បើករថយន្តលឿនដូចហោះ ជ្រុលទៅបុករបងផ្សារ ដែលធ្វើអោយបង្កការខូចខាតធ្ងន់ធ្ងរ.!

June 30, 2021 adm Comment(0)

(ភ្នំពេញ)៖ សមត្ថកិច្ចចាប់បុរសពីរនាក់បន្ទាប់ពីបើករថយន្តម៉ាក lexus rx330មានល្បឿនលឿនដូចហោះជ្រុលទៅបុករបងដែកផ្សារបាយ័ន បាក់អស់ជាច្រើនផ្ទាំង។

ហេតុការណ៍នេះបានកើតឡើងនៅមុខផ្សារបាយ័នតាមផ្លូវសហព័ន្ធរុស្ស៊ីក្នុងសង្កាត់មនោរម្យ ខណ្ឌ៧មករា រាជធានីភ្នំពេញកាលពីវេលាជាងម៉ោង៣ទៀបភ្លឺចូលថ្ងៃទី៣០ខែមិថុនាឆ្នាំ២០២១។

មន្ត្រីនគរបាលបានឱ្យដឹងថា៖បុរសម្នាក់ រួមជាំមួយមិត្តភក្តិបានបើករថយន្តម៉ាក lexus rx330ពណ៌ស្ករ ពាក់ផ្លាកលេខភ្នំពេញ 2BK-1359 មានក្នុងល្បឿនលឿនដូចហោះជ្រុលទៅបុកខឿនសួនផ្លូវភ្លោះពេញទំហឹង បណ្ដាលឱ្យបាក់អស់ជាច្រើនកង់។

ឯរថយន្តបន្តទៅបុករបងដែកផ្សារបាយ័ន បាក់អស់ជាច្រើនផ្ទាំង រួចចូលក្នុងបរិវេណផ្សារ បន្តបុករបងថ្មបន្ថែមទៀត បាក់អស់ជាច្រើនម៉ែត្រ។

បន្ទាប់មក រថយន្តឆ្លងចរន្តហុយផ្សែង ចេញជាអណ្ដាតភ្លើង ត្រូវប្រជាពលរដ្ឋនាំគ្នាយកបំពង់ពន្លត់អគ្គិភ័យ ជួយបាញ់ពន្លត់អស់ជាច្រើនបំពង់ទើបរន្លត់ទៅវិញ តែមិនមានអ្នករងគ្រោះថ្នាក់ទេ។

ក្រោយកើតហេតុសមត្ថកិច្ចបានវាស់វែង យករថយន្តទៅរក្សាទុកនៅនគរបាលចរាចរណ៍ផ្លូវគោករាជធានីភ្នំពេញ រង់ចាំដោះស្រាយតាមច្បាប់ ៕

adm

ព័ត៌មានសន្តិសុខសង្គម

រថយន្តអនុប្រធានភូមិបាលម្នាក់ ត្រូវបានជនមិនស្គាល់មុខលួចដុតយ៉ាងកំរោល..!

July 12, 2021July 12, 2021 adm

(ស្ទឹងត្រែង)៖រថយន្តអនុប្រធានភូមិបាលស្រុកសៀមប៉ាងត្រូវបានជនមិនស្គាល់មុខលួចដុតបណ្ដាលឱ្យឆេះបង្កការខួចខាតខាងតៃកុងផ្នែកខាងមុខយ៉ាងធ្ងន់ធ្ងរ។ ហេតុការណ៍នេះបានកើតឡើងនៅស្រុកសៀមប៉ាងកាលពីរំលងអធ្រាត្រឈានចូលថ្ងៃទី១២ ខែកក្កដាឆ្នាំ ២០២១។ សមត្ថកិច្ចបានឱ្យដឹងថា រថយន្តដែលរងនូវការឆាបឆេះនោះគឺជាប្រភេទម៉ាកតាកូម៉ា ជារបស់ឈ្មោះឈា ប៊ុនឡាប្រុសអាយុ៣២ឆ្នាំ មុខរបរជា អនុប្រធានភូមិបាលស្រុកសៀមប៉ាង។ កាលពី រំលងអាធ្រាត្រចូលថ្ងៃទី១២ ខែកក្កដា មានសំឡេងស្នូរផ្ទុះដូចផ្ទុះកំប៉ុងហើយគាត់ក៏ភ្ញាក់ចេញមកមើលក៏ឃើញភ្លើងឆេះរថយន្តផ្ទៃខាងក្នុងយ៉ាងសន្ធោសន្ធៅហើយក៏នាំគ្នាបាញ់ទឹកពន្លត់រហូតរលត់អស់។ សូមបញ្ជាក់ដែរថា ៖ ពេលសមត្ថកិច្ចចុះទៅពិនិត្យសាកសួរបំភ្លឺពីម្ចាស់ផ្ទះឃើញដបទឹកសុទ្ធចំណុះ១,៥លីត្រដែលមានសល់ប្រេងសាំងខ្លះ។ សមត្ថកិច្ចសន្និដ្ឋានថានេះគឺជាភស្តុតាងដែលជនមិនស្គាល់មុខបង្កលួចដុតរថយន្តនោះ៕

ព័ត៌មានសន្តិសុខសង្គម

ហាង KTV យីហោ NOVA មានបង្កប់ល្បែងស៊ីសងហ្គេមបាញ់ត្រី អាជ្ញាធរនិងសមត្ថកិច្ចពាក់ពន្ធ័មិនបង្ក្រាប នៅក្រុងប៉ោយប៉ែត!

October 21, 2023 adm

ខេត្ដបន្ទាយមានជ័យ៖ទីតាំងហាង KTV យីហោNOVA មានបង្កប់ល្បែងស៊ីសងហ្គេមបាញ់ត្រី បាននឹងកំពុងបើកលេងបានយ៉ាង អនាធិបតេយ្យស្ថិត នៅក្នុងសង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ ពលរដ្ឋថា ពីមួយថ្ងៃទៅមួយថ្ងៃពិសេសនៅពេលយប់ ឃើញមានមនុស្សចូលលេងយ៉ាងច្រើនកុះករផងដែរដោយមនុស្សទាំងនោះខ្លះចូលទៅផឹកសុីច្រៀងលេងកម្សាន្តខ្លះទៀតចូលលេងល្បែងស៊ីសងហ្គេមបាញ់ត្រីទាំងនេះ អាជ្ញាធរនិងសមត្ថកិច្ចពាក់ព័ន្ធដឹងឬមិនដឹងនោះទេ ឬមួយដឹងហើយមិនបង្ក្រាប។ ពលរដ្ឋបាននាំគ្នាព្រួយបារម្ភយ៉ាងខ្លាំង ទីតាំងល្បែងសុីសង នេះ អាចធ្វើឲ្យកើតនូវអំពើចោរកម្មនិងបទល្មើសផ្សេងៗកើតឡើងគួរឲ្យភ័យខ្លាចតែម្តង ពួកគាត់ឆ្ងល់ថាចុះឯណាទៅ គោលនយោបាយភូមិឃុំសង្កាត់មានសុវត្ថិភាពទាំង ៧ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃដោយឲ្យមន្ត្រី អនុវត្តនោះ ។ ជុំវិញករណីនេះដែរអង្គភាពសារព័ត៌មានយើងសុំការបំភ្លឺពីលោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត តាមប្រព័ន្ធអេឡិចត្រូនិច (តេឡេក្រាម)នៅថ្ងៃទី២១ ខែតុលា ឆ្នាំ២០២៣នេះ លោកមិនទាន់ចូលមើល ។ មហាជនសង្ឃឹមនិងជឿជាក់ថា អជ្ញាធរនិងសមត្ថកិច្ចពាក់ពន្ធ័ ក្រុងប៉ោយប៉ែត និងចុះស្រាវជ្រាវនិងបង្ក្រាបទីតាំងល្បែងសុីសងទាំងនោះឲ្យស្របតាមគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ ។ អង្គភាពសារព័ត៌មានយើងនិងរង់ចាំធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយពីអាជ្ញាធរនិងសមត្ថកិច្ចពាក់ព័ន្ធឬគីពាក់ព័ន្ធរៀងរាល់ម៉ោងធ្វើការ ៕

ព័ត៌មានសន្តិសុខសង្គម

អុញនោះ!ម្ចាស់ដេប៉ូប្រេងឥន្ទនៈទាំង៤២នាក់ ដាក់ពាក្យបណ្ដឹងមន្រ្តីក.ប.បខេត្តកណ្ដាលទៅACU

July 14, 2022 adm

(ខេត្ដកណ្ដាល)៖យោងពាក្យបណ្ដឹងចុះថ្ងៃទី២១ ខែកុម្ភៈ ឆ្នាំ២០២២កន្លងទៅ ម្ចាស់ដេប៉ូប្រេងឥន្ទនៈប្រមាណ៤២ដេប៉ូបានដាក់ពាក្យប្ដឹងលោក តូច ចៅកុយ តួនាទីមន្ត្រីក.ប.ប ខេត្តកណ្ដាល ទៅអង្គភាពប្រឆាំងអំពើពុករលួយ ករណីចុះអនុវត្តការងារនិងគៀបសង្កត់ពិន័យម្ចាស់ដេប៉ូប្រេងដោយគ្មានវិក័យបត្រនិងករណីខ្លះចេញវិក័យបត្រដោយសរសេរទឹកប្រាក់តិចជាងទឹកប្រាក់ដែលបានទាមទារជាក់ស្ដែងពីម្ចាស់ដេប៉ូ។ នេះបើយោងតាមប្រភពឯកសារច្បាស់ការមួយដែលអង្គភាពយើងខ្ញុំទទួលបាន។ ក្នុងបណ្ដឹងនោះបានរៀបរាប់ថា៖ កន្លងមកមន្ត្រី ក.ប.ប មិនដឹងចុះមកត្រួតពិនិត្យអ្វីឲ្យពិតប្រាកដនោះទេ ធ្វើការដោយគ្មានបង្ហាញច្បាប់ គឺប្រើច្បាប់និងពិន័យតាមតែមាត់របស់ពួកគាត់ រៀងរាល់ឆ្នាំសាលាខេត្តតែងតែជូនដំណឹងឲ្យម្ចាស់ដេប៉ូទាំងអស់មកដាក់ពាក្យសុំពិនិត្យដៃបាញ់ប្រេង និងវាស់ប្រេងរួចមន្រ្តីមាត្រាសាស្រ្តតែងតែចុះមកពិនិត្យនិងវាស់មិនដែលអាក់ខានទេ ។ ផ្ទុយទៅវិញពេលមន្រ្តី ក.ប.ប ចុះមកដល់គ្រាន់តែសួរនាំបន្តិចបន្តូច និងអនុវត្តការងារដោយបង្ខំតែម្ដងរួចប្រាប់ថា«សាំងមិនគ្រប់លីត្រ និងបាត់គុណភាព» ហើយបានធ្វើការសម្លុតគំរាមទារប្រាក់តែរាប់លានរៀលគ្មានការញញើតមាត់ និងហួសសមត្ថភាពម្ចាស់ដេប៉ូ ហើយបានទាមទារប្រាក់មិនដូចអ្វីដែលបានសរសេរក្នុងវិក័យបត្រឬជួលកាលពិន័យដោយមិនចេញវិក័យបត្រថែមទៀតផង ។ បណ្ដឹងដដែលបានឲ្យដឹងទៀតថា ៖ប្រសិនបើម្ចាស់ដេប៉ូមិនព្រមទៅបង់ប្រាក់តាមការទាមទារនោះទេ ពួកគាត់លើកហេតុផលផ្សេងៗនិងនិយាយតែរឿងគុកច្រវាក់ គំរាមបិទដេប៉ូ ចុះកាសែត និងកសាងសំណុំរឿងទៅកាន់តុលាការតែម្ដង ដោយគ្មានធ្វើកិច្ចសន្យាឬអប់រំណែនាំអ្វីឡើយ ដែលជាហេតុធ្វើឲ្យម្ចាស់ដេប៉ូទាំងអស់នៅខេត្តកណ្ដាលក្ដៅក្រហាយនិងរងការភ័យខ្លាច ខ្លះក៏ត្រូវខ្ចីលុយគេមកអោយ រីឯខ្លះទៀតត្រូវធ្វើការបង់រំលោះជាមួយក្រុមពួកគាត់ដូចជាការបង់រំលោះឡានឬជំពាក់លុយធានាគារអញ្ចើង ទើបពួកគាត់សម្រេចចិត្តដាក់ពាក្យបណ្ដឹងទៅកាន់អង្គភាពប្រឆាំងអំពើពុករលួយតែម្ដង។ លោក តូច ចៅកុយ មន្រ្តីក.ប.ប ខេត្តកណ្ដាល បានឲ្យអង្គភាពយើងដឹងថា«លោកមិនបានប្រព្រឹត្តដូចការចោទប្រកាន់នោះ លោកអនុវត្តការងារមានព្រះរាជអាជ្ញានិងមន្រ្តីកូនចៅត្រឹមត្រូវ និងបានធ្វើរបាយការណ៍នៅមានចុះការងារ ហើយករណីនេះគឺជារឿងប្រឌិតឡើយដោយពួកខិលខួចមួយចំនួនធំដែលរកស៊ីកិបកេងលីត្រប្រជាពលរដ្ឋរួចមានការខឹងសម្បារដល់រូបលោកចុះចាប់ »។ លោកបានបន្ថែមទៀតថា៖ «ករណីនេះលោកក៏បានដឹងដែរឃើញមានការចុះផ្សាយតាមរយៈហង្សមាស ហើយលោកពុំបានដឹងពួកគាត់បានប្ដឹងចំពោះរូបលោកទៅអង្គភាពប្រឆាំងអំពើពុករលួយពិតមែនឬក៏អត់នោះទេ!»។នេះបើយោងកិច្ចសម្ភាសន៍រវាងអង្គភាពយើងខ្ញុំនិងលោក តូច ចៅកុយ […]