញកាលពីយប់ ថ្ងៃទី២៩ ខែកក្កដា ឆ្នាំ ២០២១។

តាមវិធានការរដ្ឋបាលរាជធានីភ្នំពេញ សម្រេចដាក់ឱ្យអនុវត្តបម្រាមគោចរ ដោយផ្អាកជាបណ្តោះអាសន្ន រាល់ការធ្វើចរាចរណ៍ និងរាល់សកម្មភាពការងារ មុខរបរ ឬអាជីវកម្ម នៅចន្លោះម៉ោង ៩យប់ ដល់ម៉ោង ៣ភ្លឺ។

បម្រាមគោចរនេះអនុវត្តចាប់ពីម៉ោង ២៣៖៥៩នាទីយប់ថ្ងៃទី២៩ ខែកក្កដា ដល់ថ្ងៃទី១២ ខែសីហា ឆ្នាំ២០២១ ។ ហើយកម្លាំងចម្រុះ ខណ្ឌមានជ័យ បានចុះល្បាតក្នុងភូមិសាស្ត្រ ក៏ឃើញមានទីតាំងខាងលើមិនអនុវត្តន៍តាម ទើបហាមឃាត់ និងបិទជាបណ្ដោះអាសន្ន៕

adm

ព័ត៌មានសន្តិសុខសង្គម

តុលាការសម្រេចឃុំខ្លួនអ្នកផលិតស្រា.ស.ស្រាថ្នាំ.ចំនួន១៣នាក់ នៅស្រុកល្វាឯម

May 23, 2021 adm

(ខេត្ដកណ្តាល)៖ នៅថ្ងៃទី២២ ខែឧសភា ឆ្នាំ២០២១ លោក ប្លុង វិសាល ចៅក្រមសើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួន អ្នកផលិតស្រាចំនួន១៣នាក់ នៅស្រុកល្វាឯម ដាក់ពន្ធនាគារបណ្តោះអាសន្ន ។ ក្រោយពួកគេផលិតស្រា ស បណ្តាលអោយពលរដ្ឋអ្នកទទួលទានពុលស្លាប់ និងរងរបួសច្រើននាក់។ ការឃុំខ្លួននេះ បន្ទាប់ពីលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល ។ សម្រេចធ្វើការចោទប្រកាន់ពីបទ ” អំពើមិនសុចរិតទាក់ទងនឹងទំនិញ សេវា ឬការអះអាងដោយបំភាន់ ដោយសារពិការភាព ឬមរណៈភាព មានស្ថានទម្ងន់ទោស ” ។ ដែលប្រព្រឹត្តនៅចំណុច ភូមិតាស្គរ ឃុំសារិកាកែវ ស្រុកល្វាឯម ខេត្តកណ្តាល កាលពីថ្ងៃទី១១ ខែឧសភា ឆ្នាំ២០២១ វេលាម៉ោង ២២ និង ៣០នាទី តាមបញ្ញាត្តិមាត្រា៤៣ នៃច្បាប់ស្តីពីកិច្ចការពារអ្នកប្រើប្រាស់ ។ ជនត្រូវចោទទាំង១៣នាក់ រួមមាន៖ ១- ឈ្មោះ ប៊ូ ស៊ន ភេទប្រុស […]

ព័ត៌មានសន្តិសុខសង្គម

កម្លាំងនគរបាលខណ្ឌសែនសុខឃាត់ខ្លួនជនសង្ស័យម្នាក់ ករណីប៉ុនប៉ងលួចកញ្ចក់ឡាន

December 21, 2021 adm

ភ្នំពេញ៖ នៅថ្ងៃទី១៩ធ្នូឆ្នាំ២០២១ ម៉ោង១០ និង០០នាទី កម្លាំងប៉ុស្តិ៍នគរបាលរដ្ឋបាលទឹកថ្លា ឃាត់ខ្លួនជនសង្ស័យម្នាក់ ករណីប៉ុនប៉ងលួចកញ្ចក់ឡាន នៅចំណុចមុខផ្ទះកាត់សក់សំយ៉ន ផ្លូវបេតុង ភូមិបូរីកម្មករ សង្កាត់ ទឹកថ្លា ខណ្ឌសែនសុខ រាជធានីភ្នំពេញ ។ សមត្ថកិច្ចបានឲ្យដឹងថា ជនសង្ស័យ មានឈ្មោះ កឹម វណ្ណសំណាង(ណាង) ភេទប្រុស អាយុ ៥៣ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ (មានសារធាតុញៀន) បានធ្វើសកម្មភាពប៉ុនប៉ងលួចយកកញ្ចក់ឡាន របស់ជនរងគ្រោះឈ្មោះ សាយ ណូរ៉ា ភេទប្រុស អាយុ៤៧ឆ្នាំ ជនជាតិខ្មែរ មុខរបរព្រះរាជអាជ្ញារងសាលាដំបូងភ្នំពេញ ស្នាក់នៅផ្ទះលេខ០៩ ផ្លូវបេតុង ភូមិសំបូរ សង្កាត់ដង្កោ ខណ្ឌដង្កោ ។ សម្ភារៈ បន្សល់ទុក៖ គ្មាន , សម្ភារៈបាត់បងគ្មាន ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់៕

ព័ត៌មានសន្តិសុខសង្គម

លោកឈឿន ប៊ុនឆន៖ ដាក់បទបញ្ជាឱ្យគ្រប់អធិការដ្ឋានក្រុង-ស្រុក និងគ្រប់ប៉ុស្តិ៍រដ្ឋបាលទាំងអស់ ពេលឃាត់ខ្លួនក្មេងទំនើងបង្កហិង្សាបាន មិនត្រូវអប់រំទៀតនោះទេ!

March 22, 2023 adm

ខេត្តព្រៃវែង៖ លោក ឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង នៅយប់ថ្ងៃទី២១ ខែមីនា ឆ្នាំ២០២៣ បានដាក់បទបញ្ជាឱ្យគ្រប់អធិការដ្ឋាននគរបាលក្រុង-ស្រុក និងប៉ុស្តិ៍នគរបាលរដ្ឋបាលទាំងអស់ នៅពេលចាប់ឃាត់ខ្លួនក្មេងទំនើងដែលបង្កហិង្សាបាន គឺមិនត្រូវប្រើវិធានការអប់រំណែនាំទៀតនោះទេ ដាច់ខាតត្រូវកសាងសំណុំរឿងបញ្ជូនទៅតុលាការតាមនីតិវិធី ដោយអនុវត្តចាប់ពីថ្ងៃនេះតទៅ ។ ជាមួយគ្នានោះ លោក ឧត្តមសេនីយ៍ទោ ស្នងការ ក៏បានណែនាំដល់គ្រប់អធិការដ្ឋានក្រុង-ស្រុក និងគ្រប់ប៉ុស្តិ៍រដ្ឋបាលនគរបាល ត្រូវប្រកាសព័ត៌មាននេះ ដល់គ្រប់ច្រកល្ហកទូទាំងខេត្តព្រៃវែង ដើម្បីឱ្យយុវជនទាំងអស់បានដឹង ភ្ញាក់ខ្លួន និងខិតខំប្រឹងប្រែងរៀនសូត្រឡើងវិញ ហើយឈប់ឱ្យមានអំពើហិង្សា ការប្រើប្រាស់គ្រឿងញៀន ឬ ប្រព្រឹត្តិអំពើល្មើសច្បាប់ផ្សេងៗបន្តទៅទៀត ៕ គួររំលឹកថា កាលពីថ្ងៃទី១៨ ខែមីនា ឆ្នាំ២០២៣ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានធ្វើការអប់រំ ណែនាំដល់ក្មេងទំនើង៣នាក់ដែលគប់កញ្ជក់រថយន្ដអ្នកដំណើរឲ្យត្រឡប់ទៅផ្ទះវិញ ដោយឲ្យឳពុកម្ដាយមកធានា និងអប់រំបន្ត តែត្រូវបានមតិមហាជនជាច្រើនមានការរិះគន់។ ឆ្លើយតបនឹងមតិរិះគន់លើករណីនេះ លោកឧត្តមសេនីយ៍ទោ ឈឿន ប៊ុនឆន បានលើកឡើងថា ការសម្រេចប្រើប្រាស់វិធានការអប់រំនេះ គឺយោងទៅលើទិដ្ឋភាពចំនួន៣ ទី១‑ការឯកភាពពីឯកឧត្តមព្រះរាជអាជ្ញា […]