ព័ត៌មានជាតិ

ពិធីប្រគល់ និងទទួលរថយន្តដឹកវ៉ាក់សាំងការពារមេរោគកូវីដ១៩ ជាអំណោយសប្បុរសជនខ្មែរតាមរយ: សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា!

July 9, 2021 adm Comment(0)

ខេត្តព្រៃវែង ÷ព្រឹកថ្ងៃទី០៩ ខែកក្កដា ឆ្នាំ២០២១ ឯកឧត្តមវេជ្ជបណ្ឌិត សេង បញ្ញាឬទ្ធិ ប្រធានមន្ទីរសុខាភិបាលនៃរដ្ឋបាលខេត្តព្រៃវែង

បានអញ្ជើញចូលរួមពិធីប្រគល់ និងទទួលរថយន្តដឹកវ៉ាក់សាំងកូវីដ-១៩ ជាអំណោយសប្បុរសជនខ្មែរតាមរយ: សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌទូទាំងប្រទេស បានប្រគល់រថយន្តចំនួន២គ្រឿងដល់ មន្ទីរសុខាភិបាលនៃរដ្ឋបាលខេត្តព្រៃវែង ដើម្បីដឹកវ៉ាក់សាំងកូវីដ-១៩មកចាក់ជូនដល់ប្រជាពលរដ្ឋក្នុងខេត្តព្រៃវែង ឲ្យបានគ្រប់ៗគ្នា ថ្នាក់ដឹកនាំនៃមន្ទីរសុខាភិបាលនៃរដ្ឋបាលខេត្តព្រៃវែង សូមថ្លែងអំណរគុណយ៉ាងក្រែងលែងដល់ប្រមុខថ្នាក់ដឹកនាំ ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឆ្នើម នៃព្រះរាជាណាចក្រកម្ពុជា សូមសម្តេចមានសុខភាពល្អបរិបូរណ៍ ប្រាជ្ញាវាងវៃ និងកាយពលមាំមួន ដើម្បីម្លប់និងដឹកនាំរាជរដ្ឋាភិបាលកម្ពុជាទទួលបានជោគជ័យថ្មីៗ និងនាំមកនូវសមិទ្ឋិផល ធំធេងថ្មីជាច្រើនទៀត ។

adm

ព័ត៌មានជាតិ

រដ្ឋបាលខេត្តកណ្តាល បិទវគ្គបណ្តុះបណ្តាលតម្រង់ទិសស្ដីពីការគ្រប់គ្រងរដ្ឋបាលឃុំ សង្កាត់ ដល់ សមាជិកក្រុមប្រឹក្សាឃុំ សង្កាត់ជាប់ឆ្នោតថ្មី អាណត្តិទី៥

August 17, 2022 adm

(ខេត្តកណ្តាល)៖ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានកោតសរសើរ និងលើកទឹកចិត្តដល់សមាជិកក្រុមប្រឹក្សាឃុំ សង្កាត់ជាប់ឆ្នោតថ្មី អាណត្តិទី៥ដែលបានបញ្ចប់វគ្គបណ្តុះបណ្តាលតម្រង់ទិសស្ដីពីការគ្រប់គ្រងរដ្ឋបាលឃុំ សង្កាត់របស់ខ្លួនប្រកបដោយជោគជ័យ នារសៀលថ្ងៃទី ១៧ ខែសីហា ឆ្នាំ២០២២។ មានប្រសាសន៍ក្នុងឱកាសនោះ ឯកឧត្តម គង់ សោភ័ណ្ឌអភិបាលខេត្តកណ្តាលបានថ្លែងថា៖ ការបោះឆ្នោតជ្រើសរើសក្រុមប្រឹក្សានៅថ្នាក់ឃុំ សង្កាត់ គឺជាការជំរុញកិច្ចដំណើរការអនុវត្តកំណែទម្រង់ វិមជ្ឈការ និងវិសហមជ្ឈការនៅរដ្ឋបាលថ្នាក់ក្រោមជាតិ ដែលកំណែទម្រង់នេះបានដើរតួនាទីយ៉ាងសំខាន់ក្នុង ការលើកកម្ពស់អភិបាលកិច្ចនៅថ្នាក់ឃុំ សង្កាត់ តាមគោលការណ៍អភិវឌ្ឍតាមបែបប្រជាធិបតេយ្យនៅថ្នាក់មូលដ្ឋាន។ ឯកឧត្តមអភិបាលខេត្តបានបន្តថា៖លោក លោកស្រីដែលជាសិក្ខាកាមទាំងអស់ ដែលមានវត្តមាននៅក្នុងវគ្គបណ្តុះបណ្តាលនេះ គឺជាសមាជិកក្រុមប្រឹក្សាឃុំ ដែលទើបជាប់ឆ្នោតថ្មី ក្នុងអាណត្តិទី៥ ហើយបាននឹងកំពុង បំពេញការងារនៅតាមរដ្ឋបាលឃុំ ក្នុងស្រុកចំនួន០៣ រួមមានស្រុកកៀនស្វាយ ស្រុកអង្គស្នួល និងស្រុកស្អាង នៃខេត្តកណ្តាល។ហើយវគ្គបណ្តុះបណ្តាលតម្រង់ទិសរយៈពេល០២ ថ្ងៃកន្លងមកនេះ បើទោះបីជាមានរយៈពេលខ្លីក៏ពិតមែន និងមិនទាន់បានគ្របដណ្តប់លើប្រធានបទគ្រប់ជ្រុងជ្រោយយ៉ាងណាក្តី ប៉ុន្តែឯកឧត្តមជឿជាក់យ៉ាងប្រាកដថា វគ្គបណ្តុះបណ្តាលតម្រង់នេះ ទិសនេះពិតជា នឹងផ្ដល់ដល់លោក លោកស្រីនូវចំណេះដឹង ជាគ្រឹះជាមូលដ្ឋានពាក់ព័ន្ធនឹងមេរៀនទិដ្ឋភាពទូទៅ, រចនាសម្ព័ន្ធ តួនាទី ភារកិច្ច ខ្សែគណនេយ្យភាព និងទំនាក់ទំនងអន្តររដ្ឋបាលជាដើម។ ឯកឧត្តមបន្ថែមថា៖វគ្គបណ្ដុះបណ្ដាលទម្រង់ទិស […]

ព័ត៌មានជាតិ

រដ្ឋបាលខេត្តព្រះសីហនុ ទទួលអំណោយមនុស្សធម៌ជាស្បៀងអាហារ សម្រាប់ចែកជូនប្រជាពលរដ្ឋដែលមានការខ្វះខាត

April 30, 2021 adm

(ខេត្តព្រះសីហនុ)៖ រសៀលថ្ងៃព្រហស្បតិ៍ ទី២៩ ខែមេសា ឆ្នាំ២០២១ ឯកឧត្តម គួច ចំរើន ប្រធានគណៈកម្មាធិការសាខាកាក បាទក្រហមកម្ពុជាខេត្តព្រះសីហនុអញ្ជើញទទួលអំណោយមនុស្សធម៌របស់លោកឧកញ៉ា ទៀ វិចិត្រ មានដូចជាបន្លែគ្រប់ប្រភេទ ត្រីរ៉ស់ងៀត និងសាច់ក្រក នៅស្នាក់ការកាកបាទក្រហមកម្ពុជាខេត្តព្រះសីហនុ មានទីតាំងក្នុងសង្កាត់លេខ៣ ក្រុងព្រះសីហនុ ។ លោកឧកញ៉ា ទៀ វិចិត្រ បានមានប្រសាសន៍ថា បន្លែជាច្រើនប្រភេទ ចំនួន ១១,៦០០គីឡូក្រាម ទាំងនេះអាចរក្សាទុកបានយូរ ពិសេសជាបន្លែដែលពួកគាត់ត្រូវការចាំបាច់ក្រៅពីបន្លែ មានសាច់ក្រកចំនួន ១,០០០គីឡូក្រាម និងត្រីរ៉ស់ងៀតចំនួន ១,០០០គីឡូក្រាម ដើម្បីចូលរួមជាមួយរដ្ឋបាលខេត្តព្រះសីហនុព្រោះខេត្តព្រះសីហនុយើងមានហានិភ័យខ្លាំង ពិសេសប្រជាពលសម្រាប់រដ្ឋរស់នៅក្នុងតំបន់ក្រហមដែលមិនអាចចេញទៅទិញឥវ៉ាន់ខាងក្រៅបាន ហើយ ដើម្បីឱ្យពួកគាត់មានម្ហូបអាហារ ខណៈដែលពួកគាត់ស្នាក់នៅក្នុងផ្ទះ ក៏ប៉ុន្តែម្ហូបអាហារទាំងនេះវាមិនគ្រប់គ្រាន់សម្រាប់ពួកគាត់ទេ តែវាអាចជួយកាត់បន្ថយនូវការខ្វះខាតបានមួយចំនួនផងដែរ ។ ក្នុងឱកាសនោះឯកឧត្តម គួច ចំរើន ក៏បានថ្លែងអំណរគុណប្រជាពលរដ្ឋដែលបានចូលរួមសហការអនុវត្តតាមវិធានការរបស់ខេត្ត ដោយស្នាក់នៅក្នុងផ្ទះបានល្អ ។ អំណោយស្បៀងអាហាររបស់លោកឧកញ៉ាដែលបានឧបត្ថម្ភនាពេលនេះ ក្រុមការងារមានដូចជាមន្ត្រីសាខាកាកបាទក្រហម យុវជនស្ម័គ្រចិត្ត និងអង្គការម្លប់តាប៉ាងបានចូលរួមធ្វើសកម្មភាព ដើម្បីចែករំលែកដល់ក្រុមគ្រួសារដែលមានការខ្វះខាត ដើម្បីបំពេញបន្ថែមខណ:ពួកគាត់ស្នាក់នៅក្នុងផ្ទះ ដើម្បីរួមគ្នាប្រយុទ្ធប្រឆាំងនឹងជំងឺកូវីដ-១៩៕

ព័ត៌មានជាតិ

បែបមិនរាងចាលទេមើលទៅករណីជនជាតិចិនឈ្មោះ XIA GUOXIU លក់ថ្នាំពុលកសិកម្មត្រូវសមត្ថកិច្ចចុះបង្រ្កាបលើកទី២

April 7, 2021 adm

ភ្នំពេញ៖កាលព្រឹកថ្ងៃទី២១ ខែមករា ឆ្នាំ២០២១កន្លងទៅ សមត្ថកិច្ចនៃក្រសួងមហាផ្ទៃដោយមានការដឹកនាំនិងសម្របសម្រួល ពីព្រះរាជអាជា្ញនៃអយ្យការអមសាលាដំបូងភ្នំពេញ និងមានកិច្ចសហការជាមួយមន្ត្រីអាជ្ញាធរមូលដ្ឋាន ជាពិសេសមន្ទីកសិកម្មរាជធានីភ្នំពេញ បានចុះបង្រ្កាបទីតាំងលក់ថ្នាំពុលកសិកម្មដែលហាមឃាត់ក្នុងកម្រិតខ្ពស់ និងផលិតផលក្លែងម៉ាកសញ្ញាជាច្រើន ដែលមានទីតាំងស្ថិតនៅ បុរីជ័យជំនះ ផ្ទះលេខM៣១ ផ្លូវV៣ ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ដែលមានម្ចាស់ទីតាំង ឈ្មោះ XIA GUOXIU ភេទស្រី ជាជនជាតិចិន កាន់លិខិតឆ្លងដែនលេខៈEB61 14348 ចាត់ការតាមនីតិវិធីច្បាប់ ។បើយោងតាមប្រភព័ត៌មានពីសមត្ថកិច្ចមូលដ្ឋានដែលអង្គភាពសារព័ត៌មានយើងទទួលបាន។ ក្នុងប្រតិបត្តិការណ៍នោះ សមត្ថកិច្ចបានចុះទៅ ឆែកឆេរ និងត្រួតពិនិត្យទីតាំងស្តុកទុក ចែកចាយ ថ្នាំពុលកសិកម្មដែលហាមឃាត់ក្នុងកម្រិតខ្ពស់ខាងលើ បានរកឃើញថ្នាំពុលកសិកម្មដែលហាមឃាត់ក្នុងកម្រិតខ្ពស់រួមាន៖Parauat , METHOMYL, ថ្នាំសម្លាប់ដង្កូវ, ថ្នាំបំពុលកណ្ដុល និងផលិតផលផ្សេងទៀតសរុបចំនួន១៧មុខ ស្មើរនិង ២៧៤,៣,៩៥Kg សមត្ថកិច្ចរកឃើញថា ជនជាតិចិនរូបនោះ បានលួចផលិតថ្នាំពុលកសិកម្មដែលហាមឃាត់ក្នុងកម្រិតខ្ពស់និងជីកសិកម្មសម្រាប់ស្តុកទុក លក់ ចែកចាយ ផលិតផលថ្នាំពុលកសិកម្មដែលហាមឃាត់ មានសារធាតុពុលក្នុងកម្រិតខ្ពស់ដែលហាមឃាត់ ដោយច្បាប់នៃព្រះរាជាណាចក្រកម្ពុជា និងគ្មានច្បាប់អនុញ្ញាតត្រឹមត្រូវពីក្រសួងមានសមត្ថកិច្ចណាមួយឡើយ ជាពិសេសឃើញមានស្ទីកឃើទុកបិទលើដបឬកំប៉ុងផលិតផលដើម្បីក្លែងម៉ាកផលិតផលថ្នាំពុល និងមានការលួចក្លែងប្រភពផលិតផលថ្នាំពុលក្លែងក្លាយជាច្រើនទៀត។ ទោះបីជាយ៉ាងណា ក្នុងសំណុំរឿងស្ត្រីជនជាតិចិនឈ្មោះ XIA […]

Leave a Reply Cancel reply

មាតិការ

ទំានាក់ទំនង

Related Articles

Leave a Reply Cancel reply