(ភ្នំពេញ)៖ពលករខ្មែរបានបញ្ជាក់ឱ្យដឹងនៅថ្ងៃទី២២ខែកក្កដានេះថា ពលករខ្មែរម្នាក់ ត្រូវមេការជនជាតិថៃទាញកាំបិតចាក់សម្លាប់ក្នុងថ្លុកឈាមភ្លាមក្រោយឈ្លោះប្រកែកគ្នាក្នុងវង់ផឹកស៊ី។ ករណីឃាតកម្មនេះបានកើតឡើងនៅខេត្តឈុនបូរីប្រទេសថៃកាលពីនៅវេលាម៉ោងជិត១២ យប់ថ្ងៃទី២០ ខែកក្កដា ឆ្នាំ២០២១នៅម្តុំការដ្ឋានសាងសង់មួយកន្លែងក្បែរផ្លូវណាត់និគម ក្នុងភូមិ១ ឃុំណា រ៉ឺតស្រុកណាត់និគម ខេត្តឈុនបុរី ប្រទេសថៃ ។ ជនរងគ្រោះជាខ្មែរឈ្មោះវិន អាយុ ៥៣ឆ្នាំ បានផឹកស៊ីជុំគ្នាជាច្រើននាក់ និងមេការ ថៃ ឈ្មោះប្រាក់ ផៃ អាយុ៤៥ឆ្នាំ ។បច្ចុប្បន្នសាកសពជនរងគ្រោះដែលមានស្នាមចាក់ចំដើមទ្រូងឆ្វេងមួយកាំបិតនិងស្នាមឆូតលើផ្ទៃមុខមួយកាំបិតត្រូវសមត្ថកិច្ចថៃយកទៅរក្សាទុក រង់ចាំសាច់ញាតិមកទទួល ៕
(ខេត្តស្វាយរៀង)៖ បុរសជនជាតិចិនម្នាក់បើករថយន្តឡង់គ្រីស័រ ប្រើប្រាស់ល្បឿនលឿនខ្វះការប្រុងប្រយ័ត្ន បានរេចង្កូតទៅបុករបងថ្មផ្ទះប្រជាពលរដ្ឋយ៉ាងពេញទំហឹងបង្កការភ្ញាក់ផ្អើលដល់អ្នកភូមិទាំងថ្ងៃត្រង់បណ្ដាលឲ្យរថយន្តរងការខូចខាតយ៉ាងដំណំ តែសំណាងដែរដែលមិនមានមនុស្សរងគ្រោះថ្នាក់។ ហេតុការណ៍នេះបានកើតឡើងនៅវេលាម៉ោងប្រមាណ១១និង១០នាទីថ្ងៃទី២៥ខែតុលាឆ្នាំ២០២២ស្ថិតក្នុងភូមិកោះក្បានខាងជើង ឃុំសំរោង ស្រុកចន្ទ្រា ខេត្ដស្វាយរៀង។ ប្រភពពីកន្លែងកើតហេតុបានឲ្យដឹងថានៅ មុនកើតហេតុគេឃើញបុរសជនជាតិចិនម្នាក់បើករថយន្តមួយគ្រឿងម៉ាកឡង់គ្រីស័រ ពណ៌ស ពាក់ស្លាកលេខភ្នំពេញ2BD-0003 ដោយធ្វើដំណើរពីកើតទៅលិចប្រើប្រាស់ល្បឿនលឿនខ្វះប្រុងប្រយត្ន័ធ្វើឱ្យរេចង្កូតមកខាងស្ដាំដៃបុករបងថ្មផ្ទះប្រជាពលរដ្ឋយ៉ាងពេញទំហឹងលាន់សូរដូចរន្ទះបង្កការភ្ញាក់ផ្អើលតែម្ដង។ ក្រោយកើតហេតុគេឃើញបុរសជនជាតិចិននោះបើកទ្វារចេញពីក្នុងរថយន្តទាំងអាការទ្រេតទ្រោត ប៉ុន្តែមិនមានគ្រោះថ្នាក់អីនោះទេ តែរថយន្តរងការខូចខាតខ្ទេចទាំងស្រុង។ បន្ទាប់មកសមត្ថកិច្ចចរាចរណ៍ស្រុកបានមកដល់និងបានឃាត់ខ្លួនជនជាតិចិនយកទៅសាកសួរនៅអធិការដ្ឋាននគរបាលស្រុកចន្ទ្រាដើម្បីរង់ចាំដោះស្រាយសំណងជាមួយម្ចាស់ផ្ទះតាមផ្លូវច្បាប់៕
ខេត្តព្រះសីហនុ៖ ប្រជាពលរដ្ឋបានប្រទះឃើញសាកសពស្រ្ដីម្នាក់ដែលសង្ស័យថាត្រូវបានគេសម្លាប់ដោយអាផ្តាច់បំពង់ក ។ ហេតុការនេះបានកើតឡើងនៅវេលាម៉ោងប្រមាណ៦ព្រឹក ថ្ងៃទី០៩ខែ មេសា ឆ្នាំ ២០២១ នៅត្រង់ ចំណុចតាមបណ្តោយផ្លូវលេខ៨៣៥ ស្ថិតក្នុងភូមិលេខ ០៦ សង្កាត់លេខ ៤ក្រុង .ខេត្តព្រះសីហនុ។ មន្រ្តីប៉ូលិសប៉ុស្តិ៏រដ្ឋបាលសង្កាត់លេខ៤បានឲ្យដឹងថាសាកសពស្រ្តីរងគ្រោះអាចមានអាយុ ២០ឆ្នាំ ទៅ២៥ឆ្នាំមិនទាន់ស្គាល់អត្តសញ្ញាណនៅឡើយទេ។ នៅលើសាកសពមានស្នាមអារផ្តាច់បំពង់ក ប៉ុន្តែរមិនមាន ឈាមដក់នៅក្បែរសាកសពទេ ចំណុចនេះសង្ស័យថា សពស្រ្តីរងគ្រោះត្រូវបានឃាតករសម្លាប់នៅក្នលែងផ្សេង រូចហើយទើបដឹកយកទំលាក់ចោលចំណែកនៅក្បែរៗកន្លែងកើតហេតុក៏រកមិនមិនឃើញអ្វីគួរឲ្យកត់សម្គាល់នោះដែរ។ បច្ចុប្បន្ន សាកសពស្រ្តីរងគ្រោះកំពង់ត្រូវបានសមត្ថកិច្ចជំនាញវិឡាសាស្រ្តនៃស្នងកាដ្ឋាននគបាលខេត្ត ព្រះសីហនុ ធ្វើកោសល់វិច្ច័យ យ៉ាងយកចិត្តទុក្ខដាក់ និងបន្តធ្វើការស្រាវជ្រាវវែកមុខរកឃាតករដៃដល់ ចាប់ខ្លូន យកមកផ្តន្ទាទោល តាម ផ្លូវច្បាប់៕
