(ខេត្តស្វាយរៀង)៖ មានករណីខ្សែភ្លើងឆក់បុរសជាជាងដែកម្នាក់បានបាត់បង់ជីវិតក្រោយពីបញ្ជូនទៅសង្គ្រោះនៅឯមន្ទីរពេទ្យ ។
ហេតុការណ៏នេះបានកើតឡើងកាលពីវេលាម៉ោង១៥និង១០នាទីរសៀល ថ្ងៃទី០៧ខែសីហាឆ្នាំ២០២២នៅភូមិស្កា ឃុំស្វាយយា ស្រុកស្វាយជ្រំ ខេត្តស្វាយរៀង។
សមត្ថកិច្ចបានឲ្យដឹងថាបុរសដែលស្លាប់មាន ឈ្មោះសំរិត សុផល អាយុ៤១ឆ្នាំ មុខរបរជាងផ្សារដែក រស់នៅភូមិមហាសួន ឃុំស្វាយយា ស្រុកស្វាយជ្រំ ។
ប្រភពពីកន្លែងកើតហេតុបានអោយដឹងថា នៅមុនកើតហេតុបុរសឈ្មោះសំរិត សុផល បានមកផ្សារដែកដូចសព្វដងនៅផ្ទះអ្នកភូមិខណៈកំពុងបាញ់វីសជញ្ជាំងសំយ៉ាប តទៅមុខដោយមានការធ្វេសប្រហេសភ្លាត់ស្នៀតកប៉ះខ្សែភ្លើងបណ្ដាលឲ្យឆក់ស្លាប់ ។
ក្រោយកើតហេតុសមត្ថកិច្ចជំនាញទៅដល់និងពិនិត្យសពពិតជាស្លាប់ដោយឆក់ខ្សែភ្លើងដោយជនរងគ្រោះខ្វះការប្រុងប្រយ័ត្នពេលឡើងបាញ់វីសជញ្ជាំងនិងផ្សារផ្លានដំបូល។
ក្រោយពីពិនិត្យសាកសពរួចសមត្ថកិច្ចបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕
