ជិះម៉ូតូខ្វះការប្រុងប្រយ័ត្ន ជ្រុលទៅបុកម៉ូតូមួយគ្រឿងទៀតជិះបញ្ច្រាសទិសគ្នា បណ្ដាលឱ្យរងរបួសទាំងសងខាង

July 4, 2023 adm Comment(0)

ខេត្តព្រៃវែង៖ ស្ដ្រីម្នាក់ជិះម៉ូតូខ្វះការប្រុងប្រយ័ត្ន បូករួមទាំងស្ថានភាពមេឃកំពុងភ្លៀងធ្លាក់ខ្លាំង ពិបាកមើលផ្លូវ ក៏ជ្រុលទៅបុកម៉ូតូមួយគ្រឿងទៀតជិះបញ្ច្រាសទិសគ្នា បើកបរដោយលោកតាអាយុ ៧០ឆ្នាំ បណ្ដាលឱ្យរងរបួសទាំងសងខាង ត្រូវបានកម្លាំងនគរបាលខេត្តព្រៃវែង ចុះអន្តរាគមន៍ភ្លាមៗដល់កន្លែងកើតហេតុ និងបញ្ជូនទៅសង្គ្រោះនៅមន្ទីរពេទ្យ ។

ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១៧ និង ៣០នាទី ថ្ងៃទី០៣ ខែកក្កដា ឆ្នាំ២០២៣ ស្ថិតនៅចំណុចផ្លូវកៅស៊ូ ៣១២ ភូមិប្រថ្ម ឃុំជៃកំពក ស្រុកព្រះស្តេច ខេត្តព្រៃវែង ។

ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុ មានម៉ូតូម៉ាកស៊ុយស៊ីគីនិច ពណ៌ស ពាក់ស្លាកលេខ ភ្នំពេញ 1HT. 6739 បើក ដោយឈ្មោះ រ័ត្ន សោភា ភេទស្រី អាយុ ២៥ឆ្នាំ រស់នៅភូមិអំពិល ឃុំសេនារាជឧត្តម ស្រុកព្រះស្តេច ខេត្តព្រៃវែង បើកបរពីត្បូងទៅជើង លុះមកដល់ចំណុចកើតហេតុខាងលើ មានភ្លៀងធ្លាក់ខ្លាំងពិបាកមើលផ្លូវ បានជ្រុលទៅបុកម៉ូតូម៉ាកហុងដាឌ្រីមសង់ C125 ពណ៌ខ្មៅ ពាក់ផ្លាកលេខ ព្រៃវែង 1R 7.985 បើកដោយឈ្មោះ មុត សុផល ភេទប្រុស អាយុ ៧០ឆ្នាំ រស់នៅភូមិសំបួរ ឃុំបឹងដោល ស្រុកព្រះស្តេច ខេត្តព្រៃវែង បើបរកពីជើងទៅត្បូង បណ្តាលឱ្យដួលម៉ូតូរងរបួសទាំងសងខាង ។

បច្ចុប្បន្ន ជនរងគ្រោះ ត្រូវបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុកព្រះស្ដេច ។ រីឯវត្ថុតាងម៉ូតូទាំងពីរគ្រឿង យកមករក្សារទុកនៅប៉ុស្តិ៍នគរបាលរដ្ឋបាលជៃកំពក រង់ចាំដោះស្រាយបន្តតាមនីតិវិធី ៕

adm

ព័ត៌មានសន្តិសុខសង្គម

ក្រុមរថយន្តដឹកដីលើផ្លូវជាតិ មិនគ្របតាមលក្ខណៈបច្ចេកទេស នៅស្រុកបាធាយ អាជ្ញាធរមានសមត្ថកិច្ចមិនមានចំណាត់ការ

July 3, 2022July 3, 2022 adm

(ខេត្តកំពង់ចាម)៖ ក្រុមរថយន្តជាច្រើនគ្រឿងខ្លះមានស្លាកលេខ ខ្លះទៀតមិនមានស្លាកលេខ ដឹកដីមិនគ្រប់តាមលក្ខណៈបច្ចេកទេសពីរចំណុចខាងក្រោយ វត្តចុង ភូមិចុង ឃុំសំបូរ ស្រុក បាធាយ ខេត្តកំពង់ចាម យកទៅចាក់ ដីឡូមួយកន្លែង នៅចន្លោះស្ពាន២៦.២៥ ខាងលិចផ្លូវ ភូមិកំពង់ព្រះ ឃុំតាំងក្រាំង ស្រុកបាធាយ ខេត្តកំពង់ចាម បានយ៉ាងរំភើយ អាជ្ញាធរមានសមត្ថកិច្ចមិនមានចំណាត់ការ ។ បងប្អូនប្រជាពលរដ្ឋដែលធ្វើដំណើរលើដងផ្លូវចេញពីភ្នំពេញ ទៅ កំពង់ចាម តាមផ្លូវជាតិលេខ 6A នឹងតាមផ្លូវចេញពីព្រែកក្តាម បុក ទៅខេត្តកំពង់ចាម មានការរអ៊ូរទាំយ៉ាងខ្លាំង។ ម្យ៉ាងវិញបងប្អូនប្រជាពលរដ្ឋដែលលក់ដូរចំណីអាហារ ម្ហូបអាហារ ហាងបាយ ហាងកាហ្វេ នៅជុំវិញរង្វង់មូលថ្នល់កែង មានការ រអ៊ូ រទាំ យ៉ាងខ្លាំង ចំពោះក្រុមរថយន្តដឹកដីទាំងអស់នេះ សំណួរសួរថា តើអាជ្ញាធរមានសមត្ថកិច្ច ទាំងអស់នៅក្នុងស្រុកបាធាយ កំពុងធ្វើអ្វី?ហេតុអ្វី មិនដាក់កម្លាំងចុះត្រួតពិនិត្យ ឃាត់រថយន្តទាំងអស់នោះ យកមកអប់រំណែនាំ អំពីបញ្ហាការបើកបរលើដងផ្លូវ ដឹកដីពេញរថយន្តមិនគ្របឲ្យបានត្រឹមត្រូវ ហើយ រថយន្តខ្លះ មានស្លាកលេខ រថយន្ត ខ្លះក៏គ្មានស្លាកលេខ។ ពាក់ព័ន្ធនឹងករណីខាងលើនេះអង្គភាពយើងមិនអាចសុំការបំភ្លឺពីលោកផេន […]

ព័ត៌មានសន្តិសុខសង្គម

តា និងយាយទៅចំការ ចៅកាន់ដែកកេះដុតសំរាម បង្កជាអគ្គីភ័យលេបត្របាក់ផ្ទះអស់ពីខ្នងទាំងស្រុង នៅស្រុកគូលែន ខេត្តព្រះវិហារ

January 29, 2022 adm

(ខេត្ដព្រះវិហារ)៖ ផ្ទះឈើពីខ្នងទំហំ ទទឹង ៨×៩ម៉ែត្រ ដំបូលប្រក់ក្បឿង ជញ្ជាំងបាំងក្តាម រួមនឹងឈើគ្រឿងសម្រាប់ធ្វើផ្ទះរបស់កូន ដែលរៀបគរនៅខាងក្រោម មិនទាន់បានលើក ត្រូវបានអគ្គិភ័យលេបត្របាក់អស់ទាំងស្រុង បើទោះបីជាមានការជួយអន្តរាគមន៍ពីសំណាក់កងកម្លាំងមានសមត្ថកិច្ច អាជ្ញាធរមូលដ្ឋាន និងបងប្អូនប្រជាពលរដ្ឋក្តី។ ហេតុការណ៍នេះបានកើតឡើងកាលពីវេលាម៉ោងប្រមាណជាង៣ រសៀលថ្ងៃទី ២៨ ខែមករា ឆ្នាំ២០២២ ស្ថិតនៅក្នុងភូមិស្រយ៉ង់ត្បូង ឃុំស្រយ៉ង់ ស្រុកគូលែន ខេត្តព្រះវិហារ។ តែសំណាងល្អមិនបណ្តាលឲ្យមានមនុស្សណាម្នាក់ រងគ្រោះថ្នាក់ នៅក្នុងករណីនេះនោះឡើយ។ យោងតាមសេចក្តីរាយការណ៍ ដែលភ្នាក់ងារយើងទទួលបានពីសមត្ថកិច្ច បានឲ្យដឹងថា៖ ចំពោះករណីនេះ គឺបណ្ដាលមកពីក្មេង ត្រូវជាចៅ កាន់ដែកកេះដុតសំរាមលេងខាងក្រោយផ្ទះ ទើបបណ្តាលឲ្យកើតមានអគ្គិភ័យឡើង។ ស្របជាមួយនឹងពួកគាត់ចេញទៅចំការបាត់ បន្សល់ទុកចៅនៅជាមួយម្តាយ ដែលកំពុងកូនខ្ចីនៅចាំផ្ទះ។ ក្រោយកើតហេតុ គេក៏សង្កេតឃើញមានវត្តមាន កងកម្លាំងមានសមត្ថកិច្ច អាជ្ញាធរមូលដ្ឋាន រួមនឹងបងប្អូនប្រជាពលរដ្ឋជាច្រើន បានចេញមកជួយអន្តរាគមន៍ពន្លត់ដែរ។ ប៉ុន្តែមិនអាចជួយសង្គ្រោះបាន ដោយសារការឆេះខាងលើនេះមានល្បឿនលឿន។ ចំពោះហេតុការណ៍អគ្គីភ័យនេះដែរ សមត្ថកិច្ចបានប្រើប្រាស់ ទឹកអស់ចំនួន ៥រថយន្ត ស្មើនឹង២៥០០០លីត្រ ទើបធ្វើឲ្យភ្លើងរលត់ទាំងស្រុង នៅម៉ោងប្រមាណជាង៤។ ចំពោះទ្រព្យសម្បត្តិដែលរងការខូចខាតរួមមាន៖ ប្រាក់ដុល្លារ ចំនួន ១ម៉ឺនដុល្លារ, […]