ប្ដីចិត្តខ្លាំង! ខឹងប្រពន្ធដុតផ្ទះខ្លួនឯង បង្កការភ្ញាក់ផ្អើលទាំងព្រឹក នៅស្រុកសំរោងទង!

July 14, 2021July 14, 2021 adm Comment(0)

(ខេត្តកំពង់ស្ពឺ)៖ អគ្គីភ័យបានឆាបឆេះផ្ទះមួយខ្នង និងសម្ភារៈប្រើប្រាស់អស់ស្ទើរទាំងស្រុង ដោយសារស្នាដៃប្ដីជាអ្នកដុត។
ហេតុការណ៍នេះបានកើតឡើងកាលពីវេលាប្រហែរម៉ោង ៧ ជាងព្រឹកត្រូវនឹងថ្ងៃទី១៤ ខែកក្កដា ឆ្នាំ២០២១នេះ នៅតាមបណ្ដោយផ្លូវបេតុងមួយខ្សែស្ថិតនៅភូមិព្រៃផ្ដៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។

ប្រជាពលរដ្ឋបាននិយាយប្រាប់ថា: មុនពេលកើតហេតុពួកគាត់ឮសំឡេងឈ្លោះគ្នាពីរនាក់ប្ដីប្រពន្ធនៅក្នុងផ្ទះដោយមិនដឹងរឿងអ្វីនោះទេ? លុះមួយសន្ទុះក្រោយមកក៏ឃើញមានផ្សែងហុយចេញពីរក្នុងផ្ទះមកខាងក្រៅបង្កការភ្ញាក់ផ្អើលដល់អ្នកជិតខាងបានរាយការណ៍ជូនទៅ សមត្ថកិច្ចឱ្យចុះមកជួយអន្តរាគមន៍ និងបានបាញ់ទឹកពន្លត់ទាន់ពេលវេលាផងដែរ។

ជនបង្កហេតុត្រូវជាប្ដីមានឈ្មោះ ជួន កក្កដា(ហៅង៉ែត) ភេទប្រុស អាយុប្រហែល ៣០ ឆ្នាំ រស់នៅភូមិព្រៃផ្ដៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ត្រូវបានឃាត់ខ្លួន ករណីអគ្គិភ័យនេះដែលមិនមានអ្នករងររបួសទេ៕

adm

ព័ត៌មានសន្តិសុខសង្គម

សង្ស័យស្រវឹងស្រាបើករថយន្តគៀរថយន្តមួយគ្រឿងទៀតរងការខូចខាតយ៉ាងដំណំ

June 16, 2021 adm

(ភ្នំពេញ) ៖ បុរសម្នាក់សង្ស័យស្រវឹងស្រាបើករថយន្តក្នុងល្បឿនលឿនជ្រុលគៀនឹងរថយន្តLEXUS RX330បណ្តាលឲ្យរងការខូចខាតយ៉ាងដំណំ។ ហេតុការណ៍គ្រោះថ្នាក់ចរាចរណ៍នេះបង្កការភ្ញាក់ផ្អើលកាលពីវេលាម៉ោង៨ នឹង៣០នាទីយប់ ថ្ងៃទី១៥ ខែមិថុនា ឆ្នាំ២០២១ដែលស្ថិតនៅតាមបណ្តោយផ្លូវបេតុង ក្នុងសង្កាត់សំរោងក្រោម ខណ្ឌពោសែនជ័យ រាជធានីភ្នំពេញ។ តាមប្រភពព័ត៍មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តមួយគ្រឿងម៉ាក LEXUS RX330ពណ៍សរពាក់ស្លាកលេខភ្នំពេញ2AY 2628បើកបរដោយបុរសម្នាក់នឹងអ្នករួមដំណើរជាក្រុមគ្រួសារដែលធ្វើដំណើរក្នុងទិសដៅពីលិចទៅកើត លុះមកដល់ត្រង់ចំណុចកើតហេតុដោយសារផ្លូវកំពុងជុល ហើយផ្លូវតូចចង្អៀតទៀតនោះស្រាប់តែមានរថយន្តដឹកទឹកកកមួយគ្រឿងម៉ាកKIAពណ៍សរពាក់ស្លាកលេខ ភ្នំពេញ3C 7093បើកបរដោយបុរសម្នាក់សង្ស័យស្រវឹងស្រាក្នុងទិសដៅពីកើតទៅលិចក្នុងល្បឿនលឿនបានរេចង្កូតទៅឆ្វេងគៀនឹងរថយន្តLEXUS RX330បណ្តាលឲ្យរថយន្តរងការខូចខាតទាំងសងខាងយ៉ាងដំណំ ចំណែកអ្នកធ្វើដំណើរតាមរថយន្តLEXUS RX330បានរងរបួសស្រាល ដោយលែកតៃកុងរថយន្តបង្កត្រូវបានសម្ថកិច្ចនាំយកទៅប៉ុស្តិន៍នគរបាលរដ្ឋបាលសំរោងក្រោមដើម្បីសួរនាំបន្ត។ ក្រោយកើតហេតុសម្ថកិច្ចមូលដ្ឋានបានទំនាក់ទំនងទៅសម្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ មកធ្វើការវាស់វែងយករថយន្តទាំងពីរគ្រឿងទៅរក្សាទុកនៅស្នងការនគរបាលរាជធានីភ្នំពេញដើម្បីរងចាំធ្វើការដោះស្រាយគ្នាបៅពេលក្រោយតាមផ្លូវច្បាប់៕

ព័ត៌មានជាតិ ព័ត៌មានសន្តិសុខសង្គម

សមត្ថកិច្ចឃាត់ខ្លួនមេខ្យល់ ២នាក់ដែលនាំពលករឆ្លងដែនទៅប្រទេសថៃខុសច្បាប់

August 12, 2023 adm

ខេត្តបាត់ដំបង៖ កម្លាំងជំនាញនៃអធិការដ្ឋាននគរបាលស្រុកសំពៅលូន បានសហការជាមួយកម្លាំងប៉ុស្តិ៍នគរបាលច្រកទ្វាព្រំដែនអន្តរជាតិភ្នំដី ឃាត់ខ្លួនបានមេខ្យល់ចំនួន២រូបដែលបម្រុងនាំពលករខ្មែរឆ្លងដែនទៅប្រទេសថៃខុសច្បាប់កាលពីថ្ងៃទី១០ ខែសីហា ឆ្នាំ២០២៣ នៅត្រង់ចំណុច មាត់អូរព្រំដែនកម្ពុជា-ថៃ ជាប់ភូមិសាស្រ្តក្រុមទី៧ ភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។ មេខ្យល់ ២នាក់នោះ ត្រូវបានសមត្ថកិច្ចឃាត់ខ្លួនជាមួយនឹងពលករខ្មែរម្នាក់ ដែលបាននាំឆ្លងដែនចូលប្រទេសថៃដោយខុសច្បាប់ដោយយកប្រាក់ថ្លៃធ្វើដំណើរចំនួន ៤ ៥០០បាត (ស្មើជាង ៥៣ម៉ឺនរៀល)។ ក្រោយឃាត់ខ្លួនសមត្ថកិច្ចបាននាំខ្លួនជនសង្ស័យចំនួន ២នាក់ និងពលករចំនួន ១នាក់ ចេញពីប៉ុស្តិ៍នគរបាលច្រកទ្វាព្រំដែនអន្តរជាតិភ្នំដី (គីឡូ ១៣) មកអធិការដ្ឋាននគរបាលស្រុកសំពៅលូន ដើម្បីសាកសួរកត់ឈ្មោះ និងចុះកំណត់ហេតុប្រចាំថ្ងៃ។ កម្លាំងនគរបាលស្រុកសំពៅលូន បានឱ្យពលករម្នាក់នោះធ្វើកិច្ចសន្យាណែនាំ រួចអនុញ្ញាតឲ្យត្រឡប់ទៅមូលដ្ឋានវិញ។ ចំណែកជនសង័្សយទាំង ២នាក់ខាងលើ ត្រូវបានកម្លាំងនគរបាលស្រុកសំពៅលូន កសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធីច្បាប់៕