មនុស្ស៤នាក់រងរបួសធ្ងន់ ស្រាលក្នុងករណីគ្រោះថ្នាក់ចរាចរណ៍រវាងរថយន្តនិងម៉ូតូ

December 19, 2022 adm Comment(0)

ខេត្តបន្ទាយមានជ័យ៖ យ៉ាងហោចណាស់មានមនុស្ស៤នាក់រងរបួសធ្ងន់ ស្រាលក្នុងករណីគ្រោះថ្នាក់ចរាចរណ៍រវាងរថយន្ត ម៉ាកលុចស៊ីសRX300 ពណ៍ស ព្រលះម៉ូតូ០២គ្រឿង នៅវេលាម៉ោង០៦និង៣០នាទីយប់ថ្ងៃទី១៨ ខែធ្នូ ឆ្នាំ ២០២២ ចន្លោះ បង្គោលគីឡូម៉ែត្រលេខ ៣៧៨-៣៧៩ ផ្លូវជាតិលេខ៥ ខាងកើតសាលាស្រុកអូរជ្រៅចម្ងាយប្រហែល៧០០ ម៉ែត្រស្ថិតនៅភូមិកូបលិច ឃុំកូប ស្រុកអូរជ្រៅ ខេត្តបន្ទាយមានជ័យ ។នគរបាលស្រុកអូរជ្រៅបានឲ្យដឹងថា៖មុនដំបូងមានរថយន្តមួយគ្រឿង ម៉ាកលុចស៊ីសRX300 ពណ៍ស ពាក់ ស្លាកលេខប.មានជ័យ 2A-9869 បើកបរដោយឈ្មោះ កន ណារ៉ុង ភេទប្រុស អាយុ៥៨ឆ្នាំ (របួសស្រាល)មានលំនៅភូមិស្រមោច ឃុំព្រះនេត្រព្រះ ស្រុកព្រះនេត្រព្រះ ខេត្ដបន្ទាយមានជ័យ បានបើកបរក្នុងទិសដៅពីទិសលិចទៅទិសកើត លុះមកដល់ចំណុចកើតហេតុ ក៏បានរេចង្កូតទៅបុកម៉ូតូចំនួន០២គ្រឿងបើកបរច្រាសទិសគ្នា ក្នុងនោះទី១-ម៉ូតូ ម៉ាកហុងដាទ្រីម ពណ៍ខ្មៅ ឆ្នាំផលិត២០១០ ពាក់ស្លាកលេខ ប.មានជ័យ 1D-0615 បើកបរដោយឈ្មោះ រ៉ាប់ សុផល ភេទប្រុស អាយុ៣២ឆ្នាំ មានលំនៅភូមិគោកស្វាយ ឃុំរហាត់ទឹក ស្រុកមង្គលបូរី ខេត្ដបន្ទាយមានជ័យ បានបើកបរក្នុងទិសដៅពីទិសកើតទៅទិសលិច (របួសស្រាល)។
២-ម៉ូតូ ម៉ាក ម៉ាកហុងដាទ្រីម ពណ៍ខ្មៅ ឆ្នាំផលិត២០១៧ ពាក់ស្លាកលេខកំពង់ស្ពឺ 1H-8208 បើកបរដោយឈ្មោះយី សុខ ភេទស្រី អាយុ២២ឆ្នាំ មានលំនៅភូមិបាណយ សង្កាត់ទឹកថ្លា ក្រុងសិរីសោភ័ណ ខេត្ដបន្ទាយមានជ័យ (របួសធ្ងន់) និងអ្នករួមដំណើរឈ្មោះ ម៉េង ណាវ៉ាន់ ភេទស្រី អាយុ២០ឆ្នាំ មានលំនៅភូមិបាណយ សង្កាត់ទឹកថ្លា ក្រុងសិរីសោភ័ណ ខេត្ដបន្ទាយមានជ័យ(របួសធ្ងន់) បានបើកបរក្នុងទិសដៅពីទិសកើតទៅទិសលិច បណ្តាលអោយមានគ្រោះថ្នាក់កើតឡើងតែម្តង។

នគរបាលបានបញ្ជាក់ថា៖មូលហេតុ បង្កអោយមានគ្រោះថ្នាក់គឺមកពីអ្នកបើកបររថយន្តម៉ាក លុចស៊ីសRX300 ពណ៍ស ពាក់ស្លាកលេខ ប.មានជ័យ 2A-9869 បើកបរក្នុងល្បឿងលឿនខ្វះការប្រុងប្រយ័ត្ន.បានវេចង្កូតចូលទៅបុកម៉ូតូដែលបើកបរបញ្ច្រាស់ទិសគ្នា។

បច្ចុប្បន្ន អ្នករងរបួសបានបញ្ជូលទៅមន្ទីរពេទ្យបង្អែកស្រុកអូរជ្រៅ។រថយន្ត និងម៉ូតូសមត្ថកិច្ចជំនាញនាំយកមករក្សាទុកនៅអធិការដ្ឋាននគរបាលស្រុកអូរជ្រៅ រងចាំធ្វើការដោះស្រាយនៅពេលក្រោយ ៕

adm

ព័ត៌មានរាយការណ៍ ព័ត៌មានសន្តិសុខសង្គម

បែកធ្លាយថា៖ គ្លីនិក ចិន ពិសិដ្ឋ នៅស្រុកបាភ្នំ ព្យាបាលកុមារាម្នាក់ វ៉ៃថ្នាំបង្ខំរហូតខូចថ្លើម ហើយបានស្លាប់ ពេលកំពុងជួយសង្គ្រោះនៅភ្នំពេញ!

December 28, 2022 adm

(ខេត្តព្រៃវែង)៖ កុមារាម្នាក់ បានស្លាប់គួរឱ្យសោកស្ដាយបំផុត! បង្កភាពសោកសៅដល់ក្រុមគ្រួសារ បន្ទាប់ពីចូលព្យាបាលជំងឺ នៅបន្ទប់ពិគ្រោះជំងឺ”ចិន ពិសិដ្ឋ”ស្ថិតនៅភូមិឈើត្រែង ឃុំរក្សជ័យ ស្រុកបាភ្នំ ខេត្តព្រៃវែង។ រួចបញ្ជូនបន្តទៅសង្គ្រោះ នៅមន្ទីរពេទ្យគន្ធបុប្ផាភ្នំពេញ បែរជាល្បីថាៈ ខូចថ្លើមអស់ និងបានស្លាប់នៅទីនោះ សង្ស័យមកពីគ្រូពេទ្យនៅគ្លីនិក”ចិន ពិសិដ្ឋ”វ៉ៃថ្នាំបង្ខំ.?។ ប្រភពបានឱ្យដឹងថាៈ កុមារារងគ្រោះឈ្មោះ មាស វីរៈសេម អាយុ១ឆ្នាំ នៅភូមិឈើត្រែង ឃុំរក្សជ័យ ស្រុកបាភ្នំ ខេត្តព្រៃវែង ឪពុកឈ្មោះ ទូច មាស ម្ដាយឈ្មោះ ឌួង ដារ៉ាវី ។ កុមារា មាស វីរៈសេម បានស្លាប់ កាលពីរសៀលថ្ងៃទី២២.១២.២០២២ ពេលកំពុងជួយសង្គ្រោះ នៅមន្ទីរពេទ្យគន្ធបុប្ផាភ្នំពេញ ក្រុមគ្រួសារសន្និដ្ឋានថាៈ ពេទ្យដើមវ៉ៃថ្នាំបង្ខំ និងគ្រុនឈាម។ សេចក្ដីរាយការណ៍បឋម បានឱ្យ«សារព័ត៌មាន»ដឹងថាៈ នៅមុនពេលស្លាប់ កុមារាមាស វីរៈសេម មានសុខភាពរឹងមាំធម្មតា ពោលគឺមិនមានជំងឺអ្វីធ្ងន់ធ្ងរឡើយ ។ ដោយគ្រាន់តែមានអាការៈគ្រុនក្ដៅប៉ុណ្ណោះ ហើយយាយរបស់ជនរងគ្រោះ បាននាំទៅពិគ្រោះជំងឺ នៅបន្ទប់ពិគ្រោះជំងឺ”ចិន […]

ព័ត៌មានសន្តិសុខសង្គម

អ្នកបើកបររថយន្ត កុងតឺន័រម្នាក់ ត្រូវ ទូកុងទីន័រ គាបបែកក្បាលស្លាប់ភ្លាមៗ

January 24, 2022 adm

(ខេត្តស្វាយរៀង) ៖ បុរសម្នាក់ ជាអ្នកបើកបររថយន្ត កុងតឺន័រ ត្រូវទូកុងតឺន័រគាបបែកក្បាលស្លាប់ភ្លាមៗ ខណៈចូលទៅរុញទូកុងតឺន័រដែលស្ទូចលើកដាក់លើរថយន្តមិនដឹងយ៉ាងម៉ិចស្រាប់តែទូកុងតឺន័រយោលមកគាបជាប់ចំក្បាលបែកក្បាលស្លាប់ភ្លាមៗនៅហ្និងកន្លែងតែម្តង។ បើតាមអ្នកឃើញហេតុការបានឲ្យដឹងថា ករណីនេះបានកើតឡើងកាលពីវេលាម៉ោង៨និង១០នាទីយប់ថ្ងៃទី២២មករា២០២១នៅក្នុងទីធ្លាច្រកទ្វាព្រំដែនអន្តរជាតិព្រៃវ័ល្លិ៍ ស្ថិតនៅភូមិព្រៃវ័ល្លិ៍ឃុំថ្មីស្រុកកំពង់រោទ៌ ខេត្ដស្វាយរៀង។ ប្រភពបន្តទៀតថា មុនពេលកើតហេតុ គេឃើញជនរងគ្រោះ ឈ្មោះ ចូច បើករថយន្តម៉ាកហ្វុយសូ(FUSO) ពាក់ស្លាកលេខកំពង់ធំ 3A -1421 ពណ៌ស សណ្តោងរ៉ឺម៉ក ទៅកន្លែងកើតហេតុ ដើម្បីដឹកទ្រុងកុងតឺន័រ បន្ទាប់មកមានរថយន្តស្ទូច១គ្រឿងរបស់ក្រុមហ៊ុនតេងឡាយបានស្ទូចទូកុងតឺន័រដាក់លើរថយន្ត ខណៈនោះជនរងគ្រោះឃើញដាក់មិនចំ ចូលគន្លឹះរ៉ឺម៉កក៏ចុះទៅរុញទូកុងតឺន័រដើម្បីឲ្យចំគន្លឹះស្រាប់តែទូកុងតឺន័រយោលបោកទៅលើជនរងគ្រោះបណ្តាលឲ្យគាបជាប់ក្បាលបណ្តាលឲ្យបែកក្បាលខ្ទេចមួយចំហៀងស្លាប់ភ្លាមៗតែម្តង។ បន្ទាប់មកអ្នកបើករថយន្តស្ទូចក៏រត់គេចខ្លួនបាត់ភ្លាមៗដែរ។ ប្រភពបន្តទៀតថា រហូតដល់ព្រឹកថ្ងៃទី២៣ ខែមករា ឆ្នាំ២០២២ ទើបឃើញសមត្ថកិច្ចនៃអធិការដ្ឋាននគបាលស្រុកកំពង់រោទ៌ ចុះទៅកន្លែងកើតហេតុ ហើយដល់ម៉ោង៨និង៣០នាទីព្រឹក ទើបឃើញសមត្ថកិច្ចការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគបាលខេត្តដឹកនាំដោយព្រះរាជអាជ្ញារង អមសាលាដំបូងខេត្ត ចុះទៅពិនិត្យធ្វើកោសល្យវិច្ច័យ បន្ទាប់មកក៏បានប្រគល់សពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើតឯខេត្តកំពត។ ទាក់ទិនករណីនេះដែរមិនអាចសុំការបំភ្លឺពីសមត្ថកិច្ចបានទេ ដូចជាមានការលាក់បាំងដោយសមត្ថកិច្ចដេញដោលដាក់គ្នា ហើយឲ្យសួរទៅក្រុមហ៊ុនផែស្ងួតតេងឡាយវិញ។ ចំពោះករណីនេះ ដែរតំណាងក្រុមហ៊ុន តេងឡាយ ដែលមានទូរសព្ទ័លេខ ០១២ ៨៩០ ៥៣៨ បានឲ្យទាក់ទងទៅលេខទូរសព្ទ័លេខ០១២ ៦១៥ ៦៦៦ ប្រចាំការនៅច្រកទ្វាព្រំដែនអន្តរជាតិ ព្រៃវល្លិ៍បែជាសួរវិញថា បានលេខទូរសព្ទ័ […]