ព្រហ៊ើនបើកម៉ូតូវ៉ាជែងរថយន្តមិនផុត ទាក់ដៃចង្កូត បណ្ដាលឱ្យដួលខ្ទាតចូលកង់ក្រោយរថយន្តកុងទីន័រកិនស្លាប់.!

June 24, 2021June 24, 2021 adm Comment(0)

(ខេត្តកំពង់ស្ពឺ) ៖ បុរសម្នាក់បានស្លាប់ភ្លាមៗនៅកន្លែងកើតហេតុ ខណៈបើកម៉ូតូវ៉ាជែងរថយន្តមិនផុត ក៏ទាក់ដៃចង្កូតបណ្ដាលឱ្យម៉ូតូដួលខ្ទាតចូលកង់ក្រោយរថយន្តកុងទីន័រមួយគ្រឿងទៀតដែលកំពុងបើកបញ្ច្រាសទិសគ្នាបណ្ដាលឱ្យកិនស្លាប់ភ្លាមៗនៅកន្លែងហេតុការណ៍។

ហេតុការណ៍នេះបានកើតឡើងនៅវេលាម៉ោង០៦ៈ៣០នាទី ព្រឹក ថ្ងៃទី២៤ ខែមិថុនា ឆ្នាំ២០២១ នៅលើផ្លូវជាតិលេខ ៥១គីឡូម៉ែត្រលេខ(៥និង៦) ត្រង់ចំណុចភូមិអំពិលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ ។

វត្ថុតាងជាក់ស្តែង មានម៉ូតូ ០១ គ្រឿងម៉ាក ហុងដា C125(2018) ពណ៌ ខ្មៅ ពាក់ស្លាកលេខ ភ្នំពេញ 1GV.7843 បើកបរដោយឈ្មោះ យ៉ុន សុខជា ភេទ ប្រុស អាយុ ២០ ឆ្នាំ(ស្លាប់) រស់នៅភូមិព្រែកក្តាម ឃុំកោះចិន ស្រុកពញាឮ ខេត្តកណ្តាល បើកបរក្នុងទិសដៅពីជើងទៅត្បូងលុះបើកបរមកដល់ចំណុចខាងលើ បានបើកវ៉ាជែងរថយន្ត ០១ គ្រឿងដែលកំពុងបើកបរស្របទិសគ្នា ហើយបានប៉ះដៃចង្កូតជាមួយនឹងរថយន្តនោះ បណ្តាលឲ្យម៉ូតូដួលខ្ទាតចូលក្រោមកង់ក្រោយរបស់រថយន្ត ០១ គ្រឿងម៉ាក នីសាន់ ពណ៌ ស-ខៀវ ពាក់ផ្លាកលេខ ភ្នំពេញ 3A.5232 សណ្តោងសឺមីរុឺម៉ក ពណ៌ លឿង ពាក់ផ្លាកលេខ ភ្នំពេញ 4A.7138 ដឹកទូកុងតឺន័រ ចំនួន ០២ ទូ អ្នកបើកបរមិនស្គាល់អត្តសញ្ញាណ(បានគេចខ្លួនបាត់) ។

ចំពោះវត្ថុតាងទាំងពីរខាងលើ កំពុងរៀបចំចាត់ចែង ដើម្បីយកទៅរក្សាទុកនៅអធិការដ្ឋាននគរបាលស្រុកឧដុង្គ ចាត់ការតាមនីតិវិធី។ ដោយះចិត្ត្រា ឆន្ទះ

adm

ព័ត៌មានសន្តិសុខសង្គម

រថយន្តហាយឡិនឌ័រមួយគ្រឿង បើកចុះ ទូកដរខ្វះការប្រុងប្រយ័ត្ន ក៏បានធ្លាក់ពីលើទូកដរ ចូលទៅក្នុងទន្លេបាត់ស្រមោល. !

August 15, 2021 adm

(ខេត្តកណ្តាល)៖ ករណីរថយន្តចុះធ្លាក់ពីលើទូកដរនៅវេលាម៉ោងប្រមាណជិត ៩ ព្រឹកថ្ងៃទី១៥ ខែ សីហា ឆ្នាំ ២០២១ ប៉ុន្តែមិនមានបណ្តាលឲ្យមានមនុស្សគ្រោះថ្នាក់ដោយសារករណីនេះទេ ។ រថយន្តមួយគ្រឿងនេះ ម៉ាកហាយឡែនឌើ ពណ៌ស ពាក់ស្លាកលេខ. ភ្នំពេញ 2AN. 1302 បើកបរដោយឈ្មោះ សាម សុវ៉ាត់ ហៅប្លោក ភេទប្រុសអាយុ ៥១ឆ្នាំ មានទីលំនៅភូមិព្រែករុន ឃុំព្រែកគយ ស្រុកស្អាង មុខរបរ ជាមន្រ្តី នគបាលប៉ុស្ត៏តាលន់ ស្រុកស្អាង ។ នៅក្នុងរថយន្តនេះមានអ្នករួមដំណើរមានគ្នា ០៤នាក់ ទី១-ឈ្មោះ ថាសុីធូ ភេទស្រី អាយុ៤១ឆ្នាំត្រូវជាប្រពន្ធ ទី២-ឈ្មោះ ឃុន សឿន ភេទស្រី អាយុ ៦៧ឆ្នាំ ត្រូវជាម្តាយ ទី៣-ឈ្មោះ សុវ៉ាត់ ចាន់សីហារ ភេទស្រី អាយុ១៤ឆ្នាំ ត្រូវជាកូន និងទី ៤-សុវ៉ាត់ ចាន់បរមី ភេទស្រី អាយុ៩ឆ្នាំ […]

ព័ត៌មានសន្តិសុខសង្គម

អាជ្ញាធរខណ្ឌជ្រោយចង្វាចុះបង្ក្រាបហាងយីហោ តា សេត លួចបេីកទទួលភ្ញៀវឱ្យចូលមកសេពគ្រឿងស្រវឹង ទាំងថ្ងៃនិងឃាត់មនុស្សប្រុសស្រីចំនួន២២នាក់!

August 5, 2021 adm

ភ្នំពេញ ៖ អាជ្ញាធរខណ្ឌជ្រោយចង្វាចុះបង្ក្រាបហាងយីហោ តា សេត លួចបេីកទទួលភ្ញៀវឱ្យចូលមកសេពគ្រឿងស្រវឹង ទាំងថ្ងៃនិងឃាត់មនុស្សប្រុសស្រីចំនួន២២នាក់ ។ ជំងឺកូវីដ-១៩ វាកាចសាហាវ បានឆក់ជីវិតមនុស្សដ៏ផុយស្រួយបំផុត ! ក្នុងមួយថ្ងៃៗឆ្លងស្ទើរមួយពាន់នាក់ , ស្លាប់ក្នុងមួយថ្ងៃៗរាប់សិបនាក់, ដូច្នេះប្រមុខរាជរដ្ឋាភិបាល, ថ្នាក់ដឹកនាំក្រសួងសុខាភិបាល, ក្រុមគ្រូពេទ្យ, អាជ្ញាធរនិងសមត្ថកិច្ច, ពិតជាហត់នឿយបំផុត ! រកតែពេលវេលាទទួលទានអាហារ, ដំណេកមិនបាន ដោយសារតែបំពេញតួនាទីភារកិច្ចជួយសង្គ្រោះដល់ប្រជាពលរដ្ឋខ្មែរ ឲ្យបានរួចផុតពីជំងឺដ៏កាចសាហាវមួយនេះ ។ ផ្ទុយទៅវិញនៅតែមានប្រភេទក្រុមមនុស្សបំពានច្បាប់ ប្រមូលផ្ដុំគ្នាផឹកស៊ីសប្បាយអត់គិតអំពីការឆ្លងរីករាលដាលជំងឺកូវីដ-១៩ នេះសោះ។ រដ្ឋបាលរាជធានីភ្នំពេញ ក៏បានចេញសេចក្តីជូនដំណឹង ស្តីពី ការហាមឃាត់ការបើកលក់គ្រឿងស្រវឹងក្នុងវិធានរដ្ឋបាល ម្ចាស់ហាងនៅតែផ្គើន មនុស្សខ្លះនៅតែឌឺ ទីបំផុត ! គណៈបញ្ជាការឯកភាពរដ្ឋបាលខណ្ឌជ្រោយចង្វាបានចុះបង្រ្កាបទីតាំងភោជនីយដ្ឋានមួយកន្លែង យីហោតា សេតលួចបេីកទទួលភ្ញៀវឱ្យចូលមកសេពគ្រឿងស្រវឹង ក្រោមការដឹកនាំបញ្ជាផ្ទាល់ពីលោកឃ្លាំង ហួតអភិបាលនៃគណៈអភិបាលខណ្ឌជ្រោយចង្វា នៅរសៀលថ្ងៃទី០៥ ខែសីហា ឆ្នាំ២០២១នេះ គណៈបញ្ជាការឯកភាពខណ្ឌ បានដឹកនាំកម្លាំងចម្រុះចុះបង្រ្កាបទីតាំងភោជនីយដ្ឋានមួយកន្លែង យីហោតា សេត ដែលលួចបេីកទទួលភ្ញៀវឱ្យចូលមកសេពគ្រឿងស្រវឹង គឺជាការអនុវត្តផ្ទុយទៅនឹងលិខិតលេខ២៤៩ /២១ សសរ ចុះថ្ងៃទី២៩ ខែកក្កដា […]

ព័ត៌មានសន្តិសុខសង្គម

មន្ត្រីជំនាញកម្ពុជារកឃើញម្សៅលាបខ្លួនទារកនិងកុមារ ១២ប្រភេទ ផ្ទុកសារធាតុគីមីដែលអាចបង្កជំងឺមហារីក

August 24, 2022 adm

(ភ្នំពេញ) ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៅថ្ងៃទី២៣ ខែសីហា នេះបានប្រកាស រកឃើញ ម្សៅលាបខ្លួនទារក និងកុមាដែលចរាចរនៅលើទីផ្សារកម្ពុជា ចំនួន១២ប្រភេទ មានផ្ទុកសារធាតុគីមី អាសបេស្តុស (Asbestos) ដែលបង្កគ្រោះថ្នាក់យ៉ាងខ្លាំង ចំពោះសុខភាពមនុស្ស ជាពិសេស គឺអាចបង្កឲ្យកើតជំងឺមហារីកដល់អ្នកប្រើប្រាស់ ។ អគ្គនាយកដ្ឋាន ក.ប.ប. នៃក្រសួងពាណិជ្ជកម្ម បានអោយដឹងថា ក្នុងគោលបំណងការពារសុខុមាលភាព និងផលប្រយោជន៍អ្នកប្រើប្រាស់ ពិសេសទារក និងកុមារ អគ្គនាយកដ្ឋាន ក.ប.ប. បានអនុវត្តការងារចុះយកសំណាកគំរូ និងធ្វើតេស្តវិភាគលើផលិតផលម្សៅលាបទារក និងកុមារ (Baby Talcum Powders) មួយចំនួនដើម្បីវិភាគរកសារធាតុអាសបេស្តុស (Asbestos) ដែលជាសារធាតុបង្កគ្រោះថ្នាក់ដល់សុខភាពអ្នកប្រើប្រាស់ ។ យោងលទ្ធផលវិភាគរបស់មន្ទីរពិសោធន៍ បានបង្ហាញឲ្យឃើញថា សំណាកគំរូផលិតផលម្សៅលាបទារក និងកុមារមួយចំនួន មានវត្តមានសារធាតុអាបេស្តុស (ដូចមានក្នុងតារាងឧបសម្ព័ន្ធ) ។ ដើម្បីការពារសុខភាពអ្នកប្រើប្រាស់ ជាពិសេសទារកនិងកុមារ អគ្គនាយកដ្ឋាន ក.ប.ប. សូមដាក់ចេញនូវវិធានការបណ្ដោះអាសន្នមួយចំនួន ដូចខាងក្រោម ៖ […]