អាជ្ញាធរខេត្តកោះកុង រៀបចំមណ្ឌលព្យាបាលជំងឺចំនួន២បន្ថែមទៀត ដើម្បីត្រៀមទទួលអ្នកជំងឺកូវីដ-១៩.!

July 11, 2021 adm Comment(0)

(កោះកុង) ៖ អាជ្ញាធរខេត្តកោះកុង បានរៀបចំមណ្ឌលព្យាបាលជំងឺកូវីដ-១៩ចំនួន២បន្ថែមទៀតដើម្បីត្រៀមទទួលអ្នកជំងឺកូវីដ បន្ទាប់ពីភូមិសាស្ត្រខេត្តកោះកុង នៅតែបន្តមានការឆ្លងរាលដាលឥតឈប់ឈរ ។

ជាក់ស្តែងនៅថ្ងៃទី១១ ខែកក្កដា ឆ្នាំ២០២១នេះ រដ្ឋបាលក្រុងខេមរភូមិន្ទ ខេត្តកោះកុង បានសហការជាមួយមន្ត្រីជំនាញសុខាភិបាលចុះរៀបចំមណ្ឌលព្យាបាលថ្មីនៅអាគាររៀបអាពាហ៍ពិពាហ៍(តារី តុការ) និងមជ្ឈមណ្ឌល (ស៊ូន នឹង ) ដែលទីតាំងទាំង២នេះ សុទ្ធសឹងជាទីតាំងដែលធំទូលាយ មិនបង្ករការលំបាកដូចកាលពីមុនទៀតទេ ខណៈអាជ្ញាធរជំនាញ និងមន្ទីរសុខាភិបាល កំពុងរៀបចំបំពាក់ឧបករណ៍សម្ភារប្រើប្រាស់ទំនើបស្របតាមបែបផែនបច្ចេកទេស របស់ប្រមុខរាជរដ្ឋាភិបាល និង ក្រសួងសុខាភិបាល បានដាក់ចេញ។

បន្ថែមលើនេះ លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បានបញ្ជាក់ថា កន្លងមកលោកពិតជាទទួលស្គាល់ថា អ្នកជំងឺកូវីដ-១៩ ដែលសម្រាប់ព្យាបាលនៅតាមមណ្ឌលព្យាបាលនានា ពិតជារងការខ្វះខាត ស្ទើរទាំងស្រុង ក្នុងនោះមានដូចជា ទឹក ភ្លើងអគ្គិសនី កន្លែងដេក បន្ទប់ទឹក កន្លែងទទួលទានអាហារ ជាដើម ។

លោកបានបន្តថា ទីតាំងទាំង២ខាងលើ និងត្រូវបានរៀបចំរួចរាល់នៅពេលប៉ុន្មានថ្ងៃខាងមុខនេះ ហើយលោកក៏ជឿជាក់ថា បងប្អូនដែលមកសំរាលព្យាបាលជំងឺនៅទីនេះ និងមិនមានការលំបាកដូចទីតាំងមុនៗនោះដែរ ។

ជាចុងក្រោយលោកប្រធានមន្ទីរសុខាភិបាលខេត្តកោះកុង ក៏បានថ្លែងអំណរគុណយ៉ាងជ្រាលជ្រៅ ទៅដល់សម្បុរសជននានាដែលកន្លងមក ពួកគាត់បានលះបង់នូវថវិការផ្ទាល់ខ្លូន ក្នុងការរួមចំណែកជួយឧបត្ថម្ភដល់ក្រុមគ្រូពេទ្យ ក៏ដូចជាអ្នកជំងឺកូវីដ-១៩ ដែលកំពុងធ្វើចត្តាឡីស័ក ។

adm

ព័ត៌មានជាតិ

ខ្លាពពក ជាសត្វកម្រស្ថិតក្នុងក្រុមជិតផុតពូជលើពិភពលោក ត្រូវថតបានតាមរយៈម៉ាស៊ីនថតស្វ័យប្រវត្តិ នៅក្នុងតំបន់ការពារធម្មជាតិកម្ពុជា

June 29, 2021 adm

(ភ្នំពេញ )៖ ទិន្នន័យដែលប្រមូលបានពីម៉ាស៊ីនថតស្វ័យប្រវត្តិដែលបាន ដាក់ក្នុងតំបន់ដែនជម្រកសត្វព្រៃកម្ពុជាបានចាប់បានរូបសត្វខ្លាពពក។ ទិន្នន័យទាំងនេះមានសារៈប្រយោជន៍ សម្រាប់ការរៀបចំគ្រប់គ្រងតំ បន់ការពារធម្មជាតិទាំងនោះ។ ខ្លាពពកត្រូវបានចុះក្នុងបញ្ជីក្រហម IUCN ថាជាប្រភេទងាយរងគ្រោះថ្នាក់នៅក្នុងពិភពលោក។ សត្វព្រៃដែលជាប្រភេទ សត្វកម្រជាច្រើនប្រភេទត្រូវបានក្រុមការងារស្រាវជ្រាវនៃក្រសួងបរិស្ថានថត បានតាមរយៈការដាក់ម៉ាស៊ីនថត ស្វ័យប្រវត្តិនៅក្នុងតំបន់ការពារធម្មជាតិមួយចំនួនក្នុងប្រទេសកម្ពុជា។ នេះបើតាមលោក នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាន បានថ្លែងឱ្យនៅថ្ងៃទី២៩ ខែមិថុនា ឆ្នាំ២០២១នេះ។ បើតាមរដ្ឋលេខាធិការក្រសួងបរិស្ថាន «ខ្លាពពកស្ថិតក្នុងក្រុមជិតផុតពូជ និងមានចុះក្នុងបញ្ជីឧបសម្ព័ន្ធសាយតេស។ សត្វប្រភេទនេះទទួលរងនូវការគំរាមកំហែងដោយសារតែការបរបាញ់ និងជាប់អន្ទាក់ហើយការ បាត់បង់ទីជម្រកដែលវាធ្លាប់ស្វែងរកចំណី និងរស់នៅក៏ជាបញ្ហាមួយដែលនាំឱ្យមានការថយចុះនៃចំនួនសត្វព្រៃដែរ»។ លោកបានថ្លែងថា មិនមានទិន្នន័យច្បាស់លាស់ថាបច្ចុប្បន្ន កម្ពុជាមានវត្តមានសត្វខ្លាពពកចំនួនប៉ុន្មានក្បាលឡើយ ប៉ុន្តែរបាយរស់នៅរបស់សត្វខ្លាពពក មាននៅភូមិភាគឦសាន និរតី និងភាគខាងជើង នៃប្រទេសកម្ពុជា។ បើតាមអ្នកជំនាញ សត្វខ្លាពពកត្រូវបានរកឃើញមាននៅប្រទេសបូតាន ចិន ឥណ្ឌា ឥណ្ឌូនេស៊ី (កោះស៊ូម៉ាត្រា) ឡាវ ម៉ាឡេស៊ី សារ៉ាវ៉ាក់ ភូមា នេប៉ាល់ ថៃ និងប្រទេសវៀតណាម។ ខ្លានេះបានផុតពូជនៅប្រទេសបង់ក្លាដេស សិង្ហបុរី និងតៃវ៉ាន់។ មន្ត្រីជាន់ខ្ពស់ក្រសួងបរិស្ថានរូបនេះ បានគូសបញ្ជាក់ថា […]

ព័ត៌មានជាតិ

សម្ដេចតេជោ ហ៊ុន សែន អញ្ជើញថ្លែងសុន្ទរកថាសង្ខេបក្នុងពិធីបិទកិច្ចប្រជុំពេញអង្គលើកទី១នៃកិច្ចប្រជុំអាស៊ី-អឺរ៉ុបលើកទី១៣(ASEAM-13)

November 26, 2021 adm

(ភ្នំពេញ)៖នៅក្នុងពិធីបិទកិច្ចប្រជុំពេញអង្គទី១ នារសៀលថ្ងៃទី២៥ ខែវិច្ឆិកា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនាមជាម្ចាស់ផ្ទះនៃកិច្ចប្រជុំអាស៊ីអឺរ៉ុបលើកទី១៣(ASEM-13) សម្ដេចតេជោ បានបង្ហាញនូវសុទិដ្ឋិនិយមថា លទ្ធផលដែលកើតចេញពីកិច្ចប្រជុំនេះ គឺជាធាតុចូលដ៏មានតម្លៃប្រកបដោយបញ្ញាញាណសម្រាប់ចូលរួមចំណែកដល់ការលើកកម្ពស់ពហុភាគីនិយម និងដំណើរការ ASEM របស់យើង។ សម្ដេចតេជោបានរំលេចនូវសារសំខាន់ៗដូចខាងក្រោម: ១- យើងសម្ដែងនូវការពេញចិត្តចំពោះវឌ្ឍនភាពនិងសមិទ្ធផលជាច្រើនរបស់ ASEM ដែលទទួលបានកន្លងមក។ យើងក៏បានប្ដេជ្ញាចិត្តលើកកម្ពស់បន្ថែមទៀតនូវតួនាទីរបស់ ASEM ក្នុងការជំរុញពហុភាគីនិយម និងអភិបាលកិច្ចសកលដែលយើងកាន់តែត្រូវការដើម្បីដោះស្រាយបញ្ហាប្រឈមរួម។ ២- អង្គប្រជុំក៏បានបង្ហាញពីការគាំទ្រយ៉ាងពេញទំហឹងចំពោះពហុភាគីនិយមដែលជាគ្រឹះនៃសន្តិភាព ស្ថិរភាព និងវិបុលសុខសកល។ ៣- យើងបានលើកឡើងអំពីបញ្ហាប្រឈមដែលមិនធ្លាប់កើតមានឡើងពីមុនមកដោយបណ្ដាលមកពីជម្ងឺកូវីដ១៩ ដែលប៉ះពាល់ធ្ងន់ធ្ងរដល់សុខភាពសាធារណៈ និងវិបត្តិសេដ្ឋកិច្ចសង្គម។ ដើម្បីដោះស្រាយបញ្ហាប្រឈមទាំងអស់នេះ យើងបានឯកភាពគ្នាថា សាមគ្គីភាព កិច្ចសហប្រតិបត្តិការអន្តរជាតិ និងការជំរុញវ៉ាក់សាំងពហុភាគីនិយមគឺជាកូនសោរគន្លឹះ។ ដូច្នេះការការពារសុខភាព និងសន្តិសុខរបស់ប្រជាជនក៏ដូចជាការលើកកម្ពស់សាមគ្គីភាពរវាងរដ្ឋ និងរដ្ឋគួរតែជាអាទិភាពរបស់យើង។ ៤- ការស្ដារសេដ្ឋកិច្ចក្រោយកូវីដ១៩ គឺជាអាទិភាពរួមរបស់យើងទាំងអស់គ្នា ក្នុងន័យនេះយើងបានសំដែងនូវការគាំទ្រចំពោះការពង្រឹងប្រព័ន្ធពាណិជ្ជកម្ម ផ្អែកលើវិធានច្បាប់ និងប្ដេជ្ញាការពារខ្សែច្រវ៉ាក់ផ្គត់ផ្គង់ដោយរលូន និងគ្មានការរាំងស្ទះ ដូចជាការជំរុញនូវឌីជីថលូបយនីកម្ម និងពិនិត្យមើលលទ្ធភាពនៃការបើកឡើងវិញនូវវិស័យទេសចរណ៍ប្រកបដោយសុវត្ថិភាព និងទំនួលខុសត្រូវ។ ៥- យើងភាគច្រើនបានប្ដេជ្ញាចិត្តចំពោះការអភិវឌ្ឍន៍បៃតង និងកម្រិតកាបូនទាបដើម្បីរក្សាកម្រិតការកើនឡើងកម្ដៅផែនដីមិនឲ្យលើសពី១.៥ […]

ព័ត៌មានជាតិ

នារីម្នាក់ ជិះម៉ូតូប៉ះខឿនស្ពានថ្មើរជើង បណ្តាលឱ្យក្រឡាច់ដួល ត្រូវរថយន្តកិនស្លាប់ភ្លាមៗ នៅលើស្ពានព្រែកព្នៅ

April 2, 2021 adm

ភ្នំពេញ៖ នារីម្នាក់ ជិះម៉ូតូម៉ាកឃ្លីកមួយគ្រឿងប៉ះខឿនស្ពានថ្មើរជើង បណ្តាលឱ្យរេចង្កូតក្រឡាច់ដួលត្រូវរថយន្តកិនស្លាប់ភ្លាមៗនៅនឹងកន្លែង។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៩ និង៤០នាទីព្រឹក ថ្ងៃទី២ ខែមេសា ឆ្នាំ២០២១ នៅចំណុចគល់ស្ពាព្រែកព្នៅខាងកើត ស្ថិតក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ សពរងគ្រោះ ឈ្មោះ ខុន ចាន់ម៉ាខែ ភេទស្រី អាយុ ២២ឆ្នាំ មានទីលំនៅភូមិសំរោងត្បូង សង្កាត់សំរោង ខណ្ឌព្រែកព្នៅ។ ចំណែកឯតៃកុងរថយន្ត ឈ្មោះ ផុង សុភ័ណ្ឌ ភេទប្រុស អាយុ ២៦ឆ្នាំ ស្នាក់នៅភូមិបាក់ខែង សង្កាត់បាក់ខែង ខណ្ឌជ្រោយចង្វារ។ មានស្រុកកំណើតភូមិក្រញូង ឃុំក្រញូង ស្រុកកំចាយមារ ខេត្តព្រៃវែង។ បើតាមប្រភពព័ត៌មាននៅកន្លែងកើតហេតុ បានឱ្យដឹងថា នៅមុនពេលកើតហេតុគេឃើញនារីម្នាក់ ជិះម៉ូតូម៉ាកហុងដាប៊ិតមួយគ្រឿង ពណ៌ក្រហមលាយស ពាក់ស្លាកលេខ ភ្នំពេញ 1IB-9509 ធ្វើដំណើរក្នុងទិសដៅពីលិចទៅកើតឡើងលើស្ពានព្រែកព្នៅ ខណៈមកដល់ចំណុចកើតហេតុខាងលើ ក៏បានប៉ះជាមួយខឿនថ្មើរជើងស្ពានព្រែកព្នៅ បណ្ដាលឱ្យរេចង្កូតដួល ស្រាប់តែមានរថយន្តបែនដឹកដីសណ្តោងធុនធំមួយគ្រឿងទៀត ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ […]