យុវជនម្នាក់ជិះម៉ូតូសណ្តោងរ៉ឺម៉ក បុករថយន្តដឹកគ្រឿងសង្ហារឹមពីក្រោយស្លាប់នៅលើផ្លូវជាតិលេខ៤១

July 9, 2021July 9, 2021 adm Comment(0)

(ខេត្តកំពង់ស្ពឺ)៖ យុវជនម្នាក់បានកៀបស្លាប់ភ្លាមៗនៅកន្លែងកើតហេតុ ខណៈដែលជិះម៉ូតូសណ្តោងរ៉ឺម៉ក

បុករថយន្តដឹកគ្រឿងសង្ហារឹមពីក្រោយពេញទំហឹង ក្រោយកើតហេតុរួចតៃកុងរថយន្តបានរត់គេចខ្លួនបាត់។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ០៣និង៤០នាទីរសៀលថ្ងៃទី០៨ ខែកក្កដា ឆ្នាំ២០២១ នៅលើកំណាត់ផ្លូវជាតិលេខ៤១ ចំណុចភូមិព្រៃត្បែង ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ។

សមត្ថកិច្ចនគរបាលស្រុកបសេដ្ឋបានឲ្យដឹងថានៅមុនពេលកើតហេតុ
មានម៉ូតូសណ្តោងរ៉ឺមក០១គ្រឿងម៉ាកហុងដាវ៉េវ ពណ៌ស គ្មានស្លាកលេខនោះទេ បើកបរដោយឈ្មោះ ហ៊ន នុត ភេទប្រុស អាយុ២២ឆ្នាំ មានទីលំនៅភូមិត្រពាំងខ្នា ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ បានបើកបរ តាមបណ្តោយផ្លូវជាតិលេខ៤១ ក្នុងទិសដៅ
ពីទិសខាងត្បូងឆ្ពោះទៅទិសខាងជើង លុះដល់ចំណុចកើតហេតុបានបុករថយន្ត០១គ្រឿងម៉ាកហ៊ីយ៉ាន់ដាយ(HYUNDAI) ពណ៌ខៀវ(រថយន្តដឹកគ្រឿងសង្ហារឹមលក់) ពាក់ស្លាកលេខកំពង់ធំ2A-2605 ដែលកំពុងបើកបរពីមុខស្របទិសគ្នា ពេញទំហឹង បណ្តាលឲ្យយុវជនម្នាក់ម៉ូតូកៀបជាប់ស្លាប់ភ្លាមៗ។

សមត្ថកិច្ចនគរបាលស្រុកបានបន្តទៀតថា ក្រោយពេលកើតហេតុអ្នកបើកបររថយន្ត បានរត់គេចខ្លួនបាត់ បន្សល់ទុកតែរថយន្តនៅកន្លែងកើតហេតុ។នគរបាលជំនាញ បានចុះធ្វើការវាស់វែងនៅកន្លែងកើតហេតុ សពប្រគល់ឲ្យសាច់ញាតិយកទៅធ្វើបុណ្យតាមប្រពៃណី។

ចំពោះវត្ថុតាងទាំង០២ខាងលើផ្នែកជំនាញបានយកមករក្សាទុកនៅអធិការដ្ឋាននគរបាលស្រុកបសេដ្ឋដើម្បីរង់ចាំការដោះស្រាយនៅពេលក្រោយ៕

adm

ព័ត៌មានសន្តិសុខសង្គម

ម្ចាស់ដេប៉ូប្រេងឥន្ទនៈទាំង៤២ប្ដឹងប្រធានសាខាក.ប.បខេត្តកណ្ដាលទៅ ACUបែរជាអគ្គនាយកដ្ឋាន ក.ប.បកោះហៅម្ចាស់ដេប៉ូយ៉ាងប្រញាប់!

July 20, 2022 adm

(ខេត្ដកណ្ដាល)៖យោងតាមលិខិតអញ្ចើញចុះថ្ងៃទី១៨ ខែកក្កដា ឆ្នាំ២០២២ លោក ឃួន សាវុធ អគ្គនាយករងនៃអគ្គនាយកដ្ឋានការពារប្រើប្រាស់ កិច្ចការពារប្រកួតប្រជែង និងបង្រ្កាបការក្លែងបន្លំ បានចេញលិខិតអញ្ជើញម្ចាស់ដេប៉ូប្រេងឥន្ទនៈទាំង៤២នាក់ទៅអគ្គនាយកដ្ឋានស្ថិតនៅផ្លូវលេខៈ១៨ ភូមិក្ដីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ នៅថ្ងៃទី២២ ខែកក្កដា ឆ្នាំ២០២២ វេលាម៉ោង៩:០០នាទីព្រឹកក្រោមអធីបតីភាព ឯកឧត្តម ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋាន ក.ប.ប។ សូមជម្រាបជូនថា៖លោក ឃួន សាវុធ អគ្គនាយករងនៃអគ្គនាយកដ្ឋាន ក.ប.បបានចេញលិខិតអញ្ចើញម្ចាស់ដេប៉ូទាំង៤២នាក់នេះធ្វើឡើងដើម្បីឲ្យចូលបំភ្លឺ និងផ្ដល់ព័ត៌មានចាំបាច់មួយចំនួន ក្រោយម្ចាស់ប៉ូប្រេងឥន្ទនៈទាំង៤២នាក់បានប្ដឹងលោក តូច ចៅកុយ ប្រធានសាខា ក.ប.បខេត្តកណ្ដាលទៅកាន់អង្គភាពប្រឆាំងអំពើពុករលួយ និងសាលាខេត្តកណ្ដាល ករណីចុះអនុវត្តការងារនិងគៀបសង្កត់ពិន័យម្ចាស់ដេប៉ូប្រេងដោយគ្មានវិក័យបត្រនិងករណីខ្លះចេញវិក័យបត្រដោយសរសេរទឹកប្រាក់តិចជាងទឹកប្រាក់ដែលបានទាមទារជាក់ស្ដែងពីម្ចាស់ដេប៉ូ ដែលប្ដឹងកាលពីថ្ងៃទី២១ ខែកុម្ភៈ ឆ្នាំ២០២១កន្លងទៅ។ បើយោងតាមប្រភពម្ចាស់ដេប៉ូទាំង៤២នាក់បានឲ្យដឹងថា៖ មន្ត្រីក.ប.បបានចុះមកចែកលិខិតអញ្ជើញនេះហាក់បីដូចជាធ្វើឡើងយ៉ាងតក់ក្រហល់ខុសភាពប្រក្រតីពីព្រោះថាទីតាំងម្ចាស់ដេប៉ូមានរហូតដល់៤២កន្លែងស្ថិតនៅភូមិ ឃុំ ស្រុក ផ្សេងៗគ្នា ប៉ុន្តែមន្រ្តីក.ប.បបានចុះចែកត្រឹមតែមួយព្រឹកប៉ុណ្ណោះ ហើយពួកគាត់ចង់ឲ្យមានសមាសភាពមន្ត្រីមកពីអង្គភាពប្រឆាំងអំពើពុករលូយ និងសាលាខេត្តកណ្ដាល ប្រសិនបើគ្មាននោះទេពួកគាត់ទាំងអស់គ្នានឹងមិនចូលរួមតាមការអញ្ជើញឡើយ។ ប្រភពម្ចាស់ដេប៉ូដដែដែលបានឲ្យដឹងទៀតថា៖គោលបំណងដែលពួកគាត់ទាំងអស់គ្នាបានប្ដឹងប្រធានសាខាក.ប.ប ខេត្តកណ្ដាលនេះ ដោយសារពួកគាត់មិនពេញចិត្តចំពោះការអនុវត្តច្បាប់របស់លោក តូច ចៅកុយ និងពួកគាត់នៅតែទទួចស្នើឲ្យថ្នាក់ដឹកនាំពាក់ព័ន្ធ ជាពិសេសឯកឧត្តម […]

ព័ត៌មានសន្តិសុខសង្គម

កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ នៅភូមិមានជយ័ ដែលហិង្សា និងធ្វេីឲ្យខូចខាតទ្រព្យសម្បត្តិដោយចេតនា!

August 9, 2023 adm

(ខេត្តព្រៃវែង)៖ ក្រោយពីទទួលបានពាក្យបណ្តឹងពីជនរងគ្រោះឈ្មោះឈឿង ក្រាញ់ភេទស្រីអាយុ៤១ ឆ្នាំរស់នៅភូមិមានជយ័ឃុំទឹកថ្លាស្រុកស្វាយអន្ទរខេត្តព្រៃវែង ក្រោមបញ្ជាផ្ទាល់របស់លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តនិងមានការសម្របសម្រួលពី ឯកឧត្តម គុជ គីមឡុង ព្រះរាជអាជ្ញា អមសាលាដំបូងខេត្តព្រៃវែង ។ នៅថ្ងៃទី០៦ខែសីហា ឆ្នាំ២០២៣ ម៉ោង១១និង៣០នាទី កម្លាំងជំនាញកងរាអាវុធហត្ថខេត្តព្រៃវែង និងកម្លាំង មូលដ្ឋានអហស្រុកស្វាយអន្ទរ ដឹកនាំដោយ លោកអនុសេនីយ៍ឯក ទេស ដាវីដនាយការិយាល័យព្រហ្មទណ្ឌ ចុះបង្ក្រាបករណីហិង្សាដោយចេតនា និងធ្វេីឲ្យខូចខាតដោយចេតនា នៅចំណុចភូមិមានជ័យ ឃុំទឹកថ្លា ស្រុកស្វាយអន្ទរ ខេត្តព្រៃវែង ។ ឃាត់ខ្លួនជនសង្ស័យចំនួន០១នាក់ ឈ្មោះឈឿង វែង ភេទប្រុសអាយុ៣២ឆ្នាំ មុខរបរ មិនពិតប្រាកដ រស់នៅភូមិមានជ័យ ឃុំទឹកថ្លា ស្រុកស្វាយអន្ទរ ខេត្តព្រៃវែង ។ បច្ចុប្បន្នជនសង្ស័យត្រូវបានកម្លាំងជំនាញកងរាជអាវុធហត្ថកសាងសំណុំរឿងបញ្ជូនទៅសាលាដំបូងខេត្តព្រៃវែង ។

ព័ត៌មានសន្តិសុខសង្គម

លោក ង៉ែត ចំរេីន ឲ្យលោក អ៊ំ សម ចូលខ្លួនមកដោះស្រាយរឿងជំពាក់លុយថ្លៃបេតុងជាង ១ ម៉ឺនដុល្លារ ឲ្យបានមុនថ្ងៃ ១២ កញ្ញានេះ

September 6, 2022 adm

ភ្នំពេញ៖ តាមការបញ្ជាក់ពីលោក ង៉ែត ចំរេីន ដែលមានតួនាទីជានាយករដ្ឋបាល នៃក្រុមហ៊ុនបេតុងលាយស្រេច ដែរមានទីតាំងស្ថិតនៅ ខណ្ឌសែនសុខ រាជធានីភ្នំពេញ បានថ្លែងប្រាប់អង្គភាពសារព័ត៌មានយេីងឲ្យដឹងនៅថ្ងៃទី៦ កញ្ញា ឆ្នាំ២០២២នេះថា លោក អ៊ំ សម ជាមន្ដ្រីសារធារណការ និងដឹកជញ្ជូនខេត្តព្រះសីហនុ ហើយជាដៃគូរកស៊ីជាមួយក្រុមហ៊ុនលោក ដោយកន្លងមកលោក បានហៅបេតុងលាយស្រេចរបស់ក្រុមហ៊ុនលោកដេីម្បីយកមកផ្គត់ផ្គង់ ក្នុងការដ្ឋានសាងសង់ស្ពាន របស់លោក អ៊ំ សម ដោយកន្លងមកលោកហៅបេតុងចាក់រួចហេីយតែងទូទាត់ សាច់ប្រាក់ឲ្យក្រុមហ៊ុនលោក ប៉ុន្មានថ្ងៃបន្ទាប់ ប៉ុន្ដែនាពេលក្រោយមកចាប់ពីដេីមខែ កុម្ភៈ ឆ្នាំ២០២២ លោក អ៊ំ សម សន្យាថាសងតែផ្ទុយទៅវិញដល់ថ្ងៃកំណត់លោកតែងតែគេចវេស រកលេសដោះសារឥតឈប់ឈរ ដោយបានត្រឹមសន្យាខ្យល់។ លោក ង៉ែត ចំរេីន បន្ដថា ការធ្វើបែបនេះរបស់លោក អ៊ំ សម ដោយមិនទទួលខុសត្រូវ ហេីយនិយាយជារួមពិបាកតែម្ដង ដោយព្យាយាមគេចវេសដោយគ្មានទំនួលខុសត្រូវជាដៃគូរកស៊ីជាមួយគ្នានោះឡេីយ។ លោក ង៉ែត ចំរេីន ថាដោយអស់ជម្រើសលោកមានតែសំណូមពរដល់អ្នកសារព័ត៌មាន ដេីម្បីជួយផ្សព្វផ្សាយដេីម្បីជូនជាដំណឹងដល់លោក អ៊ំ សម ឲ្យចូលខ្លួនមកដោះស្រាយគ្នា ឲ្យបានមុនថ្ងៃទី១២ ខែកញ្ញា ឆ្នាំ២០២២នេះ នៅការិយាល័យក្រុមហ៊ុនលោក ដែរមានទីតាំងស្ថិតនៅ ផ្ទះលេខ 1406 ផ្លូវ ប្រឡាយ ភូមិ អន្លង់ក្ងាន សង្កាត់ ឃ្មួញ ខ័ណ្ឌ […]