ព័ត៌មានរាយការណ៍ ព័ត៌មានសន្តិសុខសង្គម

សង្វៀនជល់មាន់ដុះស្លែរ របស់លោក ឡេង បើកលេងបានយ៉ាងរលូន តែគ្មានអាជ្ញាធរមានសមត្ថកិច្ចណាហ៊ានបង្ក្រាប!

ខេត្តឧត្តរមានជ័យ ៖ សង្វៀនជល់មាន់មួយកន្លែងនៅក្នុងភូមិត្រពាំងប្រាសាទ ឃុំត្រពាំងប្រសាទ ស្រុកត្រពាំងប្រាសាទ ខេត្តឧត្តរមានជ័យ។

បើកលេងជារៀងរាល់ថ្ងៃតែគ្មានសមត្ថកិច្ចណាម្នាក់ហ៊ានបង្ក្រាបសោះឡើយគឺទុក្ខបណ្តែតបណ្តោយឱ្យ បើកលេងបានដោយសេរី។

បើតាមប្រភពព័ត៌មានបានឱ្យដឹងថាទីតាំងល្បែងស៊ីសងមួយកន្លែងនេះគឺបើកលេងយូរណាស់មកហើយតែគ្មានសមត្ថកិច្ចណាបង្ក្រាបឡើយហាក់បីដូចជាឆ្នាំងបាយរបស់សមត្ថកិច្ចអញ្ចឹង ។ ក្នុងនោះដែរគេក៏ស្គាល់ច្បាស់ថាម្ចាស់ទីតាំងល្បែងជល់មាន់នោះមានឈ្មោះ ឡេង ដែលរាល់ថ្ងៃនេះគេកំពុងតែគៀងគរក្រុមអ្នកញៀនល្បែងមកលេងទីតាំងរបស់ខ្លួនជារៀងរាល់ថ្ងៃ។

ក្នុងនោះដែរក៏មានប្រជាពលរដ្ឋដែលរស់នៅក្នុងតំបន់ខាងលើកំពុងតែសំដែងនូវការព្រួយបារម្ភចំពោះការរស់នៅរបស់ពួកគាត់ចំពោះបញ្ហាសេចក្តីសុខ សុវត្ថិភាពក្នុងការរស់នៅរបស់ពួកគាត់ព្រោះថាបើទីតាំងណាមានបើកល្បែងស៊ីសងហើយទីតាំងនោះមិនយូរទេនឹងអាចកើតមានអំពើចោរកម្មផ្សេងៗជាក់ជាមិនខាន។

ដូច្នេះសូមសំណូមដល់លោកអធិការនគរបាលស្រុកត្រពាំងប្រាសាទ ជាពិសេសស្នងការនគរបាលខេត្តឧត្តរមានជ័យ សូមមេត្តាមានវិធានការទប់ស្កាត់និងបង្ក្រាបដល់ក្រុមញៀនល្បែងទាំងនេះផងដើម្បីរក្សាការពារនូវភូមិ ឃុំមានសុវត្ថិភាពជូនដល់ពលរដ្ឋ៕

adm

Leave a Reply

Your email address will not be published. Required fields are marked *