រថយន្តដឹកឈើប្រណិតដុះស្លែមួយគ្រឿងត្រូវសមត្ថកិច្ចបង្ក្រាបបាន

September 6, 2022 adm Comment(0)

(ខេត្ដកំពង់ធំ)៖ កាលពី ថ្ងៃទី០៥ ខែកញ្ញា ឆ្នាំ២០២២ សមត្ថកិច្ចបង្ក្រាបរថយន្តដឹកឈើប្រណិតមួយគ្រឿង បន្ទាប់ពីបានធ្វើការស្រាវជ្រាវជាច្រើនថ្ងៃមករហូតឈានការចាប់ឃាត់រថយន្តខាងលើនេះបាន ។

ប្រតិបត្តិការណ៍បង្ក្រាបរថយន្តដឹកឈើប្រណិតនេះ ធ្វេីឡេីងនៅក្នុងភូមិរូង ឃុំទំពាំងឬស្សី ស្រុកកំពង់ស្វាយ ខេត្តកំពង់ធំ ។

រថយន្តដឹកឈើលេខ១ដែលសមត្ថកិច្ចឃាត់ចាប់ខាងលេីនេះម៉ាក Toyota Syna ស៊េរីឆ្នាំ ២០០៤ ពណ៌ស ពាក់ស្លាកលេខ ភ្នំពេញ 2AM-4594 បានកែច្នៃរថយន្តដឹកឈើអារជ្រុងប្រភេទលេខ១(សុក្រម) មានចំនួន ២០ដុំ។

ការដឹកជញ្ជូនឈើលេខ១នេះ យោងតាមច្បាប់រដ្ឋបាលព្រៃឈើ យោងតាមច្បាប់រដ្ឋបាលព្រៃ ក្នុងមាត្រា ៩៦-ត្រូវទទួលពិន័យអន្តរការណ៍ពីរដ្ឋបាលព្រៃឈើជាប្រាក់ចំនួនពីពីរ (២) ទៅ បី(៣) ផង នៃតម្លៃវត្ថុតាងពិតប្រាកដនៃទីផ្សារ ចំពោះជនណាដែលបានប្រព្រឹត្តបទល្មើសណាមួយ។

សមត្ថកិច្ចជំនាញបានបង្ហើបថា ម្ចាស់រថយន្តនេះបានធ្វើសកម្មភាពដឹកជញ្ជូនឈើជាច្រើនដងជាច្រើនសារ(ដុះស្លែរ) ហើយជនល្មើសនេះមានរហ័សនាមថាជើងខ្លាំង សណ្តាន់ សៀមរាប ចំណែកអត្តសញ្ញាណជនល្មើសពុំទាន់ដឹងនៅឡើយ។ ខណះពេលសមត្ថកិច្ចជំនាញបានបង្ក្រាបជនល្មើសរត់គេចខ្លួនតែម្តង ។

ក្រោយឃាត់បានរថយន្ត និងវត្ថុតាងជាឈើប្រភេទលេខ១(សុក្រម) បានយករក្សាទុកនៅអធិការដ្ឋានរដ្ឋបាលព្រៃឈើខាងជើងបឹងទន្លេសាប រង់ចាំម្ចាស់ចូលខ្លួនដោះស្រាយតាមនីតិវិធីច្បាប់ ៕

adm

ព័ត៌មានសន្តិសុខសង្គម

នារីវ័យក្មេង២នាក់បងប្អូន ស្លាប់បន្តបន្ទាប់ ក្នុងមន្ទីពេទ្យសង្ស័យពុលស្រា

June 29, 2021 adm

(ភ្នំពេញ )៖ នារីវ័យក្មេង២នាក់បងប្អូនបង្កើត បានបាត់បង់ជីវិត ជាបន្តបន្ទាប់ សង្ស័យពុលស្រា បង្កការភ្ញាក់ផ្អើលដល់សមត្ថកិច្ចកាលពីវេលាម៉ោង៣ និង១៥នាទីទៀបភ្លឺ ថ្ងៃទី២៨ ខែមិថុនាឆ្នាំ២០២១ស្ថិតនៅលំនៅដ្ឋានគ្រួសារសព ភូមិសំរោង សង្កាត់ឃ្មួញខណ្ឌសែនសុខរាជធានីភ្នំពេញ ។ នារីរងគ្រោះដែលស្លាប់មានឈ្មោះទី១ ឈ្មោះ អ៊ុយ ស្រីម៉ៅ អាយុ២១ឆ្នាំ និងទី២ ឈ្មោះ អ៊ុយ ស្រីដា អាយុ១៩ឆ្នាំ នាក់ទាំង២ ជាបងប្អូនបង្កើតនឹងគ្នា ស្នាក់នៅ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ អ្នកទាំង២បម្រើការងារ នៅភោជនីយដ្ឋាន អ័រគីដេ សង្កាត់ព្រែកភ្នៅខណ្ឌព្រែកភ្នៅ រាជធានីភ្នំពេញ ។ តាមការបំភ្លឺរបស់ម្ដាយនារីរងគ្រោះទាំង២ បានបំភ្លឺជូនសមត្ថកិច្ចថា វេលាម៉ោង១២ថ្ងៃត្រង់ថ្ងៃទី២៧ ខែមិថុនា ឆ្នាំ២០២១ អ៊ុយ ស្រីម៉ៅបានជិះម៉ូតូទៅបំពេញការងារ នៅភោជនីដ្ឋាន អ័រគីដេសង្កាត់ព្រែកភ្នៅ លុះម៉ោង៤ល្ងាច ក៏បានត្រឡប់មកវិញ ប្រាប់ថាអស់កម្លាំងមិនស្រួលក្នុងខ្លួនសោះ ដោយក្អួតរហូត ទើបបងប្រុសបញ្ជូន ទៅកាន់មន្ទីរពេទ្យនានា ដើម្បីព្យាបាល ។ដោយឡែកប្រភពមួយប្រាប់ថា មាននារី៤នាក់ ឯណោះដែលបានពុលស្រា […]

ព័ត៌មានរាយការណ៍ ព័ត៌មានសន្តិសុខសង្គម

ពលរដ្ឋកំពុងចាំមើល !..ទីបំផុតលោក «លឿង រដ្ឋា» អធិការស្រុកអូររាំងឪ ត្រូវបានដកបញ្ឈរជើងហើយ.និងដាក់លោកអធិការរងស្ដីទីម្នាក់ មកជំនួសវិញ!

August 23, 2021 adm

ខេត្តត្បូងឃ្មុំ. ក្រោយផ្ទុះរឿងអាស្រូវពេញបណ្ដាញសង្គមហ្វេសប៊ុករឿងបង់លុយចំនួន៧០ម៉ឺនរៀលក្នុង១ខែ ជាថ្នូរនិងមិនចូលធ្វើការ ឥឡូវលោក លឿង រដ្ឋា អធិការស្រុកអូររាំងឪ ត្រូវបានលោកឧត្តមសេនីយ៍ត្រី ម៉ុន មាគ៌ា ស្នងការខេត្តត្បូងឃ្មុំ សម្រេចផ្អាកការងារជាបណ្ដោះអាសន្នហើយ ដោយតម្រូវឱ្យលោក ជាតិ ម៉េងឡាយ អធិការរងស្រុកអូររាំងឪ ជាអធិការស្ដីទី ជំនួស រហូតដល់មានការសម្រេចថ្មី!។ នេះបើយោងតាមលិខិតបង្គាប់ការ របស់ស្នងការដ្ឋាននគរបាលខេត្តត្បូងឃ្មុំ ដែលធ្វើឡើង កាលពីថ្ងៃទី២២.០៨.២០២១ ការផ្ទេរភារៈកិច្ចលោក លឿង រដ្ឋា ពីអធិការនគរបាលស្រុកអូររាំងឪ យ៉ាងឆាប់រហ័សបែបនេះ។បន្ទាប់ពីមន្ត្រីថ្នាក់ក្រោម បានរិៈគន់ហែកហួរ តាមបណ្ដាញសង្គមហ្វេសប៊ុកឡើងកក្រើក ចំពោះការយកលុយចំនួន៧០ម៉ឺនរៀលក្នុង១ខែ ជាថ្នូរនិងមិនចូលធ្វើការ ដើម្បីយកពេលទៅរកស៊ីក្រៅ។ ដើមហេតុមកពី បុគ្គលដែលពុំសូវចូលធ្វើការនោះ ត្រូវបានលោកស្នងខេត្តត្បូងឃ្មុំ ផ្ទេរភារៈកិច្ចទៅខេត្ត។បណ្ដាលឱ្យរូបគាត់ ខឹងសម្បារជាខ្លាំង រហូតបញ្ចេញប្រតិកម្ម ថា៖ ខ្លួនបង់លុយឱ្យ៧០ម៉ឺនរៀលរាល់ខែ ហេតុអីរាយការណ៍ទៅថ្នាក់លើ ថារូបគាត់មិនចូលធ្វើការ…? មូលហេតុទាំងនេះហើយ បង្កជាបញ្ហារហូតឈានដល់ផ្ទេរភារៈកិច្ចលោក លឿង រដ្ឋា ពីអធិការនគរបាលស្រុកអូររាំងឪ តែម្ដងទៅ៕ ដោយលោក៖ សុវណ្ណរាជ

ព័ត៌មានសន្តិសុខសង្គម

អង្គភាពសារព័ត៌មានម្ចាស់ទន្លេមេគង្គ ចេញសេចក្តីថ្លែងការណ៍ថ្កោលទោសយ៉ាងដាច់អហង្ការ ចំពោះជនក្បត់ជាតិ៣ជំនាន់ សម រង្ស៉ី ដែលបន្តប្រមាថយ៉ាងធ្ងន់ធ្ងរបំផុតលើព្រះចេស្តា ព្រះមហាក្សត្រខ្មែរ

October 29, 2022 adm

(ខេត្ដព្រៃវែង)៖ អង្គភាពសារព័ត៌មានម្ចាស់ទន្លេមេគង្គ សូមថ្កោលទោសយ៉ាងដាច់អហង្ការចំពោះ ជនក្បត់ជាតិ៣ជំនាន់ សម រង្ស៉ី ដែលបន្តប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដែលជាទីគោរពដ៏ខ្ពង់ខ្ពស់បំផុតរបស់រាស្រ្តខ្មែរទូទាំងនគរ ដោយជនក្បត់ជាតិ សម រង្ស៉ី ចោទប្រកាន់ថា «ព្រះមហាក្សត្រជាជនក្បត់ជាតិ»។ ជនក្បត់ជាតិតជំនាន់រូបនេះបានហៅព្រះនាមព្រះមហាក្សត្រជាទីគោរពសក្ការៈ ចំៗឈ្មោះយ៉ាងដាច់សាច់ និងបាននិយាយពេញៗមាត់ថា «ស្តេចស្រុកខ្មែរគ្មានមនសិការជាតិសូម្បីតែបន្តិច, បន្ទាប់ពី ហ៊ុន សែន ស្តេចស្រុកខ្មែរក្បត់ជាតិ»។ ទណ្ឌិតក្បត់ជាតិរូបនេះថែមទាំងបាន ចោទប្រកាន់ព្រះមហាក្សត្រថាជាជនក្បត់ជាតិ។ ក្នុងនាមប្រជាពលរដ្ឋខ្មែរ យើងខ្ញុំពិតជាមិនអាចទទួលយកបានជាដាច់ខាត ចំពោះការប្រមាថម្តងហើយម្តងទៀតរបស់ជនក្បត់ជាតិ រូបនេះទៅលើព្រះមហាក្សត្រ។ យើងខ្ញុំទាំងអស់គ្នាសូមថ្កោលទោសយ៉ាងដាច់អហង្កការជាទីបំផុតចំពោះជនក្បត់ជាតិ ៣ ជំនាន់ សម រង្ស៊ី ដែលថ្លើមពាសមេឃ ហ៊ានប្រមាថដល់អង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុតនៃប្រជាជាតិខ្មែរ។ ការប្រមាថដោយចោទប្រកាន់ អង្គព្រះមហាក្សត្រនៃព្រះរាជាណាចក្រកម្ពុជាដែលជាព្រះប្រមុខរដ្ឋ និងជារដ្ឋបុរសស្នេហាជាតិ ដ៏ខ្ពង់ខ្ពស់បំផុតរបស់ប្រជាជាតិខ្មែរថា ក្បត់ជាតិគឺជាការប្រមាថដ៏ធ្ងន់ធ្ងរជាទីបំផុតដែលមិនអាចអត់អោនឱ្យបានជាដាច់ខាត។ យើងខ្ញុំទាំងអស់គ្នាសូមអំពាវនាវឱ្យអាជ្ញាធរមានសមត្ថកិច្ចចាត់វិធានការ ច្បាប់ឱ្យបានម៉ឺងម៉ាត់ជាទីបំផុតទៅលើជនក្បត់ជាតិ៣ជំនាន់និង រត់ចោលស្រុករូបនេះ ព្រមទាំងបក្សពួកដែល បានចូលរួមចំណែកគាំទ្រចំពោះការប្រមាថអង្គព្រះមហាក្សត្រដោយមិនអាចលើក លែងបានឡើយ។ យើងខ្ញុំជាប្រជារាស្រ្តខ្មែរ សូមប្រកាសជាឱឡារិក គាំទ្រ គោរព និងដង្ហែតាមអង្គព្រះមហាក្សត្រនៃព្រះរាជាណាចក្រកម្ពុជាជានិច្ចពីព្រោះព្រះអង្គ […]